Saam

صباح الخير يا أقوى شعب بالعالم 🇱🇧❤️ بس تشوف بيتك عم ينقصف ورزقك عم يتبخّر قدام عيونك، احجز قاعة بالبيال واعمل حفلة دبكة وخلّي الدعوة عامة كرمال الكل يجوا يشاركوك فرحتك بالتضحية لي عم بتقدّمها. أوعك تزعل، أوعك تنقهر، أوعك تتوجّع.. لازم يستشهد حدا من عيلتك وتكون من عوائل الشهداء بس ليكون مسموحلك تحكي وحتى يمكن كمان مش مسموح شو عرّفني (علما انه الرزق بعادل الروح). واذا قرّرت تحكي وتعبّر قدّم طلب تحديد موعد ليخبروك أيمتى التوقيت المناسب والأفضل تستأجر غرفة معزولة لحتى اذا بدك تفش خلقك ما يكون حدا عم يسمعك، يعني لازم تحكي مع حالك ومع الحيطان وبس لان احتمال هااا احتمال اذا حدا غيرك سمعك رح يشمت فيك ويستثمر بوجعك ليقول هاااا لي مع المقاومة عم ينعوا ويشكوا وهياهم تعبانين على أساس شعب المقاومة هو شعب فضائي مكوّن عبارة عن كائنات فضائية عندنش مشاعر وأحاسيس وحقهم يزعلوا ويتضايقوا ويغضبوا ويفشوا خلقهم متلهم متل أي بني آدم موجود على كوكب الأرض. الله يفرجها علينا جميعا وينصر مقاومتنا الشريفة لي عم بتواجه لوحدها اليوم الإجرام الأميركي-الإسرائيلي وشبابها الأبطال لي ما بيشبههم حدا بهالدنيا كلها دون استثناء ويرحم كل شهدائنا الابرار ويشفي كل جرحانا الأطهار ويهدّي بالنا بحق محمد وآل محمد.

أنصح محمود قماطي باستبدال قوله إنّ "المقاومة ستستمر حتى التحرير الكامل"، بالقول: "المقاومة ستستمر حتى تسلِّم إسرائيل كلّ لبنان".

القيادي بحزب الله محمد قماطي للرئيس عون: بأي حق تتجاوز الرئيس بري وتأخذ لوحدك قراراً يتعلق بمصير لبنان!؟