العتيبي

أسعد انسان هو الذي ينسى وجبة طعامه لشدة انشغاله واندماجه بعمله.

@FdFdHME عادي ، لكن ارقي نفسك ، واستمري على قراءة القرآن.

#فضفضه انا انسانه تعبت كل مايجي شيء اتفائل فيه وظيفه او زواج ومايتم تحطمت صرت احس اني مابي شيء خلاص سويت مساج قالوا انتي فيك عقد مسببه لك ربط طنشت الموضوع وما اعرف هذا توكل مني على الله او اهمال وجهوني تكفون.

@FdFdHME والله ياأختي حتى احنا ماندري ، لكن حسب وصفك له هو انسان كويس.

#فضفضه صبرت كثير في حياتي حتى يعوضني الله بالحلال الحمد لله ربي رزقني بزوج طيب حنون لكن يا ناس تعب قلبي والله العظيم ٧ اشهر مملكه انتظر منه لمسة يد قًبله حضن اي شي لو كلمة متى الله يجمعنا تحت سقف واحد ما فيه مو قادره أحس انه زوجي كاني جالسه مع ابي و اخواني اذا قلت له كلام حلو قال جزاك الله خير صح يمدح جمالي بس ما يحسسني بأنوثتي ما احس اني أنثى مرغوبه الرجل عندما يرغب بالأنثى يبان من نظراته تصرفاته صوته اي شيء لكن زوجي مااحس هالشعور معاه حتى اتصالاته سوالف عاديه زياراته سوالف عاديه عن اهلي وجماعتي و ايش جديدي !! بصراحه اخاف ما عنده رغبه قلبي يوجعني استحي أقولها بس احتاج حضن منه بس مستحيل اقول له اذا ماعرف من نفسه يا ناس كيف اتأكد اذا الادمي طبيعي الرجال أدرى ببعضها أرشدوني ما ابي اقول لأهلي شي ابي اتأكد من ناس ما تعرفني هو اول زواج لنا ابي جواب بأمانه بدون طبطبه ولا اذى تكفون.

@prop_solu ماشاء الله تبارك الله ، فعلاً أنتي أم عظيمه ، الله يخلي لك ولدك وتشوفيه مثل ماتبين وأحسن.

انا ام معاي ولد عمره ٧ سنوات ، انا اريد اربي ابني على عادات الرجال ،الاب للأسف ابد مو صوب ابنه ابدا وكلمته كذا مره بس مطنشني يعني التربيه علي ١٠٠% بالنسبة للمسجد اخذه بنفسي وانتظره برى لين يخلص بس الأمور الثانيه يعني احب يتعلم كورة احب يتعلم يضارب لان شخصيته جدا ضعيفه.. ماقدر اقول لخواله استحي اكلف عليهم وبيقولوا وين ابوه،،اخذه الحديقه الأطفال يلعبوا كورة وهو يريد يشارك مايعرف يرجع يبكي ، كيف اخليه يتعلم على علوم الرجال بدون مدخل اي احد؟

@FdFdHME أنت ليه حاسده ، خله مبسوط ، أنا انبسطت له من وصفك له.

#فضفضه واحد من معارفي شرا له جيب والمشكلة اقصاد وكل شوي يروح لاماكن فيها مطر وبرد ويصور السيارة ويحط عليها شيلة واشغلنا كل ما فتحت الواتس او السناب احصل مقاطعة مره فالشمال ومره في الجنوب وقلنا له ترا ازعجتنا بسيارتك ماكن احد معه جيب الا انت وكل ماجلسنا بمجلس وهو معنا تدور السوالف حول الموضوع هذا فلان ازعجنا بسيارته حتى في وقت المطر يوديه المغسله يغسلة ويصوره وينزله ستوري سابقاً ماكان معه جيب ودايم وقت الامطار يقول ليت معي جيب يحب البر ولاهو راعي كافيهات ومطاعم بسبب ماعنده جيب صار بيتوتي ويوم شراه اشغلنا كل شوي طالع ويصوره فالبر والمطر ماادري هل هذا طبيعي اذا شخص شرا شي جديد يسوي كذا ولا بس يبي يقهرنا.

@FdFdHME يعني اللي شايله همه دعوتك على أخوك.؟ الأولى تفكي نفسك هذا الشخص بأسرع وقت ، إذا فعلاً شاذ.

#فضفضه أخوي متفتح جداً ومسوي نفسه متطور لدرجة إنه قال لصديقه يتزوجني وقالي صديقي خطبك مني وجلس يمدحه لي وأناكنت متدينه بس بلحظة ضعف مني وافقت على صديقة صارت الملكة وتم الزواج بس ابد مارتحت له ظهرت شخصيتة الحقيقة وصار يعتدي علي بالضرب والشذوذ وكل يوم يهيني ويقولي ماتزوجتك إلا عشان أخوك هل لي حق أدعي على أخوي اللي بلاني بصديقه.

@FdFdHME نفذي اللي قلتيه ، روحوا اعتمروا ويحلف لك هناك ويتوب. بتحطيه في موقف عظيم ، وبإذن الله هذا الشي يردعه.

