هآدي :)

@radialpro قصه جميله شكراً جزيلاً

الفصل الحادي عشر . " من الزقرتي لأني لم أثق بدار النشر " والا راعي هاك الدكان صغير وجالس على كرسي وقال : هاي هو ! وأجيه وأسلم عليه وقلت له حنا من طرف طارش ومعنا سمن وسألنا كم معكم وقلت له خمسين تنكة والرجّال قال لي : اجلس ياولدي ! أنا ماني لحالي معي شركا  وهذي بيعة عدلة وكبيرة ولازم أشاورهم. جلست وراح ورجع معه اثنين وبدأوا يفاوضون وناخذها على ثلاثين دينار ومن هالكلام وسكت وقلت: ياكريم حنّا جايينك خص نص واللي يقولونه شركاك ماجاء قيمتها وراس مالها وخاطرنا وطلعنا وهذي سومتكم وأسوي نفسي أقوم وهو يمسكني وقال : اجلس يابن الحلال وشفيك عجل ذكرت له طارش قال لنا خمسين وهو يتشاور مع خوياه ورد : والله غالية عليّ لحالي وبآخذ عشر تنكات ودبروا حالكم بالباقي ، قلت : أرجع أشاور خويي ومشيت من عنده وصلت عبيد وقلت الهرج كله وهو يقوم وينفض ثوبه وقال : ماحنّا عاجزين عن بيعها وجيناه على الوصاة تعال ياصويلح ننزل ونحرّج عليها وخلك على جنب وكل ما أرد لك عن سعر هز راسك ولاتكلّم أنت راعي البضاعة وقام وقدّم الفرت ياما توسط الصفاة والناس بين رايح وجاي وينده على عمال وقال : نزلوا معي وأعطيكم على كل تنكة ١٠٠ فلس ونزلوها كلها وصفوها على الخشب وفتح وحدة وأخذ باصبعه ولحسها وهو يرفع صوته : السمن العربي الأصلي ويقوم يحرّج عليها ويتجمعون التجار وأهل الصفاة ومن الشراية وهذا كل مايجيه أحد ويعطي سعر يرده له وأنا واقف ومتكي على خشم الموتر وأهز راسي ونبيع سبع تنكات على ٦٥ دينار ويجون أهل الدكاكين اللي عند كريم وجاء معهم وقال لي : ليه طلعت ؟ قلت : ماهي قيمتها يابن الأجواد!  تجمعت الناس وأهل السوق وقام اللي يأخذ واحدة وثنتين ويوم مابقى معنا إلا عشرين وعرك عليها وعبيد ماوقف عن التحريج ويجيه التاجر وقال : عطني اللي بقى على خمسين ويرده لي وهزيت راسي لأني طمعت يوم بعنا على ستين وخمس وستين والمهم وهو يعطينا خمس وخمسين ووافقت والنهار ارتفع والظهر قرّب وحنّا تعبانين ومواصلين ويدفع لنا الباقي واجمع الفلوس وأحسبها والا حدود ثلاث تالاف دينار وابتسم لعبيد وهو يغمز بعينه وياخذها وخلصنا ونركب وقلت : أنت رجّال مبروك حصلنا فوق ماتمنيناه. قال: امش شف لنا مكان ننام فيه ونروح لفندق بالصفاة صغير وناخذ غرفة وقلت : ماتبينا نروح لطارش ؟ قال : مانبي نكلف عليه ويبي يذبح لنا ويعطلنا ، المشكلة أني جيعان وهو ما أطرى العيشة ومن دخلنا الغرفة وهو يلف راسه وقلت : أروح اتغدى وحس بي وقال : وين ؟ قلت: جيعان أبي اتغدى وأرجع لك! قال: هات الفلوس لاتنسرق! وأعطيه الفلوس كلها وآخذ عشرين دينار وأمشي والا مطعم قريب وآخذ برياني وآكل وأحاسب دينار ونص وأرجع والاّ بسابع نومه وقلت أبي أمزح معه وأسل الفلوس من حدر راسه وأحط يدي والاّ يمسكني وقال : اهجد ياصويلح وأضحك وأرجع لسريري ونمت .   صحينا بنص الليل وعبيد قام ويتوضأ ويصلي وقال : صل يامال الغنيمة وصليت وجلسنا وقلت : وين نروح ؟ قال : لا نروح ولا نتحرك ياما يصبح الصبح . يوم أصبح الصبح قام وسألته الفلوس وينها وهو يحط يده على جيبه قال : ماياصلها كود اللي بايع عمره ، قلت : كفو ياعبيد ! قال : تشوف لنا مكان نفطر ونمر وناخذ فطور وأفطرنا وقال: نروح للقهوة  ونتصيد رزقنا ونروح للقهوة وهي تجمع من شامي لعامي ونجلس ويطلب شاهي مخدر وارجيلة وقال: تبي ؟ قلت : خلاص صرت متعلم بهالحاجات ويجيب لنا العامل ثنتين ولها عصا وأقوم أشفط وحنا نتشوف وإلا هذاك هايف خوينا الأولي هاك العام ويوم شاف عبيد وهو يتوجه لنا ويسلم علينا ونشدنا عن صفوق وقال : عساه طلع! قال عبيد : يمكن أنه طلع على خبرنا كان بالسجن وسأله عبيد : ماقابلت طارش ؟ قال : والله مبطي عنه! ويهمزه عبيد: هايف شلون نطلع للعراق؟ وهو استغرب ويبحلق بعبيد: وش لكم غرض بالعراق؟ قال عبيد: نبي نسيّر على عرب ونتمشى! قال : قل غير هالسالفة؟ قال عبيد: نبي نخطب لصويلح ونزوجه. ماصدّقنا هايف وصار يلح وقال عبيد : نبي سلاح! ويضحك هايف: وتبون تطلعون من الكويت وترجعون بالسلاح؟ وعبيد تضايق منه وقال: بس كثّر خيرك مانبي منك شي ولف عنه وقام يشفط من الأرجيلة وهو يثني كلامه : لاتزعل مني ياعبيد، بس ترى ماتقدر تدخله للكويت ولو عطوك يبلسون عليك وتنمسك ! قال عبيد: كيف الطريقة؟ قال: تطلع بورقة من هنا مختمة للعراق بحجة زيارة ولامنك دخلت تشقق الورقة وتطلع من الحدود العراقية للسعودية يامن عرعر  يامن رفحا وأنت بهالحال ماعاد تقدر ترجع للكويت لأن اسمك مسجل خروج  ولازم ترجع لنفس المنفذ ولو انمسكت بأي وقت تنسجن ! قال عبيد : كم يبون حتى ينظفون السجلات؟ قال هايف : أقل شي سنتين إن ماتعرف أحد يشيل اسمك. ما ابطى هايف وقام ويلحقه عبيد وقال: تعال ياصويلح ونلحقه قبل مايركب وقال : هايف لاتخلينا ، دبرنا!  أبيك بس توصي خويك اللي رحنا له  قبل القبيسي ! قال : خير ان شاء الله ، بكرة أجيكم بهالمكان على الليل .. ونتفاهم ويوم مشى منا قال عبيد: هالحصني والله ما أثق فيه ، سافرنا مع بعض وهرّبنا مع بعض وأكلنا مع بعض ، بس مايعطي إلاّ ياخذ . الليلة القابلة رحنا للقهوة وقابلنا هايف وقال : عطوني أوراقكم وأوراق السيارة وعطوني ٢٠٠ دينار أزيّن لكم خروج من العبدلي لسفوان . انزعج عبيد منه: ليش ميتين دينار ياهايف ؟ ويمسك هايف مخباه : مايدخل منها دينار جيبي ، هذي لناس يسهلون لكم الأمور . قال عبيد : خير مامعنا دراهم هالحين ، بكرة نشوف ونرد لك خبر وهو يقوم هايف: أجل ضبطوا أموركم وردوا لي خبر ، مشى منّا وبقينا أنا وعبيد بالقهوة وقال عبيد : ليتنا ماقلنا له ، هالحين انجبرنا نعطيه وإلاّ يخرّب علينا ويبيعنا بكلب سرق هله ! عطانا هايف رجال بالرمادي يقال له الجبوري وحرّص علينا من السرّاقين ، عطاه عبيد ميتين دينار وعطاه توابعنا وأوراق السيارة وخلاص حنا ننتظر هايف يخلّص الأوراق . بعد ثلاث تيام إلا هو جايب أوراق باسمي وباسم عبيد ومختمة وأخذناها وشكرناه وحنّا عارفين أنه سرقنا . بس ماعليه عبيد وجد لها طريق : ماحدن يصلي إلا يرجي الجنة ! . قبل مانمشي تركني عبيد بالفندق وراح وغاب نص يوم وقلقت عليه : وينك يابن الحلال؟ قال : اضبط الموتر - والحقيقة التي عرفتها فيما بعد - أن الموتر لايحتاج تضبيط ولا يحزنون . ركبنا الفورد ورحنا لمنفذ العبدلي وعطيناهم الأوراق وطلعونا ووصلنا لمنفذ صفوان وخرّجنا مع بعض البخاشيش وقلت لعبيد : نمر معازيبنا  هاك العام جبار الدليمي ؟ وضحك علي : يابناخي مانمرهم قبل ماناخذ عازتنا ، ونشوف كيف نطلعها ! كان طريقنا للرمادي طويلا جدا ، والرجال سهل الجبوري راع العازة موصف لنا هايف مكانه ودكانه بالسوق ولكن الحرص هو أبدى من العجلة وهذا عبيد من الناس اللي  لو يلمح طير يتوجس منه . قال: ياصويلح مانقدر نواصل بالليل خاف أحد يسبرنا ويشلحنا ، نبي ناصل الناصرية ونتعشى ونمرح والصبح نمد ان شاء الله . قلت : ياعبيد أنا مسلمك الخيط والمخيط ، وصلنا الناصرية بالليل وماعندنا خيارات نتنقى ونشوف الزين أقرب نزل وجدناه مكتوب نُزل أبو علي وجدنا صبي يزهم وينادي ووقفنا قدامه ولاكان به سيارات كثيرة ، قلنا : عندكم غرفة نستاجرها ويرحب بنا وياخذنا وشفنا غرفة بسريرين ماعليها  تمشي الحال وبها مروحة، الغرفة هذي متطرفة وقدامها برحة وعبيد يوم دفعنا للولد دينارين حق الغرفة ، أخذ السيارة ووقفها قدام الغرفة وطلع من جيبه خمس دنانير وقال: صويلح تشوف المطعم هذاك ، رح جب لنا عشاء! أنا انتظرك . عرفت أن عبيد خايف على السيارة والصدق لو استخرنا وسكنّا بوسط البلد يصير أحسن لنا وآمن ، بس ماندل زين. رحت وأخذت كباب ولحم مشوي وخبز ورجعت لعبيد وهو جالس: شفت شي؟ قلت : والله ياعبيد ماشفت غير ناس مثلنا مثلهم ! قال : يالله نتعشى وتعشينا  وطلبنا شاي من الولد حق النزل وهو بلوذة عنّا وشربنا الشاي ودخنّا ولف راسه وقال : نم بناخيي ورانا طريق طويل! نمنا وبنص الليل ماوعينا الا على  باب الغرفة ينفتح وثلاثة رجاجيل دخلوا علينا ووعى عليهم عبيد وبدون كلام وهم يضربونا وقاوم عبيد وقاومت ولكنهم تغلبوا علينا وكتفوني وكتفوا عبيد  بشمغنا وحنا نبي أحد يساعدنا من اللي حولنا وماحد جانا ويفتشونا وياخذون الفلوس كلها وياخذون المفتاح ويبون يشغلون السيارة وعيّت تشتغل واسمع واحد يقول لخويه : عوفها عوفها ويتركونا  والمفتاح بالسيارة وحالتنا حالة وعجننونا عجن على وجيهنا وعبيد جاه جرح بفمه وأنا اندشت ضربني واحد من هالملاعين على أذني وجوا ناس من اللي حولنا وجاء صاحب النُزُل ولابس عمامه لافها لف والظاهر أنه كردي وهم يفكون رباطنا وقال : هسّه نروح الشرطة ونخبرهم . عبيد قال : لا مانبي نبلغ الشرطة وقلت : ياعبيد راحت فلوسنا وهو يهز راسه : يعوضنا الله .. يعوضنا الله . قمنا وغسلنا وجيهنا ومسحنا الدم وهذا صاحب النُزُل يتأسف وقال: الكلاوات خل نخبر الشرطة وعبيد رفض ويوم راحوا والهرج على منتصف الليل وقلت: ياعبيد ليه مانبلغ عليهم ؟ وهو يرد : نبي ندوخ ولانحصّل شي ويمكن يبلشونا ونتعطل تعال رح تعال رح  . قلت : طيب أخذوا الفلوس كلها وشلون نشتري وهو ينظر لي بنص عين وقال : ما أخذوا الا ثلاثين دينار!    