Eng: Abdullah

@Askmuhami لا يستحق مهر والله يعوضك ونا اخوك.

من الخاص📩 السلام عليكم متمكله على شخص وقالي الزواج بعد شهرين وعطاني المهر وصرفته بالملابس وغيره.. وماطل فيني ٣ سنوات بدون تواصل ولا خبر وارسلي بعدها بالواتس اني طالق وصار بينا جلسات بالمحكمه وحكمو ب الطلاق وتطلقت منه الحمدلله والحين يطالب باسترجاع المهر كامل ورافع علي دعوى رغم انه علقني معه ٣ سنوات ولا كان جاد بالزواج ،،احد يفيدني الله يعافيكم وش اسوي ما عندي قدره ارجع له المهر

@t_1i1r والله اني ما اكلمهم ، لكن لا اشوفك بباريس و فلوسي مارديتها لاني بجي اطالبك فوراً .

اذا كنت اعلم ان الشخص ظروفه الماديه يعني وطلبت منه مبلغ لي عنده كيف بيكون احساسه من واقع تجربتك انت ؟

@prop_solu الله يعوضك ي اختي و يوفقك و يعطيك فوق ما تتمنين،اتمنى لك التوفيق.

🚺 السلام عليكم بما اننا في ايام فضيله اتمنى تدعولي انا انسانه تزوجة وانا صغيره وتطلقت بدون اطفال مااستلم ضمان ولا حساب مواطن لان مااقدر اعيش بعيد عن امي وابوي كبار بالسن ابوي بالسبعين وامي بالستين وحزينين علي كثير مو ضامنين الدنيا اخواني يشكون فيني كثير ويرمون علي كلام ويعيروني بالاطفال بيوتهم مستقره وتاركينها ويطالعون فيني اختي مطلقه مستقره تعيش في مدينه وموظفه ماتركتني اتهمتني باشياء ماتنقال وشوهت سمعتي هي وبناتها ادعي ربي دايم في هذي الايام ان يفرج همي و يحفظلي امي وابوي ويعوضني خير في وظيفه وزوج وابناء واتمنى تدعولي

@FdFdHME حتى في اصحابنا بنحصل من يتكلم عنا بسوء بغيابنا ، ي اخي لا تدقق ترفع عن هذه الأمور . ولو انت بالسوء القوي لن تجلس معك ، فا خليك واثق و لاعاد تقتحم خصوصية غيرك.

#فضفضه اكتشفت زوجتي تراسل صديقتها وتقول عني كلام ما حلو ولا احد يتقبله وتمس الكرامه وصراحه معاد تقبلتها ولا قلت لها اني شفت الرسايل وفكري مشتت صراحه ؟ اعطوني حل كيف التصرف المناسب معها.

@Askmuhami الله المستعان ، سهل ابطال السند ونا اخوك ، ريحي بالك.

من الخاص📩 السلام عليكم انا ابغى ارفع إبطال سند امر كيف الطريقه انا زوجي قال بيعطيني مبلغ 67000 كاسلف وقالي بسجلها سند امر و انا وافقت حفظ للحقوق و وثقناها وغدر فيني ماعطاني ولا ريال كلمته رسلت له ع واتس حاولت اثبت اني مااخذت ولا ريال منه وقدرت اثبت عن طريق محادثات الواتس حاولت فيه يعطيني المبلغ بس راح ورفعها للتنفيذ و وقف خدماتي الحين وش الحل معه حرفيا انسان نرجسي ونصاب .

@Ask_madinah11 اذا سعودي و تريد مدينة الخبر تواصل معي.

📩من الخاص تكفى طلبتك اذا تعرف احد يوظفني انشاء الله لو امسح طاولات راضيه بس اهم يجيني راتب يعزني عن الناس

@ask__jeddah1 اذا انت راتبك بالبنك الاهلي تواصل معي ونعطيك تكميلي حتى لو مايعطيك البنك.

💢 مـﻧـــ الخاصــــــ 📩 اسألكم بالله في هذه العشر المباركة لاحد يجاوب او يتواصل الا هو على علم كافي ولا يضيع وقته ووقتي بعد قراءة طلبي عندي مديونيات لو سويت شراء مديونية ماراح يغطي مبلغ الشراء كافة المديونيات (شخصي ، وسياره) فاللي عنده حل مناسب بأمانة ومخافة الله في ذلك غير الحلول العقارية المنتشره يكتب رده وراح اتواصل معه والله يوفقنا وياكم لكل خير ويكتب لنا من عنده فرجا ومخرجا الراتب 14464 اجمالي المديونيات تقريبا 330 الف

@prop_solu الله يوفق و يوفقنا ويكتب لك و لنا الزواج بهذه الايام المباركة.

