سَعة

@Jnasser80 @Askmuhami من جد حياه متعبه بعيده كل البعد عن الزواج الحقيقي

@Askmuhami اعوذ بالله وش هالحياه كل واحد يتصيد للاخر ويصور ويسجل وين الاستقرار والحب

من الخاص📩 السلام عليكم انا صورت بجوالي محادثات بين زوجي وابوه وهو مايدري وتتضمن اساءة ل امي وسوء ضن فيها بعدها بفترة اكتشف الشي هذا شاف المحادثة بيني وبين ابوي انا مرسلتها ل ابوي هل يقدر يقاضيني عليها؟ وسؤال ثاني هل اذا سجلت صوته وهو يهددني اتعاقب على هذا الشي او اقدر استخدمه كدليل وهل التلفظ اذا صار يتلفظ علي ف الواتس استخدمه ضده عادي؟

@uiobjf @LahySw40573 جبناهم ع الدنيا لازم نتحمل كل شي بكرى يكبرون ويلهون ونجلس نتلفت ناكل لحالنا نبي المشاركه و ننام لحالنا ماحد يدعس راسه فينا و نطلع وندخل ماحد يصايح ويجرجر فينا ليش نزع النكد وهم جو ب ارادتنا . الام اللي تتنكد لان انحرمت من طلعه او عصبت وتنرفزت منهم معليش مو ام جيده .

@LahySw40573 شدخل الجنة بس فعلاً تقعد متنكدة ومعصبة ومزاجها سيء وهذا المحزن الله يكون بعونهن

الأمومة شقاء يوم أجلس مع أمهات تصيبني ضيقة عجيبة هذي تخش الأكل في كم عبايتها عشان ما ياخذونه منها وهذي تسد أذانها من صياح بنتها وهذي مو قادرة تطلع مع البنات عشان ورعانها وهذي مو قادرة تنزل المسبح بسببهم وهذي توضي كل شوي وتغير لهم وترجع توضي وهذي نايمة وهي ترضع الله يأجرهن بس

@SALIFATI9 انا ماتطمنت للحساب هذا صراحه كميه جراءه وقله حيا وزعزعه علاقات سويه وبيت مطمئنه واثاره شك واثاره جدل قذره جدا . مفروض الحسابات تنقي الشي اللي تعرضه مو شي قبيح وخراب . راجع حساباتك و نق الكلام لانك مسوؤل امام الله عن ماتعرضه

#سالفتي كيف تتعاملون ياشباب إذا اكتشفت خيانة زوجتك وبينكم ابناء ماذا تفعل

@FdFdHME الله يجسن خاتمتنا يابنيتي .

#فضفضه أنا بنت هل يسمحون لي أعمل في حفر القبور في المقابر للموتى بحيث تكون جاهزه قبل الدفن ؟ وعند حضور الرجال اخرج من المقبره أحتاج رأيكم.

@Uuuuu163994y @NOWTRND هههههههههه إكستنشن

@NOWTRND يا حظها جسمها وشعرها قوي وانا من اول ولاده صلعت

ترند " مقطع متداول " متداول: سارة الودعاني تخطف الأنظار في أحدث ظهور 💛🔥!

@FdFdHME عادي تصير كثير وطبيعي

#فضفضه لي أسبوعين بعد الملكة وماتواصل معاي خطيبي حتى الآن رغم انه أخذ الرقم مني وقت الملكة هل هذا طبيعي ؟

@Askmuhami مالكم امان مع بعض هو يتجسس ع كلامك وانتي بترفعين عليه قضيه . مو زواج هذا🤦🏻‍♀️ الزواج امان مو خوف وتجسس وشك

من الخاص📩 السلام عليكم زوجي اعترف انه حاط جهاز تتبع في سيارتي بدون ماعرف وانا ادري ان مقصده يتجسس علي وله فتره طوييييله حاطه دون علمي ويوم اعترف لي قال عشان لو انسرقت السياره اكون عارف وين موقعها وانا ادري انه شكاك و مو هذا قصده لو اجيب دليل صوتي بكلامه هذا ينفع اني ارفع عليه قضيه ؟ لان لو صادق عطاني خبر بس وصلت انه ياخذ مفتاحي ويشتغل فالسياره ويركبه دون علمي ! وش عقوبته للمعلوميه انسان شكاك ومريض وماستغرب انه يتجسس ويراقبني في بيتي وجوالي

@sh1997xx @gorgeous4ew الله يكشف ضر من به ضر . بس نبي خدود بالحمل نقطه😂

@ss_3ah @gorgeous4ew والله كله احتباس سوايل واذا سمنتي صعب ينزل

دانة الطويرش: الحمل هالمرة صايرة كائن غريب، وزني وصل 110 أنا حتى قبل التكميم ماشفت هالرقم، بس بصراحة أنا مستمتعة بفكرة الأكل نفسه أي أكل يخطر على بالكم أجربه، أقول حق عزيز إذا عندك إعلان حق مطعم بذبحك اذا ماقلت لي😂!