قلت : تقوله صادق؟ قال : مثل ماقلت لك ؟ قلت : طيب وين باقي الدراهم؟ قال: تعرف بعدين لاجينا نحاسب سهل الجبوري . حاولنا ننام والله ما أدري هو نايم والا قاعد أنا من الوجع ماقدرت أنام . بس ضليت بالفراش وحين أصبح الصبح قام عبيد وغسل وصلّى وندهني رح جب لنا فطور. قلت مابقى معي فلوس! باقي الخمس دنانير اللي عطيتني والخردة أخذوها . قال : يالله ملحوق الفطور ، قم نبي نمشي ونوصل بغداد ونصرف الدنانير الكويتية بالدينار  العراقي ، ويفتح كبوت السيارة ويشبك أسلاك ما أعرف وش هي وهي تشتغل ، قال لي : فصلت السلف والبطارية حتى ماتنسرق السيارة ونحرك على طريق بغداد ويوم ابتعدنا عن العمران ويوقف على جنب وينزل ويجي من جهة الراكب وقال : انزل ياصويلح ، نزلت ويسحب المرتبة ومعه سكروب ومرهم صندوق تحت مقعد الراكب ما تلمحه إلاّ إذ قيل لك فيه شي ، وهالصندوق ممسوح مع الأرضية الا نهايته ماتفتحه الا تحط السكروب وتنبزه نبز ونظرت له وقلت ؛ هذا عرفك والاّ معلّم عليه . قال : الحرص يابناخي ولانبي تاكلنا هالذيابة ويطلع الدنانير لافّها بلها قماش وعطاني وقال : عدّها ، عديتها وهي في حدود الفين وثمانمية دينار كويتي وقلت له : نرجعها حدر المرتبة ؟ قال : لا بغداد أمان خازمهم البكر خزم والا بداية حكم البكر له سنتين والأمور مستتبة والواحد يخاف من ظله ونمشي قيمة ثلاث ساعات ياما صرنا على أطراف بغداد  ، الشوارع واسعة والسيارات كثيرة وعمران وتوسطنا البلد جهة الكرخ والمح النهر ورغم أنه صيف إلاّ أن فيه هواء منعش وافتح القزاز قال عبيد : تشوف لنا فندق الكاظمية أنت تعرف تقرا وتكتب وناخذ الشارع عرض طول والا منزوي بين البنايات قلت : عبيد هالصوب! قال : صدقت وشلون ناصل له الماخوذ ؟ وندخل بشارع ضيق ياما وقفنا قدام الفندق وأنزل واسأل واحد واقف عند الباب ولابس بدلة وقلت : هذا فندق الكاظمية ؟ ويرد : حياك حياك ، وقف السيارة هناك! ونروح نوقف السيارة وننزل وأول ماجيناهم سأل عبيد : عندكم صرف دنانير كويتية ؟ قال الموظف : بلي ويوم قربنا منه سأل : منين ؟ من الكويت ؟ قلنا : لا السعودية وهو يقرب لعبيد وقال : اسمع صرف الفندق غالي والدينار الكويتي ينقص ، أكو محل صرافة قريب من هان ، رح اسأل عن صرافة عبود الكرخي الدينار براسه دينار عراقي والا تبي صرف الفندق تسعمية فلس وقال عبيد : جزاك الله خير ، نروح نمشي رجليه ونتنشد ياما لقينا محل الصرافة ونصرف الفين وثمانمية بقيمتها الفين وثمنمية ونرجع ناخذ غرفة عند الفندق وقال عبيد : هالحين نقدر ندور لنا عيشة! نروح لمطعم حول الفندق والا المنطقة حية وبها محلات ملابس وفنادق ومطاعم وكازينوهات وقلت : وش الكازينوهات ياعبيد ؟ قال : الله يبعدنا عنها وماجاوبني . قلت : يعني شيشة ويسكت والتفت لي : أنت وش يهمك بهالسوالف وأسكت والفضول أكل قلبي . لقينا مطعم حول النهر والا حاطين طاولات ونطلب أكل عندهم يسمونه مسقوف وألا عبيد ماجاز له ويطلب كباب وأكلت سمك وقلت : والله زين ياعبيد ! قال : ماعرف له وندخن ونشرب شاي عندهم الشاي حلو مرة ونرجع للغرفة حدود العصر وقلت : والله ياعبيد يمدينا نروح للرمادي ماهي بعيد! قال : الصباح رباح وجلسنا بالغرفة وممتازة وبها مكيفات هواء باردة وشوي يوم نام عبيد ونمت وصحيت بالليل وما ادري الوقت وافتح الدريشة والا أضواء وأصوات وغناء وأصحي عبيد : تبينا ننزل نتعشى ؟ قال : لا ! قلت : أجل عطني عشرين دينار أروح اتعشى وهو يسحب الفلوس من جيبه ويطلع عشرين ويعطيني اياها . رحت منه وأمشي والا حركة وناس وحريم لبسهن الله يستر علينا وانذهلت ماعمري شفت مثل هالشيات وأمشي ياما وقفت قدام كازينو ومطعم قلت : هذا عز الطلب وأطلب أكل والا فيه فرقة وفنان يغني ورقص وبنات أشكال وأنواع وأجلس متعجب ويوم جاء لي جرسون وقال : تشرب ؟ قلت : أشرب وش عندكم ؟ قال : بيرة أو عرق أو ويسكي ؟ وأعجبني ويسكي قلت : مثل الببسي ؟ ويضحك قال : مثله ! قلت : جب لي منه وأنا متذكر الشيشة اللي بحايل هاك العام ويجيب قزازة وقلاص وثلج وأقوم أخلط وأشرب و انتفخ راسي وشعرت بحرارة بحلقي وندهت الجرسون : أبك لايكون هذا خمر ؟ وهو يمشي : لاعاد شنهو ؟ ومن قربت أخلص القزازة وألا صارت الأضواء تلعب وقمت أبي أدخل الساحة ويردني واحد : اقعد اغاتي اقعد ! وأرجع وأجلس وتجي هاك البنت وتجلس جنبي وقالت : تشري لي مشروب ؟ قلت : اطلبي اللي تبين ؟ وجاب لها عصير وتجلس تسولف ويازين ريحتها وحسيت أني دخت وشوي والا هذا عبيد داخلن علي وبدون كلام ويمسكني من يدي ويبي يجرني وأعيي وقلت : مالك شغل ياعبيد فلوسي وأنا حر! وأقوم أضربه وهو يزمني " يحملني " كالطفل ويطلع بي وأنا ماسكت : ياعبيد ياشين وشبلاك ؟ ومارد علي وأضرب ومامن حيل ياما وصلنا للغرفة وهو يحطني على السرير ويقفل الباب ويحط المفتاح بجيبه وقام جسمي ينتفض وجاني تنميل ودايخ ونمت وبالصبح قمت أطرش ويقوم ويدخلني الحمام ويروشني ويطلع لي ملابس نظيفة وقال : البس بناخيي خلنا نلحق رزقنا ولبست ويوم بديت أتذكر ليلة البارح وانفشلت وهو ماتكلم والا على وجهه جروح ممخشه وقلت : والله تسامحني ياعبيد ! ويسكت وشوي  قال : خلص ترانا نبي نمشي ! قلت : ياعبيد والله ماني صاحي البارح وهو يرد : اوووه أنت تبي تعطلنا! حركنا من بغداد متوجهين للرمادي ووقفنا عند مطعم وقال : ننزل ناخذ شاهي ونفطر ، أفطرنا وشربنا شاي وأنا راسي ماهو مضبوط وكل مابي أكلم عبيد يقفل الموضوغ ومسكنا الخط للرمادي وحركة سيارات وبه عربيات تجرها خيول وحمير وقلت : ياعبيد والله ماني ساكت الا تسامحني على اللي صار البارح وأقرب له وأحبه وينظر لي : صويلح أنت مثل زيد وأعز لاتخليني أزعل منك! رديت : آخر مرة ياعبيد ، ماعرفت أن يصير بي هاللون . ساعة و الاّ حنا بطرف الرمادي والا مدينة كبيرة ولكن فرقها عن بغداد أن الناس يلبسون ثياب ونوقف ونسأل عن سوق المسكف ويدلونا وهو بوسط المدينة ، وما غير شوي ونسأل عن دكان سهل الجبوري وناصله والا يببع رز وتمر وقهوة وهيل ونسلم عليه وعنده ناس من اللي يشترون ويوم انتبه لنا ويزهم على صبي عنده وقال : رح جب شاي! ويرحب بنا وقال عبيد : ترانا جايين من طرف هايف. وعلى طول قال : كم تبون ؟ ويرد عبيد : نبي خمسة وعشرين مع لواحقها ؟ ويوم شربنا الشاي قال : ورجوني سيارتكم ونطلع معه وشاف الفرت وقال سهل : نطبق لكم خشب متين حدره البضاعة وفوقه شاي وقهوة  تقدرون تمشون وتبيعون الشاي والقهوة والهيل على البادية بالسماوة والديوانية حتى تقربون وماحد يستشك بيكم . قال عبيد : وكم نجلس نبيع ؟ قال : قيمة أسبوع تكسبون وتقربون للحد وهم خوذوا دخان تبرطلون لو أحد فتشكم. قال عبيد : حنّا ماودنا نتأخر! قال : لاعاد لازم تشوفون أحد يمرقكم من الحد ! رجع سهل وقال لصبيه : قفل الدكان وزهمنا : الحقوا بي . ركبنا وتبعناه على سيارته  نص نقل بعد ماحمل عليها كراتين شاي وقهوة وهيل . مشينا وبيته بعيد عن المدينة بطرفها مزارع وبيوت طين والا بيته كبير وحوش ومستودع للبضايع وقلطنا وهو يرحب ودخل وقلت : ياعبيد أشوفك وثقت به على طول. قال : يارجال هذا عميل من عشر سنين ومذكور بالخير والطيب . جاب لنا قهوة وتمر وقال : اترخص منكم ونده على ولده شاب وقال : عبودي شف الزلم وجلس عندنا وحسن معشر وطيب كلام أطيب من أبوه وسأله عبيد : ماتشتغل؟ قال : آني باسجّل الجيش  النا قريب رتبة عالية . أخذ ساعة سهل الجبوري ورجع معه رجال لابس عسكري ورتبة ياعقيد ياعميد الله العالم وهو يرحب بنا وجلسنا وقال سهل لولده : عبودي شوف غدانا وراح الولد وحنا نسولف وقال هذا الرجال العسكري: أندليكم على واحد يمرقكم من الحد العراقي وتنطونه مية دينار والبضاعة تاخذونها ببغداد، وعبيد رفض : لا بضاعتنا ناخذها من هنا ونتسهل على الديوانية والنخيب وهو يزعل: لاعاد ماتوثقون بي ؟ عبيد رد : لا بالله حنا عندنا ماضوع ثاني نبي نمر رجال بداوي حول الديوانية ولانعرف مكانه زين ويوم قال كذا ناظر لي وأنا ابتسم وعرفت أنه مانساني . جابوا الغداء وتغدينا والرجال قام وطلع معه سهل وأخذ شوي ورجع لنا : أنتم إذا بدكوا البضاعة من هان بدكوا تقعدوا ثلاث ايام وعبيد رد : ماعليه نتريح ونشوف عازات الموتر . جلسنا بضيافة سهل الجبوري ثلاث أيام نزلنا للسوق وتشوفنا وشرينا فراء طفالية ولقى عبيد ناظور روسي وطاح عنده يرجع ويساوم وقلت : ياعبيد وش فايدته يابن الحلال؟ وهو مصمم عليه: ينفعنا وأخيرا رضخ ودفع عشرين دينار وأخذه وهو فرحان ومتحرص عليه وحطه بالدرج وقال: له منفعة إن حك ناب بناب وكل هذي الأيام وحنا عند الرجال ماسولفنا عن قيمة البضاعة وبآخر ليلة يوم تعشينا والا جاء الرجال قريب سهل ودخل موتره ودخل صناديق بها الرشاشات وسهل سوّى بحوض السيارة خشب مفصل على طول الحوض ويوم تواقفنا قال الرجال: ياسهل لخاطر القرابة والله هذي عشرين ماطلعتها الا بالكود  الكايد وطالب مية وعشرين وعبيد التفت لسهل وقال : يابو عبودي حنا ما اتفقنا على هذا السعر وصار سهل يفاوض قريبه ورفض وهذا سهل نشمي وقال: مانختلف! وعبيد طلّع الفين دينار وعطاها سهل وقال: تحوّف قريبك ترانا ناصينكم وواثقين بكم ويرجع له سهل والا معيي وأخيرا وافق على مية وعشر دنانير وطلّع عبيد ميتين وناظر لسهل وقال : مابقى معنا الا حق الطريق وضحك سهل وقال: أنطيكم هيل وشاي وقهوة تبيعونها بالديوانية وتربحون بيها! يوم أخذ الفلوس ونزّلنا الصناديق وقف مع سهل وعطاه ورقة وراح . حنا انشغلنا بادخال الصنادق تحت الخشب ويوم خلصنا ويرص فوقها شوالات قهوة وشاي وهيل وقرّب لعبيد وقال : هذي ورقة إن وصلتم تنشدون عن خضر الجبوري وتعطونه مية دينار وما يصير لكم هم تطلعون من الجميمة ! وهذي بضاعة إن مامعكم حقها تدزون قيمتها مرتلوخ  وعبيد سأله : كم حقها ؟ قال : مية وخمسين وعبيد عطاه وقال له : يمكن مانرجع لكم غير هالنوبة . ركبت أنا وعبيد وأسوق به قال : وين أوراق الكويتيين ؟ وياخذها من الدرج ويقطعها: خلاص رسمي مانقدر نروح الكويت لو مسكونا ننسجن. قلت : يارجال من يعيش الدنيا أطول من أهلها وسنتين وينتهي التعميم . رجعنا على خط بغداد وماحد وقفنا وقربت تغيب الشمس وأنا سامع أن بالليل فيه قطاعين طرق يوقفون السيارات ويشلحون الناس على طريق بغداد والنجف ولكن عبيد أصر أنّا نمشي ولانوقف ببغداد ونتعدى ليلنا والطريق تخاطف به السيارات ومالقينا الا نقطة تفتيش واحدة وعبيد ماخذ احتياط معنا دخان روثمان وقريفن ومارلبورو وقفنا عسكري بليل وسأل : منين ؟ قلنا : سعوديين وناظر بحوض السيارة وسأل وش معكم ؟ وقلنا هيل وقهوة وفاجأنا: مامعكم شي تنطوني ؟ وعبيد يطلع كرزين دخان ويمدها له وأخذها وحسيت أنّا نشبنا وراح منا وقلت : ياعبيد يمكن يبي فلوس ؟ وطرّف عبيد عشر دنانير ومن جاء وحطها بيده وابتسم وقال: الله وياكم ومشينا وحنا بطرف السماوة قال عبيد: ننام بالبر والصبح نتشوف ونبيع على البدو . وأطلع بالسيارة على يسار الخط ونبعد وحنا ماحنا في خلاء نسمع نبح كلاب وبادية وأصوات بهايم ويوم قال : وقف بناخي وحنا بنص الليل . قلت : والله ياعبيد أن طاقني الجوع! ورد لي : تصبّر يابن الحلال ، حنا ماحنّا مأمنين بالديرة . قام عبيد ويفتح خصفة تمر بالحوض ويقطع منها جزء ويعطيني : تسد جوعك والا ماتسد ؟ وأخذتها وأكلت وشربت ماء وحنا بصيف بس الليل يجي هواء بارد وأنا نزلت الفروة اللي شريتها وارتكيت عليها وحنا متقابلين وعبيد يدخن وأنا أطرق نظري على الخط بعيد بس وحيفة السيارات وعبيد طلّع ناظوره وقام يدربل بعيد وقال: تصدق ياصويلح الضو البعيد هذاك تشوفه ؟ قلت : أشوف ضو يظهر ويختفي   ويضحك : تراه بيت وحوله ناس وسيارة . كان يبعد عنا مسافة لاتقل عن خمسة كيلو . منتصف الليل وأنا في ديرة ميثاء وماني بعيد عنها وتساءلت : ياتراها نايمة هالحين والا قاعدة ؟ وعبيد يدخن وساكت ، قلت : عبيد بحياتك ماعشقت بنت ؟ وهو يتعوذ وقال : اللي مثلي مابقلبه مكان للحريم ! واستغربت : ترا العشق ماهو حرام ياعبيد! وغيرت السؤال : طيب ماعمرك شفت بنت أو بغيتها أو أعجبتك ؟ قال : والله مامر علي هاللي تقوله ، نشوف نساوين بالأسواق وبكل مكان لكن مالي هوى بالحريم ! قلت : عبيد لايكون أنت  مابك خير.. وحين سمعني ضحك واستلقى على قفاه وقال : كل شيء مضبوط بس مالي هوى ويمكن ربي يرزقني مثل مارزقك !   الفصل الثاني عشر .   امرحنا وحنا مابقي من الليل الا توالي . من أصبحنا وأشرقت الشمس ونتشوف والا بيوت شعر وحلال وبدو وعبيد قال : شفت اللي قلت لك البارح ؟     رديت له : طيب وين حنّا هالحين ؟ وكم بقى علينا وناصل الديوانية ؟ وهو يتلفت : ما أدري شايفني من أهل الديرة ، نمسك الطريق ونعرف ! ويركب واركب معه ونلايع الخط ونمشي والمح لوحة مكتوب عليها " الحلّة " ٤٠ كيلو ، ونبهت عبيد قال : إلاّ بالله صدقت ! تراها ماهي بعيد عن الديوانية . وصلنا الحلة وقلت : أبسكت أشوف يطري العيشة والا يبتل للديوانية . عبينا الموتر بنزين ويوم جاء يبي يركب قلت : عبيد مانسيت شي ؟ وهو يتفحص الموتر ويناظر لي : مانسيت شي ! وانفعلت : عبيد حنا لنا يوم ماذقنا الزاد ! قال : مايهمك نتغدى بالديوانية ! وزعلت : لا ماني ماشي الا ناكل هنا . رضخ عبيد لالحاحي وندخل السوق وقال : رح وافطر بالمطعم هذاك وأنا انتظرك عند السيارة وهنا زعلت مرة وقلت : وش هالسالفة ننزل وناكل مع بعض! قال : ياصويلح ما اقدر اترك الموتر ! تضايقت بصراحة من حرصه وحذره : عبيد السيارة قدامنا ونشوفها ، انزل يارجّال . نزل عبيد بعد ماقفل السيارة وجينا لمطعم شعبي وبه حركة وجلسنا وطلبنا باجة وجابوها بصحون من خشب وخبز تنور وشاي وأفطرنا ألذ أكلة ، حتى بغيت أطلب صحن ثاني لو ما عبيد قال : صويلح أنت تاكل أكل البعير وجسمك نحيف ! قلت: الله العالم أن أكلي مشروك! وضحك عبيد ورد : كل مشروك مبروك ياصويلح ! بعد أن أفطرنا ركبنا متوجهين للديوانية وسألني عبيد : ياولد وبن نلقى الدليمي ماتبينا نسيّد للحد ونخلص من الهم اللي بظهر الموتر . قلت : ياعبيد قلبي مايطاوعني وبعدين يوم كنت عندهم لهم قريب بالسوق ووكاد يعرف مكانه . صمت عبيد ووجهت للديوانية ساعة ونص وحنا واصلينها ، وقفنا بالسوق وأنا قد نزلت مع ميثاء وأمها يوم كنت عندهم هاك السنة ويوم دخلنا السوق وأعرف الرجال راعي الدكان ، بس خفت أنه باع الدكان أو غير موجود ، متثبتن من اسمه " عواد الدليمي " وهو من أقرباء جبّار لأن خزنة أم الغضي كانت تسولف معه وتنشده وهذا يعني بينهم صلة ، بديت أتشوّف واسأل أهل الدكاكين دكان عواد وينه ؟ ويدلني واحد قال : هالصوب وأمشي أنا وعبيد ياما وقفنا على راسه وهو جالس بدكانه وقدامه راديو يستمع وقلت : عوّاد ماتعرفني ؟ ويناظر واستنكرني يمكن ما انتبه لي يوم جيت معي وقال : لا والله يابا ماعرفتك! قلت : العام جيت مع أم نادر وميثاء . قال : صح .. ذكرني باسمك ؟ قلت : أنا صويلح وكنت فداوي عند جبار مدة شهرين وقام الرجال ورحّب بنا وجلّسنا على كراسي وقام وجاب لنا استكانات شاي من جنبهم وشربنا وقلت : اسمع حنّا نبي جبّار معانا بضاعة له . ورفع يده : والله يابا بعيد عليكم ويمكن ماتندلون عليه . قلت : لا وصف لنا وحنا نتبع الوصف!  وهو يشّر الى جهك وقال : حول منطقة يقال لها الشنيفية اكو مزارع تتعدوها وهناك تلقون عرب . قمت وقام عبيد وتشكرنا من الرجال وهو لزّم علينا بالعزيمة وتعذرنا منه وقلت : قدام ياعبيد . ركبت وسقت والا فعلاً مشوار وماهو بس كذا تدخل مزارع والنهر يباري لك ومع أنها مناطق حلوة وجميلة لكني ماني يمها . سقت قرابة ساعتين ونص ونوب نضيع ونوب ننشد ياما وصلنا للقرية وبها مباني وتو الحضارة داخلتها ومختلط بها مزارع وحلال وبقر وتعديناها ياما صرنا جنوب عن المناطق المبنية وبدينا نشوف عربان وبدو ونسأل ودلونا عليه وهو ماخذ له ناحية وماحوله الا بيتين وبين كل بيت وبيت قرابة كيلوين ومن قربنا قام قلبي يرجف من اللهفة وعبيد لاحظني : وش بلاك اختلفت ؟ قلت : يابن الحلال لي سنة ويمكن العرب غيّروا النية والا صادها صايد . ويضحك : إن كتبها الله لك ما يمنعك عنها مانع ، وإن ماكتبها لك لو إنها بيدك ماتحصلك . شفنا سيارة جبار الجمس الأزرق وقلت : هذولا هم والا حلالهم حول البيت وحاطين شبك ووايت والوقت صيف وأكيد يعلفون . وقفنا وماشفنا أحد وأدق بوري يوم جاء الوليد سامر ومن شافني عرفني  وأنزل ويتنطحني  ويسلم علي وعلى عبيد وقلت : وين أبوك ياسامر ؟ ورد : جوّا وراح وطلع جبار ومن شافنا سلم علينا ويرحب ويقلطنا وجاءت خزنة أم نادر وسلمت علينا والبنات معها ولأنهم أهلي ومعازيبي قبل ما شعرت أني غريب غير أن عبيد منزل راسه ومستحي ماتعوّد الله يهديه ، يقمص إن شاف الحريم . حنا جيناهم على حروة المغرب وقام جبار أبو نادر وأخذ خروف من الشبك وذبحه وعشانا وماعنده جيران الا بيتين من ربعه وسألنا : أكو شي معكم ؟ قلنا : معنا بضاعة لأبو فواز هليل ومعنا هيل وقهوة وتمر وشاي وسكر حاطينها فوق ، تعللنا وقلت : يابو نادر تعرف أني هاوي نسبكم ومايخفاك وسبق وقلت لك . سكت وقال : آني تكلمت مع ولد عمها شايش وهو ما يمانع بس يريد الف دينار توصلونها له وتاخذون خاطره هذي شيمة عرب مابيها خلاف ! . حين قال ذلك أسقط بيدي إذا كان ولد عمها يأخذ الف دينار حتى يسمح أجل أبوها وأمها كم ياخذون . نظرت لعبيد وهو تطلع لي وعلى طول قلت : أنا موافق يابو نادر ، عطني مطاليبك أنت وأم نادر ! . كان جالس ويوم سمع لف المركى تجاهي ومسك يدي : أنا ما أريد منك الا تحفظها وقلت : والله إنها بعيوني وكمّل : أريد منّك الفين دينار وتجهزها بذهب وأمها وخواتها وبسرعة عرفت أن الموضوع تعجيز ، تقريبا خمسين الف ريال في عام ١٩٧٠ م  كأنها خمسمية الف ! حقيقة يوم سكت وولع سيجارته وعبيد تنحنح وقال : ارفق على الغليّم يابو نادر ومارد وقلت : موافق وعبيد استغرب والله أشوف عيونه تبرق على ضو السراج . يوم خلّص كلامه وشعرت أني أمام الأمر الواقع وهو قام وزهم على نادر : حط فرش للزلم ويجيبون لنا فرش ودخل هو عند أهله وحولنا نار وعبيد منجضع بالفراش وأنا جالس على المركى ولاجيت فراشي وهدأ الصوت وهقيت عبيد نايم وقلت : عبيد تسمعني ؟ ويرد : وش عندك ؟ قلت : ماقلت لي رايك ؟ قال : ماهنا راي أنت وافقت وعيب ترجع بكلامك ! قلت : قلبي ياعبيد والا والله طلبة كايدة وهو يرد : يدبرها ربك ياصويلح !

