تحسب السّاكت اللي مايسولف سالي
ساكت ٍ من كثر تفكيره و قلت وجده
خاطره من ضيقة الايام مّاهو خالي
الصبر مّاعاد فاد و لا لقى له نجده
مونس ٍ فرقا حبيب و فاقد ٍ له غالي
و الطواري كل يوم تصبحه و تهجده
جعل ما فات يتعوض فـ الزمّان التالي
وباقي احلامه تحقق كلها في سجده .
ولا تسأل عن أحوالي ولا ترجع تقول بخير
ولا أبي بحلمي تجيني ولا صدفه تكلمني
انا عفتك والله بعيوني غديت صغير
محيت أجمل ليالينا وصار البعد يلزمني
تركتك يامناي وغلاي ويانصيب الغير
لأني شفتك بعيني تخون وخيبت ظني
أنا عاندت فيك الناس وقلت عنهم غير
ليت الوقت يرجع وعنك الناس تبعدني
عزّ ممشاك عن أرض ما تحوفك
ومن يشتري خاطرك أشتريه بعمرك
والجمايل لا عجزت تردها قدّرها
واللي ما يثمر فيه خيرك ذوقه مرك
ومن يستكثر عليك الوضوح اتركه
ومصير الليالي السّود يظهر قمرها