@iisnn_ @gorgeous4ew انا اصير هيكل😂 ينزل وزني مع الحمل ل 46 احيانا اقل 😫😂 من احمل كل الناس تدري لان اصير بس انحف😭😂

@ss_3ah @gorgeous4ew والله احلى شي تحملين وماتسمنين كنت كذا لين كبرو عيالي صرت اسرح وامرح الوزن مره خمسين مره فوق الخمسين خذيت راحتي بالاكل

@Ksa_d6 @Askmuhami تجسس او لا الغلط راكبها من راسها ل رجلينها . التجسس حرام لكن فعلتها كبيره بعد

@Askmuhami سبحان الله كل اللي في الكومنت حاطين اللوم على سواتها بس ماطلعوا الزوج إنه برضوا غلطان وإن الرسول نهى عن التجسس وهو أصلاً قاعد يبتزها حتى وهيا على ذمة رجل آخر ولكن لو قلبت الآيه وتجسست عليه كان قلتوا لها تستاهلين محد قال لك تتجسسين عليه وتخربين بيتك ونزوه وتنتهي

من الخاص📩 السلام عليكم كنت متزوجة واستمر زواجي الاول 6 سنوات و حصلت بيننا مشكلة بسبب انه فتش جوالي بدون ما اعلم وبدون موافقتي وحصل محادثة بيني وبين واحد كلها كلام عادي ومحترم وصور الشاشة صور وفيديو وارسلها لجواله من واتسابي بدون موافقتي وتهاوشت معه وتكررت المشاكل وزعلت ورحت لهلي وبعد فترة راضاني ورجعت وكثرت المشاكل بيننا ورحت زعلانه وطلبت فسخ عقد الزواج وتهمني اني ابي شخص غيره وقدم للمحكمة المحادثات للي صورها قبل وردت المحكمة القضية بسبب اني رفضت العوض وجلست عند اهلي حوالي 6 شهور ولاينفق علي وعلى عياله وبعدها قالت لي وحدة وافقي على العوض والشيخ بيحكم بالفسخ وسدديه بعدين متى ماتيسرت ورفعت فسخ نكاح بعوض وتم الفسخ بعوض الحمدالله وبقى العوض دين في ذمتي ووقف خدماتي ومعي منه ولدين وبعد ما انهيت العدة تزوجت بنفس الشخص وبعدها بفتره عرف أني تزوجت بنفس الشخص للي حصل محادثته قبل ورفع شكوى تخبيب واتهمني بالخيانة الزوجية في اثناء العلاقة الزوجية ورافع معها محادثات الواتساب القديمة وصارت هالمحادثة واقفه في حلقي يهددني فيها كل شوي وهو يرسلي ويقول والله لدخلك السجن انتي وللي طايرتن فيه وبعدها اخذ عيالي منك تكفون والله ماهمني السجن بس اهم شي عيالي لا ياخذهم وهل تكفي صور الشاشة للمحادثة اثبات كل شوي وهو رافعها للمحكمة وانا قالت لي وحده ارفعي عليه تجسس بسبب انه دخل جولك بدون إذنك وارسل من جولك لجواله وبدون موافقتك واذا وصلت المحكمة قولي له تتنازل عن التخبيب اتنازل عن التجسس والا هو للي حكمة اكثر منك هل اقدر اسوي الطريقة هذي ولو سويتها بتنجح فهو تجسس على جوالي بدون رضاي وبدون موافقتي وصور المحادثه من الواتساب حقي وارسلها له بعدين حذفها من محادثاتي تكفون افزعو لي وش اسوي

@SALIFATI9 ﴿لله ملك السموات والأرض يخلق ما يشاء يهب لمن يشاء إناثا ويهب لمن يشاء الذكور أو يزوجهم ذكرانا وإناثا ويجعل من يشاء عقيما إنه عليم قدير﴾ ربي مايكتب لك الا اللي يناسبك . وربي يرزقك ماتتمنين ويقر عنيك ب ولد صالح بار هادي مهدي.بس لو ماصار ترى لمصلحتك واختيار الله

#سالفتي انا عندي بنتين وحامل والله بدون اعتراض على امر الله للحين ماشفت الجنس خوف انها تكون بنت بعد وربي ماودي اقول كذا لكن نبي ولد هل تفكيري غلط ولا انا طبيعي وضعي.

@FdFdHME مافيه بينك وبينه علاقه رسميه وعقد عشان تستنكرين فعله . وكيف بيهدي وهو مايعرفك اساسا . وماله علاقه بالبخل ابدا . حتى لو عقد وماجاب شي مايعني انه بخيل . يصير ماتخطر هالاشياء بباله بختصار

#فضفضه جاني شاب نظرة شرعية بلا هديه فقط ضيافة معجنات حصل القبول وجونا ثانية للخطبة الرسمية وكمان ما جابلي هديه فقط طبق ضيافه مع والدته انا اخاف انه بخيل؟ لان اعرف بنات جاتهم هدية حتى في النظرة الشرعية ساعة عطر شي زي كذا هل يا رجال هذا بخل ولا قصدكم ما تهدون الا بعد عقد القران او ايش!؟ والبنات فيه وحده صارلها هذا الموقف واتزوجت واكتشفت انه عادي كريم ويهادي او فعلا يطلع بخيل 😰 افيدوني جزاكم الله عني كل خير.