@rf6kv ماشاء الله لاقوة الابالله يستاهل كل خير

نبارك للشاعر ياسر التويجري افتتاح مجالسه العامرة هذا اليوم في رياض سُولي بمدينة الرياض، بحضور أصحاب السمو الأمراء وكبار الشيوخ والشخصيات. مجلس يليق بمكانة شاعر كبير، ونسأل الله أن يجعله مجلس خيرٍ وعز وملتقى للكرم والأدب الرفيع #ياسر_التويجري #الرياض_الان

@a_alsbil ياسلام 👍🏻

كوني بخير واطمئنان يا درّه أنتي بظل رب الناس محميّة والصواريخ وإليا جات مغترّه حولوها الرجال ألعاب ناريّة

@AlHalafib الله يسعدك كلام 👍🏻

انتهى الثريد حسابي مختص بالشروحات والمعلومات القيمه .. 1. تابعني ⁦ @alhalafib⁩ للمزيد 2. لا تنسى اللايك والريبوست والكومنت لتشجيعي على تقديم المزيد شكرا على وقتك وأعتذر على الاطاله ❤️

كيف تخلي عايلتك مبسوطة: 1. توقف عن الانفاق.

يارب اجعل أيامنا المقبلة تحمل لنا من الخير فوق ما نأمله، ومن الرضا والرخاء ما تسكن بهِ حياتنا، ومن الطمأنينة ماتقرّ به العين، ويهدأ به الفكر.

«اللهُمَّ آتِنا من لدُنكَ ما لاقَ بكرمِك، وانفِ عنَّا ما قد نفانا عن بابِك، ووفِّقنا لِما يُبيِّض وجوهَنا عندك ويُطيل ألسنتنا في تَحميدك وتَمجيدك».

@sattam_2030q كلامه فاضي كله :- النخبه خذها العماني وابن هويدي قبل لايعرفها هو متناقض وبطولات وهميه وكذب سيناريو كله كذب

السالفة باختصار .. سالفة أحمد قعيد والدبوس

@seekseek07 @mutlaq2266

@sea0090 @mutlaq2266 ليش ماذكرت اسمي بالتغريده ذكرتهم كلهم الا انا تهمشني ليه ليه لازم تذكر اسمي ولا بعطيك البلوك 😡😡😡 وبطلع من تويتر علي الهواء مباشره حتى ردت الفعل شينه … للاسف ضعف التصرف مشكله 🤣🤣🤣 المهم فالهم التوفيق وابو تركي اعترف أخطأه بنقده يحسبه يبي الاول …

📹| نقاش خلف الحبري حول حديث مطلق بن عميد، الذي وصف منقيته بأنها دون المستوى .. #مهرجان_الملك_عبدالعزيز_للإبل10 #قناة_الصحراء | #مجلس_الصياهد

@mjeeed852 🤣🤣🤣 مادرينا يومه يبي الثالث ماقلنا شي نبارك له بالثالث ودكم مانخالفه 🤣🤣🤣🤣🤣

بيض الله وجهك يابو محمد ذا الكلام اللي على اصوله من همش اسمك أمام العالم مايبي إلا ذا الرد لأنه هو دايم يتجاوز على المشاركين أولهم ابن مشنوطة والشريع والان تجاوز عليك ولا يليق له إلا ذا الرد الصارم 👌🏻👌🏻 أسم المنقية دافع عليه مالك الإبل إذا طلع اي محلل لابد ان يذكر الاسم لأنه مشري بمبالغ عاليه وذكر صاحب المنقية كذالك #لطامات_الوضح #مهرجان_الملك_عبدالعزيز_للإبل_10

