🕊نـوره العدواني✨🌸

قال رسول الله صلى الله عليه وسلم: إنَّ للَّهِ أَهْلينَ منَ النَّاسِ قالوا: يا رسولَ اللَّهِ ، من هُم ؟ قالَ: هم أَهْلُ القرآنِ ، أَهْلُ اللَّهِ وخاصَّتُهُ هل تتمنين حفظ سورة المائدة ؟ هيا معنا نحفظها سوياً نتدارسها ونتعلم تلاوتها بشكل صحيح التواصل ع الخاص #جدة_الان #وش_ودك_تقول

[ ما منْكم من أحدٍ إلَّا وقد وُكِّلَ بِهِ قرينُهُ منَ الملائِكةِ وقرينُهُ منَ الجنِّ. قالوا: وإيَّاكَ يا رسولَ اللَّهِ؟ قالَ: وإيَّايَ إلا أنَّ اللَّهَ أعانَني عليْهِ فأسلم ]

@FdFdHME تجدهم في دور التحفيظ طالبات علم ماعندهم وقت للاغاني والمسلسلات

#فضفضه هل أنا غلطان لاني ابحث عن زوجة ملتزمة؟ مجتمعي اللي حولي كلهم يسمعون اغاني ويتصورون ويتفرجون مسلسلات رغم ان هذي الاشياء حرام بس متساهلين فيها ويقولون ادع لنا ربي يتوب علينا ودايم نقاشات تعبت منها ابي ارتاح مع زوجة ملتزمة اكثر مني وكل اهلي أحبطوني اني ما راح الاقي طلبي.

@prop_solu طبيعي تفقدي الامان وانه ممكن يتخلى عنك في اي لحظه لكن لو عرفتي ان الانسان يغلط وايضا ممكن يتغير للافضل وواضح انه ندمان واعتذر وسامحتيه بس خايفه يكرر حماقته خوفك علاجه التوكل على الله وان مايكون في الكون شي الا باذنه وان رزقك واجلك كله مكتوب اطمئني استمتعي باللحظه وعيشي حياتك

السلام عليكم ورحمه الله وبركاته أنا زوجي نزلني بيت اهلي واحنا كنا متهاوشين و طلقني بدون سبب فجاه جتني رساله من ناجز وانا كنت حامل اول طفل وجتني رجفه بوقت الرساله واكتئبت ونفسيتي تعبت مع ضغط المجتمع محد كان مصدق بدون سبب وكنت معتمده عليه تماما وعشت وقتها بدون فلوس ولا وطيفه وكانت فتره صعبه وضياع وتشتت ، رجعني قبل لا تخلص العده و اعتذر من ابوي وقال بسبب الشيطان بعد ما شوه سمعتي عند اهلي واهله والكل درى عن طلاقي ، رجعت له وانا كل ليله ابكي احس مجروحه مره مره 💔 مسامحته بس مو قادره انسى كل مره يجيني شعور المممم بالقلب واحس ماابي احبه ولا ابي البس له ولا اي شيء كنت اسويه وانا عروسه اخاف يجرحني ويتخلى عني ثاني مره ما احس معه بالأمان ومرات ودي اضربببببه من القهر ، حياتي من رجعت وانا أجامل وش الحل تعبت من الصياح والتفكير

@FdFdHME اذا رجعت البيت عوضهم واحتويهم وتفقد احوالهم مع الوقت بيخف قلقك في العمل تذكر ان الانسان له طاقه وان الله لايكلف نفسا الا وسعها

#فضفضه انا اذا رحت للدوام يجيني شعور زي القلق واسال نفسي والوم نفسي علشان عيالي في البيت اذا زعلتهم ولا اذا ما سويت لهم الشي الي يبونه واحس اني ما جلست معهم كثير وادق على زوجتي تصورهم لي واسالها ناقصكم شي تغديتو تعشيتو وش تسوون هل هذا شي طبيعي.

@rodiczzz (انا نحن نزلنا الذكر وانا له لحافظون ) لو يفعلون مايفعلون كتاب الله محفوظ

الشيطه طابعين مصحف وتخيلوا انتم كميه الدس والطعن واللعن في هذا المصحف 🤣🤣👇

💡كلام نفيس لمعالي الشيخ صالح آل الشيخ وفقه الله : وطن نفسك على السكينة

قال رسولُ الله ﷺ: أكثروا ذكر هادم اللَّذات

منشد سُني يرد بنفس الوزن والقافية على الطائفي التكـ فيري الغوغائي المطرب اللطام "خضر عباس" الذي تجاوز على صحابة رسول الله وأم المؤمنين عائشة رضي الله عنهم أجمعين.

فرحة الراجل وضحكته كفيله تغير مودك .

من أجمل ما سمعت

@prop_solu تقليل دائرة المعارف افضل تخف المسؤليات والالتزامات الصديقات مايدومون الا ماندر وبعدين محد فاضي يسالك وين صديقاتك الا وحده ملقوفه ماتستاهل تعبرينها ركزي على حياتك المستقبليه، الزوج مايرتاح يكون لزوجته صديقات تطلع معهم وتحصل مشاكل فانتي احمدي الله المساله محلوله من بدري

أنا أنسانه ماعندي صديقات الأمر إلي محيرني كيف اذا تزوجت و سألوني وين صديقاتك وهدايا الصديقات مدري وش أسوي أتمنى المساعده

@prop_solu انتبهي من صفة الكبر يمكن فيك وانتي مو حاسه وشوفة النفس بغيضه تخلي الناس يكرهوك حتى لو اهلك او ممكن يغاروا منك لتميزك عموما ايا كان السبب هي مجرد نظرات ممكن تفسريها لصالحك او تتجاهليها ولا تعطيها اهميه

