نيشان

@FdFdHME عاداتكم لا قيمة لها في العصر الحديث. أجدادك لا يهتمون بمنظر وجه الزوجة لأنهم ما يجلسون معها طوال اليوم وهو يشتغل وفي الليل لا كهرباء ولا نور ويكون متعب يعمل المطلوب وينام.. وتروح السنين وينجبون وليس بينهم مشاكل. اليوم الزوج والزوجة في شقة متقابلين طول الوقت ولازم يرتاحون لبعض.

#فضفضه خطبت وملكت وفي عاداتنا مافيه شوفه شرعيه ولا مكالمات بعد فتره خطيبتي تبي تتواصل معي وقلت عادي وصرت اكلمها بعدها طلبتني سناب وصار وبعدها ارسلت صورتها لي بدون طلبي هل تشوفونها عادي او لا احس انه مو عادي هل عادي البنت تكون كذا ولا غلط تطلب رقم وسناب وترسل صورها تكفون قولوا الصدق ؟

@albazei تفضل يا دكتور هذه المعلومة الصادمة عن #جامعة_الرياض الحكومية التي تنفق عليها من ميزانية الدول تحت مظلة وزارة الثقافة @BadrFAlSaud جعلت الدراسة كلها بالإنجليزي! x.com/msa7at1/status…

الجامعات لا تخرج شعراء أو كتّاب أو فنانين أو مفكرين أو حتى علماء؛ تخرج متخصصين في مجالات المعرفة التي منها الفن والأدب والفكر والعلوم المختلفة. بتعبير آخر طلاب الجامعات يتخصصون في العلوم والفنون لا لكي ينتجوها وإنما لكي يعرفوها. قد ينتجها بعضهم لكن ذلك ليس نتيجة التعليم وحده.

@Askmuhami مادام أخوك هو اللي أخذك من بيت الزوجية فتعتبرين ناشز وتسقط حقوقك في النفقة وفي الفسخ بدون عوض. بدلا من إصلاح غلطك رحتي تقولين انه شيء تافه. يمكن تافه في نظرك لكنه عند الرجل شيء عظيم؛ وهذا يدل على سوء تقديرك للأمور. الحل المناسب هو المصالحة مع زوجك والاعتذار له والتعهد بعدم تكراره

من الخاص📩 السلام عليكم انا بعد شهر العسل حصلت بيني وبين زوجي مشكلة سخيفه جداً و هو انفعل وعصب و طردني من البيت و اتصل على اخوي و قال له تعال خذ اختك فطلعت من البيت و اخذت جميع اغراضي و رحت لأهلي وبعد اول شهر جلست فيه عند اهلي تواصلت معه وطلبت منه الطلاق و رفض انه يطلقني وصار ما يرد علي و الآن لي عند اهلي 7 شهور وهو ما حاول يصلح الوضع ولا راضي يطلقني و في نفس الوقت هو و اهله جالسين يطلعون عني كلام و يشوهون سمعتي عند الرايح و الجاي وانا والله ما غلطت بشيء ابداً و الحين انا خلاص ابغى انفصل لكن ماني عارفه وش اسوي فالحالة هذي يعني هو هاجرني المدة هذي كلها ولا تواصل معي ابداً او مع احد من اهلي هل لو رفعت فسخ برجع له المهر ولا لا وهل اقدر اطالب بتعويض عن مدة الهجر هذي وعن تشويه السمعه لأنها تعبتني نفسياً

@SALIFATI9 هذي مريضة ورح تنقل لك مرضها وتصبح مثلها قنوط يائس بائس كاره للحياة ولا تشوف فيها إلا السواد والتعاسة.