@seekseek07 @mutlaq2266 لا بالله بن عميّد اكبر من هالخثاريد عطاه درس بأدب وخلاه يبابي واحتما يوم قال ابن شويه قال مالك في هالامور لزوم جنبها هاذا ابن عمي ومقامه محفوظ بس المطوع ماحشم عمره وابن عميّد رجال حشيم وماتغواه هالامور ولا تمر عليه سكته وحطه في زاويه وعلمه وش حجمه تهميش 🍟 الله يكفينا شر العدوى

@sea0090 @Sahraachannel @mutlaq2266 انا لو مكان ابن عميد ممكن اجيب العيد ازبدها بوجهه اقوله محد ذكرك وماني ملزوم اذكرك وادا قصدك علي النقد ماهو موجهه لك لم تذكر بالاسم لماذا تحسست من التقد اتجاها مصيبه ( عدوى الموت الحمر ) انتقلت للبعض 😂

@seekseek07 @Sahraachannel @mutlaq2266 بن عميّد كفو عاقل ومتزن ومتربي ودليل المطوع يبي انه يذكر اسمه لان ذكر اسمه من مطلق يعتبر نجاح لو ذكر اسمه ومركزه الاخير عادي اهم شي يذكر اسمه ماهو غصب بيض الله وجه ابن عميّد طرحه طيب وحضوره طيب ومدرسه اخلاق واحترام الله يكثر جنسه ولاقصور باعضاء المجلس 👍🏻

@Sahraachannel الله يسامحك يا@mutlaq2266 عطيته علي جبهته الله يسامحك ويبيحك ان كان شرهتك علي التنافس للاول وتصريحات الصيف الناريه والمبالغ المليونيه … واعلان المشتريات ف نقدي في محله واذا كان رغبتك بالثالث وقانع فيه … ف الف مبروك وعز الله اخطيت بالنقد 😂 لله درك حتى بالرد .. تفلج

@yser117711 الله اكبر

ياحي رأسك ياعسى عمرك طويل. 👌👌وصح لسانك واعتلى شأنك

@Ali_a_als الله يشافيه ويعافيه طهور ان شاء الله

ربي أستودعتك من هو أعز علي من نفسي اللهم اشفي أبي شفاء لا يغادره سقماً ورد عليه صحته وعافيته، اللهم اشفي أبي وارفع عنه وأطل في عمره، اللهم اشفي والدي وخفف عنه آلمه ومد جسده بالقوه يارب العالمين

اللهم انا نعوذ بك من فواجع الاقدار اللهم أكفنا ومن نحب شرّ هذهِ الدنيا ولاتقبض ارواحنا الا وانتّ راضٍ عنها

@MeshalAlGhanim الله يرحمه ويغفرله ويسكنه فسيح جناته

رحم الله العم صالح الغنّام العنزي، رجلاً كان حضوره سكينة، وطبعه لوحة من صفاء القلب ونُبل الخُلُق. عرفناه ثابتًا كالجبل، قريبًا كالأخ الكبير، لا يطرق بابه محتاج إلا ووجد عنده صدرًا رحبًا وكلمة طيبة. برحيله تفقد الرجولة أحد وجوهها المضيئة، وتبقى سيرته العطرة تسافر بين الناس شاهدًا على جمال أثره. اللهم اجعل له نصيبًا من نور رحمتك، واكتب له منازل الصالحين، وامنح أهله ومحبيه صبرًا يليق بمقام الفقد. إنا لله وإنا إليه راجعون.

@naifalrashidi الله يربط على قلوبكم ويجعله شفيع لوالديه ويجمعكم معاه بالجنه

أبشرك جانا مطر يا إبراهيم اللي تحبه يا إبراهيم جانا كانت عيونك تفرح إن شافت الغيم ليتك تشوف الغيم يملأ سمانا من كثر ما أنت بذاكرة عمري مْقيم أحس في صوتك يسولف معانا يارب ، يارحمن ، رب المقاسيم يقسم لك الجنة و يجبر عزانا _ إبراهيم، ولدي توفي في 5 /,4 / 2025 رحمه الله

@abdulkarim_900 احسنت جزاك الله خير

عرفت في هذه الحياة أن للمتضادات حكمة من لم يأخذ بها فلن يتغير…فهي من تعطي الدروس، وتميز الأشياء… فــ القرارات الغلط توصلك إلى النضج السريع، والأشخاص الغلط تعلمك قيمة الاختيار الصحيح، والفرص الضائعة تعلمك الصبر والتسليم، والتوقيت الغلط يذكرك بقيمة الوقت. والعلاقات الزائفة توقظك إلى حب نفسك واحترامها، والطرق الملتوية تعلمك قيمة الاستقامة. والأحلام الكاذبة تريك كيف ترسم طريقاً أوضح. والأوضاع الخطأ تريك أن التأقلم مع الألم ألم آخر، والثقة التي وضعتها في غير موضعها تعلمك أن الحذر واجب، والخسارة تعرفك قيمة الربح، والكلمات الطائشة تعلمك أن لسانك حصانك، والقرارات المتهورة تعلمك أن التمهل طوق نجاتك… والجدال يعلمك قيمة الصمت، والغياب يعلمك قيمة الحضور، والظنون الخاطئة تعلمك أثر حسن الظن بالناس، وكل خطأ وإن أوجعك يزيدك بصيرة، وإن أبكاك يزيدك وعياً، ومن لم يتعلم من دروس الحياة عاش بين الناس غريباً…!!!

“استووووووا” الشيخ #محمد_السبيل -رحمه الله- يؤم المصلين لصلاة العشاء في سنواته الأخيرة لإمامة في الحرم المكي عام 1427هـ 📽️ #المسجد_الحرام

فضيلة الشيخ #عبدالعزيز_بن_صالح رحمه الله إمام وخطيب المسجد النبوي لقرابة الـ 50 عاماً ، بدأ في إمامة المسجد عام 1367هـ توفي رحمه الله عام 1415هـ

@Ahmdalmaimoni عسل الطبيعه اللي بالضاحيه عبدالله طرقي العتيبي الله يشافيك ويعافيك من واقع تجربه

مساء الخير شنو اقوي عسل بالكويت بعيداً عن كثرة دعايتهم ابي عسل يكون مفيد للجهاز الهظمي والقالون !؟