#فضفضه متزوجه لي اربع سنين ومعي طفل اكتشفت زوجي يخوني عنده سناب ثاني ومليان بلاوي وصور ولما واجهته اول شي قعد يكذب انه من قريب سواه وان بس وحده اللي فيه وماقابلت احد وتبت وحلف ع المصحف ماأرجع وانا ابيك وسامحيني قلت له صارحني بكلشي وصارحني انه من قبل الزواج علاقات لاترضي الله وبعد الزوواج بس مكالمات ومقابل وحده بس ماصار شي مو قادره اصدقه وقلت له نروح نعتمر ويحلف ويتوب عند الكعبه وبعدها اشوف، أنا تعبانه نفسياً من اللي صار انصدمت كنه شخص ثاني كان كويس معي ومع ولده بس قطع قلبي طفلي ولا اعرف ايش اسوي.

#مكتبتي بعد التوسعة والإضافة. أضفت ثمانية دواليب جديدة، كل دولاب يتكون من ثمانية أرفف. خمسة دواليب منها للصحف والمجلات القديمة، وواحد منها لمجلدات المجلات فقط. وثلاثة دواليب للكتب. أخرجت المخزون لدي من المستودع من الصحف والمجلات، وكانت سابقاً محفوظة في كراتين؛ فاشتغلت على تنظيم المستودع، وإخراج المخزون المدفون في الكراتين طوال شهر رمضان الفائت. فمثلاً وجدت لدي أعداداً خاصة بالمناسبات السياسية والوطنية من: أم القرى، البلاد السعودية، اليمامة (الجريدة) الجزيرة، الرياض، ملحق الأربعاء، الأهرام، الجمهورية، الأخبار، القبس، الرأي العام، الأنباء، وغيرها. ولدي العدد الأول من هذه المجلات والصحف: العربي، والعدد الخاص بمناسبة اليوبيل الذهبي مرور خمسين عاماً على صدور العربي، الهلال (الخمسة الأعداد الأولى)، المنهل، سيدتي، الدوحة، المجلة العربية، الحرس الوطني، مجلة الجزيرة الشهرية، الفيصل، الجزيرة المسائية، مجلة اليمامة، مجلة الإشعاع، مجلة الجيل، وغيرها. ولدي أعداد كثيرة من تلك المجلات والصحف إضافة للعدد الأول منها.

@Eyaaaad الله يرحمها ويغفر لها.

إنا لله وإنا إليه راجعون... انتقلت إلى رحمة الله جدتي (نورة سعود عبدالرحمن العيسى) أسأل الله أن يغفر لها ويرحمها ويجعل قبرها روضة من رياض الجنة ويدخلها الفردوس الأعلى. دعواتكم لها في هذا اليوم الفضيل

@Lolly__nnn هو إما تواجهوه وتطالبوا بحقوقكم عليه ، أو خلاص لاتشتكون.

#فضفضه ابوي معيشنا في الحد الادنى من المستوى المعيشي ع اساس نوفر ونقتصد و انا في بالي اساعده ولا اثقل عليه اخرتها يسافر كل سنة بأكثر من 100الف ريال وتاركنا وثلاجتنا فاضية وهو بالاصل غير موظف وعايشين ع الضمان وحساب المواطن وصدقات اهل الخير لكنه مايصرفها علينا وفوقها يأجر عقارات بدون عقود عشان مايروح الضمان كل مصادر الدخل هذي من ورانا و باسماءنا لكنه يبخل علينا فيها ويسوي مسكين قدام الناس عشان يتصدقوا عليه وياخذها انا تعبت نفسياً من الموضوع ومن كشفته انا في صدمة قوية جداً ليه ابو يسوي كذا و كيف اخليه يصرف علينا ابغا اخذ منه فلوس لانها حقتنا وهو مانعني اتوظف اصلاً عشان الضمان لا يروح.

@prop_solu واضح طبعه كذا.

انا متزوجة صارلي سنتين زوجي مهمل جدا جدا جدا وانا عنده عادي كويس لكن اذا نزلني عند اهلي م يعرفني ابد ابد ابد انا اللي ارسل واتصل واصور يوميات وهو لاحس ولاخبر وعذره هذا طبعي! هو م يحب التصوير اوك تفهمت لكن اتصال؟؟؟ مهمل بشكل اول مره نزلني عند اهلي بعد الزواج باسبوع من 7 لحد 12 لا رساله ولا شيء! استغربت جداً وعذره عند اهلك مابي ازعجك لكن وصلت لمرحله ابي اشككة اني ع علاقه مع غيره عشان يهتم ! لكن للاسف صار واقع 💔 وصرت ادور اهتمام عند غيره حملت وولدت وبنفاسي انا اللي اتصل ! تحس بخاطري لما اشوف البنات يتصلون ازواجهم ويصورون لبعض ورسايل !! حتى بنفاسي انا الي اتصل والحين حتى بنته مهملها!! م يطلب اصور ولا يتصل يسأل عنها ! تزاعلنا بسبة موضوع تافهه وعطاني الصمت العقابي صارله 20 يوم ولاعاد اتصلت او صورت وحتى بنته م طلب اصورها😢😢 وارسلت ابي مفتاح البيت اخذ اغراضي ومازال الصمت موجود !

@FdFdHME شدخل الناس.

انا في اول سنه جامعه وما في بالي نية زواج ابد وتقدم لي واحد دكتور صيدلاني ومن الجماعه وماعنده خوات وسكن مستقل هل تشوفون اني أوافق او لسى صغيرة عمر؟