🚺 السلام عليكم عمري ٢٣ جامعية وللان ماتزوجت وعندي يقين تام ان الزواج حياه واستقرار وبهذه الايام ادعوا لي بالزوج الصالح الطيب لعل احدكم اقرب مني لله وإذا عندكم حلول أو كلمة طيبة لا تبخلون علي لاني سعيت بكل الطرق حتى بالخطابات ولا الاقي الا الي يكبرني ١٤ سنه او اكثر :(

@Askmuhami حسبي الله ونعم الوكيل

من الخاص📩 السلام عليكم فيه شخص نصيب عليه انه راح يتزوجني واستغلني 5سنوات بعد طلب ارقام اخواني عشان يتعرف عليهم ويخطبني بعدها صار هددني اذا ماعطيته للي يبيه راح يرسال صوري الاهلي واخواني كيف اسوي

@prop_solu الرجل الي يقبل ان المرأة هي التي تدفع ! فهذا ليس لديه من مبادئ الرجولة و القوامة.

السلام عليكم هل طبيعي الزوج يتعوّد إن زوجته هي اللي تدفع وتشتري له، ولما تتكلم يرد: أجل ليش تاخذيني معاك؟ أنا مو ضد المشاركة أبدًا، لكن أحس المبادرة والكرم مهمين بالعلاقة، خصوصًا قدام الناس. مع الوقت وقفت أعطي مثل أول لأني حسّيت العطاء صار من طرف واحد. هل أنا أبالغ؟ ولا فعلًا اختلاف الكرم بين الزوجين يأثر على المشاعر والاحترام؟

@Askmuhami لا اعلم ناعي دوافعه من السلوك السيء وهو محرم مهما كانت الاسباب ، ولكن اذا كنتي متضرره و لا يوجد لديك اخطاء، يفضل بلاغ لوحدة الحماية الاجتماعية . والله يهديكم جميعاً.

من الخاص📩 السلام عليكم انا مطلقه عمري ٣٥ لدي اخ متسلط يضربني ويمنعني من الخروج من البيت وحاليا يهددني بفصلي من عملي عالما اني موظفه حكوميه ماااالعمل

@SALIFATI9 مرحبا اختي. اذا كان عندك نوع من الفوقية فا يفضل عدم الإرتباط به ، ولابد ان تعرفي طريقة حياته و نضجه العاطفي و النفسي،و هل سيتعامل معك بكل اريحيه او لا ، بعض العسكر متفهمين و راقين و متعلمين ، و يفضل عدم الاستعجال بل استخيري و اسالي عن شخصية الرجل و حياته،والله يوفقكم جميعا.

#سالفتي انا طبيبة وتقدم لي احد الاقارب بنفس عمري وهو عسكري وانا محتارة اوافق او ارفض ، انا ماعندي مشكلة مع اختلاف الرواتب ولكن اخاف هو اللي يبدا يدقق لان انا ابغا زوج داعم ورجل يكون سند مو شخص يتزوجني عشان منصب او مال واخاف انه مايفهم مجال عملي وكيف المناوبات وبنفس الوقت اقول انا تعبت على نفسي في دراستي وعملي واستاهل شخص بنفس مستوى تعليمي وكذا ، مع العلم انا عمري 25 وهو كذا ف ايش رايكم واللي جربت تكون طبيبة وتتزوج شخص عمله غير كيف كان الوضع. الله يجزاكم خير ابغا شور ونصيحة خير واللي عنده كلام سيء يخليه لنفسه

@SALIFATI9 الله ييسر امرك يا بنتي ويعوضك اجمل عوض

#سالفتي انا من اول اسبوع اهلي اخذوني من زوجي نزلني عندهم لكن طلبو مني ما ارجع له ورفضو ارد على اتصالاته و كبرو المشكله وطلبو مني اتكلم عن سلبياته عشان يكون معهم عذر اني ابقى عندهم كملت شهر وانا بين الحياة والموت كل اللي صار مو بيدي ولا رغبتي بلكني ولا يتواصل مع احد مننا

@ilonelycloud انزوج زوجة صالحه و استقرار 🤍🙏🏻

القدر موكل بالمنطق أيش أمنيتك في يوم عرفة ؟

@SALIFATI9 ي بنتي اذكري الله و اشغلي نفسك بشيء يفيدك والله يشرح صدرك🤍🙏🏻

#سالفتي فيني اكتئاب وضيقة وادعي على نفسي بالموت كل يوم مااعرف ايش اسوي بحياتي اشعر اني عاجزة افعل اي شي بالحياة عمري 33 اعيش مع امي محد تقدم لي وعاطلة

@SALIFATI9 أتشرف.

