ويـــم🍋

قررت أخذ الموضوع بجدية وابدأ رحلة ٩٠ يوم في تطوير اللغة الإنجليزية.

دعواتكم للوالد 🙏🏻🙏🏻🙏🏻

عندي تساؤل واتمنى اجد الاجابة هل المشكلة في مدة استخدامنا للجوال ؟ او ان كل الوقت مخصص للسوشل ميديا والدوبامين الرخيص ؟ لأني احس في فرق كبير خاصة إذا كان الشخص ينجز او يبحث او يقرأ او يتعلم باستخدام الجوال

اليوم السابع من تقليل استخدام برامج التواصل الاجتماعي، تجربتي أول يوم كان صراع، كل شوي أمسك الجوال رغم إني أكون أشتغل، يدي لا إرادياً تمسك الجوال، وأحاول أشغل نفسي أقرأ وأتعلم أكثر. تابعت محتوى عن برامج التواصل وفيديوهات كثيرة في اليوتيوب، وكلها ساعدتني أكون واعية لسلبيات هذه البرامج. تابعت فيديوهات لمشاهير ما عندهم هذي البرامج، وحتى اللي اخترعوا هذي التطبيقات ما يسمحون لعيالهم يستخدمونها؛ الموضوع مو بسيط، وبجمع كل اللي قرأته وتابعته وبكتب مقالة طويلة عنه. أي شيء متعودين عليه صعب تتخلصين منه، بتطلعين وتنزلين ويصير تذبذب مثل ما صار لي في يوم ما كان لي خلق ووصلت لـ 6 ساعات 😞. غير كذا، برامج التواصل تقلل التركيز وتخليك منفعلة وطاقتك قليلة، وهي أصلاً مصممة عشان تظلين أطول فترة ممكنة في التطبيق، وهم يكسبون من جلوسك عندهم أساساً 🙄. قررت أحاول أسوي جدول للأيام السبعة الجاية، أحدد فيها أوقات معينة يكون النت شغال فيها لهذي البرامج، مثلاً من 12 الظهر إلى 6 المساء أكون متاحة، وأشوف إيش البرامج اللي ما أحتاجها ولا باخذ منها فايدة عشان أحذفها. الطرق اللي قللت فيها استخدامي: • ما أحط الجوال جنبي لمن أنام. • أسوي الأشياء بدون ما أسمع شيء. • أبعد الجوال عني وأنا أقرأ أو أتمرن أو أرتب أو أشتغل. • أحاول أخصص 10 - 30 دقيقة بدون ما أسوي شيء، بس كذا أجلس، وبزيد المدة مع الأيام.