#سالفتي انا كاتب الكتاب على بنت عمرها 23 وموعد العرس اتحدد بعد حوالي 3 أشهر من كتب الكتاب، اكتشفت في الفترة هذي أنه البنت جدا مزاجية وممكن مزاجها يتحول من سعادة لحزن أكثر من 3 مرات في اليوم بطريقة غير طبيعية البنت اشتكت انها مضغوطة من تجهيزات العرس وانه ما في وقت كافي لتشتري أغراض الزواج، وانها ما تعرف أي شي عن الموضوع، وانا دايما أعطيها حلول وأوصلها مع ناس ممكن يساعدونها في هذا الموضوع نفس خالتي أو أمي، لكن لاحظت انه البنت تحب تلعب دور الضحية حتى لو الحلول موجودة وأيضا لاحظت انه علاقتها مع امها سيئة جدا ولا يوجد حب او تعاطف بين الطرفين وهذا مع اعترافها أيضا، انا صراحة مرتاح لإيجابيات البنت والأشياء الحلوة الي فيها، لكن المشكلة نادرا ما اشوف الإيجابيات هذي ودائما تشتكي وتتذمر وتحس بيأس، وانا دائما أصبر معاها وأحاول اكون العاقل والزوج الحنون، لكن أخاف هذي العقلية تستمر للحياة بعد العرس

@Askmuhami موقفك القانوني مع النظام الجديد للأسف ضعيف. البنت إذا وصلت عمر 18 خلاص تسرح وتمرح على كيفها ولا لك اي كلمة عليها. لاحول ولاقوة إلا بالله.

من الخاص📩 السلام عليكم بنتي عمرها 26 وماني مقصر عليها بشي وتوظفت ومامنعتها خليتها تتوظف ولكن من توظفت اغلب وقتها خارج البيت إذا سألتها ليش تتحجج بالوظيفة حتى انها احيانا تنام براء البيت وراقبتها ولقيتها تروح لزميلاتها بعد الدوام واغلب وقتها عندهم هن مجموعه بنات في بيت مستأجرينه ولكن سلوكهم مو كويسة يجيهم شباب وزي كذا وهذا أثر على بنتي ومنعتها تروح لهم وبعد فتره ارجعت لهم ثم منعتها وشديت عليها واخذت فتره ورجعت ثم ضربتها ومنعتها من الوظيفة ومن الخروج من البيت ثم اهرب وراحت لهم وراقبت البيت لين خرجت وأخذتها بالقوة وضربتها ووديتها للبيت وسكرت عليها أحد الغرف وقلبي يتقطع عليها ولكن وش اسوي مابيدي حيله اضطريت اضربها وهي تقول بشتكيك ويعلموني اخوانها انها تدخل على ناجز وتقول بشتكيه وابي اعرف موقفي القانوني هل هو معي او ضدي

@msa7at1 لأن هدفها تخريج ناس يتعاملون مع الأجانب وليس لخدمة الوطن.

اختارت جامعة الرياض للفنون اللغة الانجليزية لغة رسمية وبررت وكيل وزارة الثقافة هذا القرار بهدف الوصول للعالمية. سعادة الوكيل خذيها مني ومن غيري لن تصلي للعالمية، بل لن ننافس محيطنا الخليجي ان كانت هذه استراتيجيتكم. هل الوزارة مستثناة من قرار مجلس الوزراء بشأن اعتماد العربية؟

@NOWTRND اسألي #سارة_الودعاني

ترند "مقطع متداول" سيدة تهاجم: فيه وحده طلعت فجأة ماخذه دكتوراة متى درستي وكتبتي الرسالة وش موضوع الرسالة؟ علمينا اذا بهذي السهولة احنا كمان نبغى، انا طلعت عيوني لين أخذت بكالوريوس اللي يعرف من وين جابت الدكتوراة يعلمنا الموضوع طلع بسيط مافيه تكلفة وتعب!

@ex_officer1 @Stateman_KSA الممثل #أسامة_الراشد هل هو مقتنع بما يقول؟ لماذا لم يذكر الجهة اللي مفروض يروح لها الشباب الباحثين عن عمل بديلا عن مواقع التواصل؟ رأيي ضرورة حل مشكلة البطالة في #السعودية عاجلا يا سمو الأمير #محمد_بن_سلمان‌ لأنها قنبلة جاهزة للانفجار. أقترح تسريح الرميان والراجحي والدوسري فوراً.

من هذا المدعو "اسامة الراشد" لكي يخرج بمقطع فيديو يُهدد المواطنين بالاعتقال؟ ما هي صفته؟ ومن سمح له؟ متى نصبح دولة قانون تحترم مواطنيها وتحتويهم؟ يبدو أننا لن نصل إلى هذا المستوى.