@vivalalgerie7 م اكل بمكان عام وخلاص بلا ذا التعقيد

مصممة تبتكر طريقة ذكية لتسهيل الأمر على المحجبات أثناء الأكل إذا كن في أماكن عامة فلا يظطررن لكشف وجوههن😀

@SALIFATI9 غير مناسب . توها صغيره بيجيها رزقها

#سالفتي انسانة عمرها 21 سنة تقدم لها رجل مطلق عمره 65 سنة هل فرق العمر كبير ام مناسب ؟ مع العلم انه محافظ على صحته

@1p______ صادق دامها تجيك ماعليك من حركاتهم . غصب عنه ماقدر يجيب لك عامله . انتي خير من يعذر . ويطنش اللي يستاهل التطنيش

أمه واخواته صاروا متضايقين مره ويرمون علي كلام وتغير تعاملهم معي لدرجة صاروا ينبهون عالعامله ماتنظف عندي زين هي قالت لي وصاروا اي مناسبه عندهم يستقبلون ضيوفهم عندي 😔 تعبت نفسيتي من تعاملهم ولا اقتنع زوجي يقول ما لك علاقه فيهم المهم ان العامله تجيك طنشي حركاتهم 😭💔

عندي توأم وما ألحق عالشغل طلبت زوجي يجيب لي عامله لكن للاسف رافض يقول ماديته ماتسمح يدفع راتب عاملتين لأنه متكفل براتب عاملة أمه صار يقول لأهله يطلعون لي العامله ساعتين باليوم أنا مو راضيه ولا عاجبني الوضع لكن مافيه غير هالحل تجيني تنظف وتمشي ولكن لاحظت 😩💔

@l__a10 جربت هذا من اول غسله يتفكك ويبقى اثره باللبس

شوفو طريقتها حلووووة بالملابس الداخلية الصغيرة 🎀🫧👼🏻

@Askmuhami الله يعظم اجرك صراحه الزواج اللي ياكل منك مهلك . مافيه حل الاطفال هديه من ربي جو مع كل اسباب الموانع . والحمدلله ع نعمتهم لولا هم كان ممكن فاقده عقلك من افعاله ، الانفصال حل لمثل هذي الزواجات لكن عيشو نفس البيت عشان اطفالكم . الا اذا قلتي بتحمل واصير ع ذمته.خليك ع ذمته وكيدي😁

من الخاص📩 السلام عليكم متزوجه ولي اكثر من ١٥ سنه نفصلت وكان عندي طفلين وبعد سنه رجعت لا ابو اولادي والحين معي ٤ اطفال طول ها السنين اكتشف انو زوجي يخوني ويصرف على بنات بليس ولما اطلبه دايم ماعندي وماعندي وماعندي وكل مرا اواجهه يوعدني انو اخر مرا وييتغير والخ وانا بقرارت نفسي اعرف انه كذاب بس لاني موظفه ولا عندي دخل اني اخذ مسكن لي وللاولاد كل مرا اكشفه ينكر ثم يوعدني يتغير وصلت الخيانات للخيانه الجسديه يواعد ويروح فنادق الخ ووصلت يجيبهم للبيت عندي وانا مسافره عند اهلي و اول مرا اكتشفت من الكلاب الي يكلمهم كانو ضايفيني ومكلميني انست🙂 ثم صرت اشوفه بجواله كل شي يوثقه ويصوره😅 اش اسوي ضاقت فيني الدنيا بما رحبت وللاسف الحين انا حامل وب الاشهر لاخيره ولحد يقول ليه تجيبي منه اطفال كل شي سويته وكل مانع اخذته بس ماينفع معي وارادت ربي ب الثلاث اطفال بعد الرجعه من الانفصال كنت اخذ مانع بس ارادت ربي فوق كل شي كان يصير حمل الحين انا ماني عارفه وش اسوي تعبت نفسياً وخايفه يجيب لي امراض وفوق ذا شاكه انه عنده ميول للجنس لاخر

@prop_solu ماحد سائل تطمني

أنا أنسانه ماعندي صديقات الأمر إلي محيرني كيف اذا تزوجت و سألوني وين صديقاتك وهدايا الصديقات مدري وش أسوي أتمنى المساعده

@KSA1234567RT @FdFdHME 🤔

@FdFdHME بيني ضعفك وطلعي تقرير من المستشفى ولا تتنازلي إلا بالذهب عرفتك انتي المدعوس عليك بالنعال في بيتك الي تبثرينا بالسنابات وبالمجالس ماغير تهايطين برجلك 😳😆🤣🤣🤣🤣🤣🤣🤣 جعله يعرس عليك

#فضفضه زوجي ضربني بسبب تافه كفوف على وجهي وكدمات على جسمي مابي اشتكي لاحد يعرفني عشان ما ابين ضعفي ابي حل معه والسبب لاني طلبته ذهب انا ولدت قبل كم شهر وما جاب لي وبعت ذهبي عشان اشتري ناقص لتجهيز ولادتي وقلت له يعوضني وهو راتبه كويس مو ناقصه شي بس مره بخيل.