هشام

يفرح بك الليل أكثر.. لا تعطّرتي وجيتي مثل غيم في صدر السما سارح بلّلتي الروح.. ما ادري توّّك أمطرتي وألا المطر غافي بروحي من البارح ! علي الضوي

أطهر من الفجر لا مرّ السما بدري وأصفى من الليل وأدفى من مواعيده لا شفتها رفرف العصفور في صدري واحس في داخلي نبضة وتغريده علي الضوي

يكفي كثيرك قلّتك يا غايبة أرسلت لك غيمة حنين.. و بّلتك مطر مطر مثلي حزين يلاعبه شعرك بليا ريح وينك بغيت اطيح مبطي اطالع هالسما.. ما هلّتك و ما جابك التسبيح عبدالعزيز بدر

أنت صوتكّ بُن خولاني و بحتك قـناد و مـُفرداتك زعفران و سالفتك مهيـّله من عذوبة نبرتك عندي قناعة و إعتياد لو تمررها على أطراف الحديث ؟ تسيله صبّ فـ أذني ضحكتك محتاجها علىٰ إنفراد لا يزاحمها الكلام و هي أرقاق نحيّله خلها بـ لحالها تجلس علىٰ جانب حياد مثل طفلٍ لا زعل .. جلس بعيد لحـاله ضحكتك تربط ليالنا القديمه بـ الجداد الليال موقّعه بـ إحساسها و مذيـله حسن وجهك كنّه أشياء ما تقلّ و بـ إزدياد كل مازاد العُمر سنتين ! زادت شي له فـ لا قبل وجهك بياض و لا قبل شعرك سواد تسدل أناءه على أطراف النهار تـ ليّله مير أنا المتأكل الذابل تحت شمس العباد لو على وجه السما غير السحاب مخيّله أكثر إنسان أنخذل ولا تعلم و إستفاد ليتني حيّال و أكشف الخطه .. الـمتحيـّله ما يهز الامتلاك إلا رياح الافتقاد و كل دمع و له مع الايام فقد يسيـّله ! ضاع من عُمري ثلاث سنين في لحظة عناد و والله إن ماهي بـ عادية ولا بـ قليله كني اللي تحت رهبة ضغط تهديد الزناد إغصبوه و قال ما هي لي ولا هي له ! تحسب إن ما شانت أخلاقي ولا ضاقت بلاد و أنا ضحكاتي تحت فـَيّة جفاك مقيله ما حكى لك سور بيتك لا تحلويت الرقاد ؟ عن دموعٍ تسقي وروده و تسقي ثيـّله والله إن أطول دروب المشتحن درب السهاد إنشد اللي لا سراه بـ نبض قلبه كيله جعل ليل أعاد للفرقا طواري ما يعاد و جعل مالي حظ دورات الزمان تميـّله كنت متخيّل فراقك سهل لكن الوكاد الفراق مجرّبه ما هو مثل ما تخيييلته – محمد جارالله السهلي

يا عرب ربي شاركوني قصايد تفك خرمه الشعر

مع كثرة الشعّار المُبدعين الا أني لا زلت افتقد لـ جابر البطحي وبشدّة اخاف اوصف هالدُره واظلمها اسمتمعو ؛ جيت عابر سبيل ورحت عابر سبيل والمحبه ربت في داخلي وكبرت لا تسولف ترا ليل المفارق طويل كل كلمه على بالك فبالي طرت خل دمعك يسولف للوداع ويسيل ولا انا دمعتي طاحت وهي ما درت !

إن رحت منت أول اللي راح وليا حضرت قلت الليال الجميله هب نسناسها ؛) - متعب التركي

من متى و الغصن يختار الطيور ؟ من متى و البال يختار الطواري؟ وفي غياب الشمس وش ذنب الزهور؟ و المطر لاشح وش ذنب الصحاري ؟ - متعب التركي .

يمكن لو انه يلمس الجرح بـ يديه ؟ يستغرب ان اللي لمسها طعونه -متعب التركي وأنا

فيه شعّار، وفيه متعب التركي

ولو كل غالي يجي دايم على ذكره ماكنت اشوفك هناك وحبك هنيّا يا ليتني لابغيت اكره قدرت اكره ماكان قلبي ليا جيت اكرهك عيّا متعب التركي

مفتوح باب الرجى لو هبّ مليون ريح والريح ما تاخذ الغَرسه من عروقها القوس مكسور والرامي يقوم ويطيح والسهم مِنعاج .. والأيـام خازوقها لو لبسّوا ساقط الهرجه ثياب المديح قلنا سحابة .. وبلّة يابـس حلوقها يا حادي الركب لا توده عليه وتصيح ما عاد هي سالفة ليلـى ومعشوقها مديت شوفي وشفت الكون رحب وفسيح والأرض حـدر المواطي والسماء فوقها — فيه شعّار، وفيه متعب التركي

المرحوم عبدالله باتل الرشيدي، أو كما يلقّبه محبّوه : البحر الميّت، كنزُ الشمال المدفون الذي مات قبل اكتشافه!

الجديد .. صفة رموشك ركوع و شفّتك حانه يثمل شعوري هوى لا من ملا كاسي

اطهر من المحرم اللي على الكعبة يطوف واصدق من الموت واذير من ريوم الفلا —صالح النشيرا

والحبُّ يصنعنا معًا ويضمُّنا ويؤلفُ الأغرابَ بالأغرابِ فنعَاندُ الدنيا ولو طافتْ بنا في شوقِها وحنينِها الوثابِ نستلهمُ الوجدَ المقيمَ صبابةً ونعودُ من دفءِ الهوى لعتابِ ونعودُ نسألُ هل متيمُ مثلنا؟ ما بين أمنيةِ الهوى ورغابِ؟ #د_مها_العتيبي

ملك البيتين :

@al_3jmil كل ما قل قدري في عيون الرخوم ادري انه بعين أهل المعرفة زما