@Askmuhami الورثة ليس لهم علاقة بالدين. إلا إذا عنده تركة لم تقسم.

من الخاص📩 السلام عليكم شخص مستخدم فعلي للمركبه والمركبه عليها تامين ولكن رخصه المستخدم منتهيه وقدر الله انه توفى والناس اللي دعمهم توفو الله يرحمهم جميع وقامت شركه التامين ودفعت مبلغ الديه بعد ٣ سنوات من دفع الديه رجع التامين يطالب اهل المتوفى بالمبلغ اللي دفع هل له الحق

@GoldenDose ذكرتني بحركة #يزيد_الراجحي يوم يطلع وهو راكب طيارته ينصح الفقراء اللي ما يملكون قيمة سيكل. ويوم صارت المشكلة ما عرف يصلحها إلا بشكوى المنتقدين مستغلا دعم وزير الإعلام لولد عمه لكن سمعة تجارته تدمرت ومستحيل ترجع كما كانت.

ابو نورة الفوزان يتحدث عن قصة: هذا صانع محتوى شهير قرر يفضح شركة بوغاتي هو يملك سيارة شيرون اللي انصنع منها 60 نسخة حول العالم، سوا عليها حادث وكلم الشركة عشان يقدرون له قطع الغيار قدروها له بـ 6 مليون قال لهم عطوني القطع بغيرها برا ورفضوا لين قرر يفضحهم!

@GoldenDose شفتك العليا يا أميرة حجمها زايد شوي. التركيبة الجميلة إن السفلى تكون أكبر قليلا من الشفة العليا. فاحذري من تكرار نفخ الشفايف مستقبلا..

اميرة العتيبي: ذي صديقتي انقطعت عنها ثلاث شهور ونص بسبب عين وحدة مشهورة، فجأة انا ويها قطعنا تواصل بينا كنا مو طايقين بعض لهدرجة والسبب كان جدًا سخيف اكتشفنا ان فلانة رايحة لوحدة ذولي الثنتين صداقتهم مرة غريبة قالت هذا الكلام بنفس الشهر اللي تهاوشنا فيه!

@FdFdHME رح عند الخطابة هذي @hi3nd تدبرك ولعلمك تراها تخطب لك مجاناً بدون ما تأخذ منك فلوس. واللي تعاملوا معها يمدحونها. عليك بذل السبب والتوفيق عند الله

#فضفضه عمري ٤٣ وماتزوجت للحين موظف حكومي وسبب تأخري في الزواج ضروف اهلي الماديه والحين ودي اتزوج بس المشكله خطبت ثلاث مرات ورفضوني بسبب ان العمر الكبير وش الحل الله يسعدكم.

@Stateman_KSA لو كلامك صحيح فإن أول من يستغل موضوع البطالة هو #محمد_بن_زايد اللي يقدر يشوه سمعة #السعودية وسمعة ولي العهد #محمد_بن_سلمان‌ في الخارج ويمكن في الداخل بأنه يثور الشعب ضد قيادته بحجة العاطلين عن العمل ويقدر يدس عملاء ويخلق مشاكل كبيرة في البلد بسبب هيمنة وقوة #الإمارات إعلامياً.

بن سلمان يخاف من الحديث عن العطالة على مواقع التواصل، ويخاف من الشكاوى. وهو على استعداد أن يفعل كل شيء لكي لا يخرج مواطن ويتحدث عن وضعه المادي أو أن يقول: "أنا خريج ولا أجد وظيفة"

@nwaf_d_a خلك صادق.. ما رحت هناك إلا لعدم قبولك في جامعة حكومية داخل #السعودية

لا تخلي الشخصنه تعمي عيونك هذا الشخص فصل لك موضوع جامعة ميدأوشن غير معترف بها في دول معينة ما هو معناته انها وهمية او مزورة للمعلومية أنا درست بهذي الجامعة ماجستير و البارح قدمت حفل التخرج و حرفيا محاضرات و واجبات و اختبارات و بحث تخرج و كلها اونلاين

@FdFdHME مارح تحصل إلا مجنسة من أصول بنغالية او هندية او باكستانية او إفريقية عندكم في جدة او حضرمية غير مجنسة. لا تفكر ان فيه بنت سعودية رح تتزوجك إلا تكون مطلقة وكبيرة في العمر وانت عندك فلوس ممكن تطمع فيك وتوافق. غير كذا لا تتعب نفسك فالبنات السعوديات ما يقبلون ينزلون للأجنبي بسهولة.