#سالفتي انا فتاة بعمر ٢٦ دكتورة ومرتاحة ماديا الحمدلله موضوعي هو اني للآن ماجاني الشخص المناسب رغم اني جميلة وهادية ومهتمة بنفسي و نسب من آل البيت وشايلة كل شيء واطبخ زين واعتقد ان السبب ان امي كانت ما ترضى لنا نطلع اي مكان وبالتالي صداقاتنا محدودة ومعارفنا محدودين وانا ما اطلع من البيت الا للدوام ولو مناسبة مرتين ٣ بالسنة احضر فقط للاقارب شوروا علي واعتبروني اختكم، عادي لو كلمت خطابة والا راح اندم بعدين لو تم بينظر لي نظرة سيئة؟

@FdFdHME الله يحفظك ي بنتي و بصراحه الشخص الي يتجاوز الخطوط الحمراء لا يمكن التعايش معه و لكن حكمي عقلك والله يكتب لك الخير 🙏🏻.

#فضفضه احتاج من يوجهني او احد فاهم الحياه تزوجت وحد راعي كبتاجون وصبرت وتحملت انام بالايام الحالي ودعيت وبكيت كثير حتي اهله تخلو عنه وقفت معه لين خليته يتركه وهالحين يشرب نصحت كثير وحاولت لين طقت روحي معاد فيني طاقه ولالي نفس روحي وقلبي موجعين وتعبانه نفسيتي ولا عاد اتحمل ومن اول ماطلعت المساحات وهو فيه يجمع قروبات وعلاقات مع البنات ويسوي نفسه داعم وهو عايش ع راتبه ي الله يكفي البيت والعيال واكتشفت ان له علاقات مع وحده مطلقه ويكلمها ويتغزل فيها وانا اموت ولا سمع كلمه حتى شكراً قسم بالله طافيه ع الاخره ودي امشي وترك الدنيا له بس عيالي توه صغار وكسرين ظهري امي متوفيه وابوي كبير عمر وعند اخواني وعيالي بالنهايه مالهم ذنب تكفون ادعوا لي او اكتبو وش اسوي بس ابغا اعيش العيالي تكفون اجبرو بخاطري بداعوتكم

@prop_solu الله يوفقك و يوفقنا ، انا من الي ذكرتيهم بالسط الاخير.

عمري ٣٠ جميلة جدًا خلوقة موظفة ماينقصني شي،ابي طريقة احصل فيها على رجل مناسب ،انخطبت كثير لكن ماحصل نصيب، مااثق بالتطبيقات وعائلتي مو اجتماعية هل ترشحون لي خطابة جادة وأمينة؟ متخوفة مرة بنفس الوقت اثق ان فيه كثير شباب وبنات نفس وضعي ومو عارفين كيف يرتبطون ، وش الحل

@SALIFATI9 تزوجي ي بنتي لو حصل لك فرصه لعل الله يكتب بعد ذلك امرا.

#سالفتي بعد ما أطلقت بدون أطفال من ٤ سنين اخدت شقة إيجار جنب شغلي لاني عائلتي وجيراني اتسببولي في أذي نفسي كبير خوفي من الطلاق خلاني قدمت تنازلت في زواجي لم تقابل برجل كريم أصل وإنما العكس دلوقتي صاحبة الشقة كانت مدياني مهلة لأخر السنة بسبب إن المنطقة كانت شعبية ودلوقتي طورها ومعاها ولادها عايزين يعيشوا فيها فأنا كلمت خاطبة تشوفي عريس مناسب لكن اتفاجات أن المالكة ابنها عمل حادثة وبيحتاج مراجعة بالمدينة كذا مرة بالأسبوع والمواصلات غالية وقالتي فضيلي الشقة انا دلوقتي ما بين نارين نار أن ارجع لأهلي واقعد وسط جيران حقودين لا اطيق رؤيتهم غير ان مواصلات قريتنا متعبة جدا طريق مكسرة أو اني ادور ع سكن وربنا يكرمنا بيجيران نفس الجيران الحاليين ف هدوئهم واحترامهم والله أعلم فماذا أختار.

@SALIFATI9 بيعوضك ربي ي بنتي المهم أن تحفظي ربك و تعيشي حياتك ولا تظلمي نفسك بالتفكير و الهم و التعب.

#سالفتي وجت مره وحده وجلست ٨ شهور وتطلقت. وتزوج بعدي وطلقها . وبعد ٥ سنوات تملكت على رجل مطلق عنده ولد بس ملكه بدون دخول وتطلقت. مادري وش اسوي من الهم والحزن انظلمت مرتين هل العيب فيني وابتلاء او ربي يختبر صبري وجزاكم الله خير وادعوا لي ربي يعوضني خير