🇸🇦KHALED

مطور عقاري طوّر مشروع شقق وانتهى من المشروع قبل ٩ أشهر تقريبًا. وبما أني أراقب كل شاردة وواردة في الحي، كانت هذي العمارة من ضمن جدول المراقبة عندي. للأمانة، شغل الرجال زين… لكن التسعير غير واقعي، مسعّر على أسعار ما قبل التوازن العقاري. المتر ب ١٠ الاف ريال وما زال عارض بنفس الاسعار حتى الان في البداية جاب وسطاء يسوّقون الشقق، وكانوا اثنين اخوان و شارين لهم مكتب فاخر، ومتكين في مدخل العمارة، وداقّينها خفارة من ٤ العصر إلى ٩ الليل. وللأمانة كانوا مجتهدين. ما مشت الأمور معهم… دخّل المالك وسيط ثاني على الخط، وبرضه شراء مكتب فاخر زيهم واستلم المدخل الشرقي للعمارة. ٦ أشهر كاملة… وما انباع إلا شقتين او ٣ من أصل ٤٠. بعدها توهم المالك إن المشكلة بالتسويق، ومشّى الأجاويد وجاب بدالهم التطبيق الأخضر الأشهر بالتسويق العقاري. وجو حطوا كشافات ولمبات تأشر بكل مكان، ورفعوا الأعلام الخضر، وزبرقو الدنيا له . والحين لهم شهرين تقريبا ومحلك سر. أتوقع بعد ٤ أشهر بييأس، ومدري عاد من بيجيب بعدها… يمكن يجيب ورثة مارادونا، أو ورثة مايكل جاكسون يسوّقون المشروع، الله أعلم.