#فضفضه انا شاب حضرمي (من حضرموت) جاد بالزواج وللمعلومية انا مهندس طيران حامل ماجستير واريد اتزوج سعودية هل بإمكاني استطيع وكيف اقدر اتزوج بنت استرها وتسترني.

@Askmuhami هذه عملية نصب واحتيال وغسيل أموال فاحذر منها.

من الخاص📩 السلام عليكم استفسار حصلت عرض وظيفة بالتليغرام وتواصلت مع المعلن (الوظيفه عبارة عن استقبال حوالات مالية وشراء بطاقات شحن العاب من مواقع معروفه ) لااعلم هل هذي الطريقة مسموحه قانونيا ونفس البيع المشترى ام فيها مخالفة

@FdFdHME تواصلي مع خطابة ثقة عندها من جميع القبايل والمناطق وعملها مجانا لوجه الله هذا حسابها @hi3nd وربنا يوفقك ويرزقك من واسع خيراته بالزوج الصالح المناسب.

#فضفضه عمري ٢٦ سنة أرغب الزواج وأشوف نفسي جميلة وذكية تعبت من مشاكل أهلي وأحس إني كبرت وأبي أستقر وأتزوج مشكلتي أبي أتزوج من خارج منطقتي عادي يكون سعودي لكن من منطقة ثانية أو خليجي قبيلي لكن الأفضل سعودي ما أبي أتزوج من المجتمع اللي حولي أبي أبتعد عنهم هل تعرفون طريقة للموضوع ؟

@Askmuhami هذا شخص لسانه قذر ولا ينفع معه شيء. اطلبي فسخ نكاح بسبب سوء العشرة واكتبي الألفاظ الوسخة اللي تفوه بها. بس استعدي للموافقة على رد المهر أو جزء منه لكي يفسخك القاضي والسداد بعدين ان شاء بعد عشرين سنة مارح تتضررين إلا في موضوع السفر للخارج. اشتري راحة قلبك ورأسك من هذا الخسيس.

من الخاص📩 السلام عليكم زوجي لعن امي وابي المتوفي بسبب تافه انه يغار علي واعتذر في نفس الوقت بس ما رضيت وطلعت لبيت اهلي وطلبت الطلاق منه لسوء عشرته والفاظه هل يحق لي فسخ العقد في هذة الحالة ؟

@Askmuhami المحكمة لا تنظر إلى رصيدة لو كان مليار. المهم هو دخله الشهري الثابت مثل الراتب ويحسم منه إلتزاماته المالية والنفقات الواجبة عليه لوالديه أو من يعول. تقولين زوجي وليس طليقي فهذا يعني انك تطلبين نفقة وانتي في بيته؟ أو انك ناشر هاربك من بيت الزوجية؟

من الخاص📩 السلام عليكم راتب زوجي 16 الف وماعليه اي التزامات ولديه رصيد جيد في البنك لانه كان يجمع لشراء منزل كم من الممكن تكون النفقة لطفلين ؟ وهل النفقة شاملة السكن ؟

@Gmedia_SA @SalmanAldosary تفضل رد على الإعلام الدولي جراء عملك التعسفي غير المدروس وأنت تعلم وضع #السعودية المتدني في مؤشر حرية الرأي والتعبير بسبب عدم قيامك بمهامك الصحيحة. يمكنك معالجة الوضع دون ضجيج إعلامي محرج لنا خارجياً.. @kbsalsaud x.com/ft/status/2055…

بيان | اتخذت الهيئة العامة لـ #تنظيم_الإعلام الإجراءات النظامية بحق 49 مخالفًا، وإحالتهم إلى لجان النظر في المخالفات الإعلامية. وتؤكد الهيئة التزامها بحماية الفضاء الرقمي من الحملات الممنهجة والمضللة، ورصد كل ما يخالف الأنظمة الإعلامية واتخاذ الإجراءات النظامية بحق المخالفين.