السلام عليكم أنا بنت متميزة وحالياً مستغلة وقتي بعد التخرج في حفظ القرآن والدورات عشان أبني نفسي ومااحس بشعور العطالة أنا ما أطلع إلا لهالأماكن وأهلي هم اللي يودوني ويجيبوني المشكلة إن أهلي يوافقون أروح، بس يذبحوني بنظراتهم وأسئلتهم اللي تحسسني إني قاعدة أسوي شي غلط! هالشي دمر نفسيتي وخلاني قبل كل دورة أتوتر وأشيل همهم واخاف اصارحهم مع إني والله نظيفه بس ضغطهم وشكهم يحسسني بقلة الثقة اندم ويجيني شعور ان ماودي انجز شي او ماودي اخذ شهادة دورة من كثر الشعور السيء. تعبت وأنا أشوف اللي حولي يلقون دعم من أهاليهم وأنا أقابل بنظرة شك تكدر خاطري من طفولتي كذا ع ابسط شي يحسسوني بالشك وكبرت وانا مهما سويت احس مااقدر ارضيهم واحسهم يشوفوني بنظره سيئه بالرغم من اني ينضرب فيني المثل لديني واخلاقي وتفوقي بكل شي افيدوني بنصائحكم وكلامكم

@FdFdHME الشي الوحيد اللي يسعدك ويشعرك بالاكتفاء عن العالم كله هو القرآن الكريم ابدي حياة جديده مع القران احفظي تعلمي القراءة الصحيحه التفسير انشغلي بالقران وشوفي حياتك كيف تتغير باقي الامور توكلي على الله ولا تفكري فيها من الاشياء اللي تجيب السعاده بر الوالدين والصدقه لو ريال

#فضفضه انا عزباء عمري ٣٤ اموري معطله جدا كرهت الحياة عاطله وقتي اقضيه بالبيت احنا ناس غير اجتماعيين طلعاتنا من البيت قليل مره للأسف ماعندي صديقات تعبت من حياتي يمر اليوم مثل اللي قبله كله يكون بتنظيف البيت والطبخ بالمطبخ كل مايتقدم لي شخص يكون غير معروف واهلي يرفضون اللي مايعرفونه وهم عن طريق ناس يعرفوننا او يتقدم احد من غير مدينتنا واهلي كمان مايحبون اللي من برا مدينتنا يعني بأختصار موضوع الزواج معطل بشكل ملاحظ صار الشيء اللي يسعدني اني اروح انام بالسطح احس اني مغيره جو حياتي احسها سجن وبعالم منعزل عن الناس حتى الماديه صعبه شوي وماتساعد اني اذا تضايقت اطلع اتسوق او اطلب شي اتسلى فيه قسما بالله حتى مشروبات الكافيهات ما اعرفها اسمع فيها مدري احزن على حياتي ولا على عمري اللي راح وفاته القطار أحس اني بحلم مو معقوله حياتي كذا كلها طفش وملل ونفس الروتين يتكرر يومياً ما أقول الا الحمدلله على نعمة العافية والأمان ولا تنسوني من صالح دعواتكم مجرد فضفضه وكلام بقلبي حبيت اطلعه ابي احد يحس فيني شوي.

اهذا دينكم ؟!

@FdFdHME قال تعالى (وبرا بوالدتي ولم يجعلني جبارا شقيا) تشير الاية الكريمة ان بر الوالدين سبب في سعادة الدنيا والآخرة، وأن الشقاء لا يجتمع مع البر،

#فضفضه عمري 25 أموري متعطّلة لا زواج ولاوظيفة أمي علاقتها معي صعبة جدًا وقاسية وتؤذيني بالكلام والتصرفات وتتهمني في ديني وأخلاقي وتشَككني في نفسي من صغري حاولت بكل الطرق أصلح وأحتوي وأسكت وأواجه لكن ما نفع شيء ما أبي أرهق أبوي لأنه كبير في السن وجهوني تكفون وتكفون دعوة صادقة بظهر الغيب إن الله يفرّج همي، ويعوضني خير ويكتب لي حياة مستقلة آمنة، ويسخر لي وظيفة وزواج يريح قلبي، ويكفيني شر الأذى ويجبر كسري. دعواتكم لي، الله لا يحرمكم الأجر 🤍

@FdFdHME احمدي ربك عندك ام

@FdFdHME فترة الملكه اعتبريها فترة تعارف وعلى قولتك تكون فترة بسيطه

#فضفضه انا بنت في بداية العشرين مواصفاتي حلوه الحمدلله ويجوني خطاب لكن مو قادره أتقبل ودي أتزوج عن تعارف بس مابغى أدخل طريق العلاقات المحرمة ولاأعرف كيف ممكن يتم ذا التعارف بطريقة جاده وواضحه وبحدود الشرع دون تجاوزات وبفتره بسيطة اقدر اكون تصور عنه واكون مرتاحة نيتي سليمه ولا أبغى غير نعرف الأساسيات عن بعض ونشوف إذا بينا توافق أعطيه رقم أهلي وجهوني تكفون. احتاج نصيحة وحل منكم .

#في_الاستغفار_فرج_لكل_هم اللهم وفقه لما تحب وترضى يارب العالمين

حقيقه مايعرف الاستغفار الا اللي لزمه وعاشه ان وعدالله حق﴿وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ﴾ستعيش عزيز بهذه الحياه #في_الاستغفار_فرج_لكل_هم