Sameer Pande🇮🇳

माहूर (जि. नांदेड) येथील पावन तीर्थक्षेत्र श्री दत्त शिखर संस्थानच्या गादीवर विराजमान असलेले, आध्यात्म, सेवा आणि सनातन हिंदू परंपरेचे तेजस्वी प्रतीक परमपूज्य महंत श्री मधुसूदन जी भारती (मालक) महाराज यांना देवाज्ञा झाल्याची बातमी अत्यंत दुःखद आहे. सुमारे ४८ वर्षे त्यांनी संस्थानची जबाबदारी निष्ठेने सांभाळली. दत्तभक्तीचा प्रसार, धर्मसंवर्धन, भक्तांच्या सेवा आणि माहूरगडाच्या गौरवशाली परंपरेचे जतन यासाठी त्यांनी संपूर्ण आयुष्य अर्पण केले. त्यांच्यात साधेपणा, आध्यात्मिक चिंतन आणि अथांग भक्तीभाव यांचा अद्भुत संगम होता. असंख्य भक्तांना त्यांच्या मार्गदर्शनातून आध्यात्मिक दिशा, संस्कार आणि जीवनमूल्ये मिळाली. महाराजांच्या जाण्याने आध्यात्मिक क्षेत्रात एक दीपस्तंभ हरपला आहे. माहूरगड , मराठवाडा, महाराष्ट्र व संपूर्ण दत्तभक्त परिवाराची मोठी हानी झाली आहे. दिवंगत महाराजांच्या पावन स्मृतींना कोटी कोटी प्रणाम. त्यांच्या आत्म्यास चिरशांती लाभो आणि भक्तगणांना या दुःखातून सावरण्याची शक्ती मिळो. ॐ शांती... ॐ शांती... ॐ शांती... #भावपूर्ण_श्रद्धांजली_मालक #माहूरगड

माहूर (जि. नांदेड) येथील श्री दत्त शिखर संस्थानच्या गादीचे महंत प.पू. मधुसूदनजी भारती गुरु अच्युत भारती (मालक) महाराज यांना देवाज्ञा झाल्याचे वृत्त अत्यंत दुःखद आहे. त्यांच्या जाण्याने अध्यात्म, सेवा आणि परंपरेचा एक दीपस्तंभ हरपला आहे. महाराज यांनी आपल्या संपूर्ण आयुष्यात दत्तभक्ती, धर्मसंवर्धन आणि समाजसेवेसाठी अखंड कार्य केले. त्यांच्या साधेपणातच महानता होती आणि त्यांच्या मार्गदर्शनामुळे असंख्य भक्तांना आध्यात्मिक दिशा मिळाली. माहूर गड व दत्त शिखराची गौरवशाली परंपरा त्यांनी अत्यंत निष्ठेने जपली. त्यांच्या निधनाने केवळ संस्थेचे नव्हे तर संपूर्ण भक्तपरिवाराचे मोठे नुकसान झाले आहे. मी त्यांना भावपूर्ण श्रद्धांजली अर्पण करतो. ॐ शांति 🙏