ياسر بن عبدالعزيز المسفر

LogIT v1.0.1 نزل اليوم 🟣 تحديث مبني على ملاحظاتكم : — أرقام عربية بالسلسلة (٠١٢…) — VoiceOver بلغتك المختارة — شاشة ترحيب جديدة — شعار LogIT فوق كل شاشة صنع بحب في 🇸🇦

bitcoin:native

كثير سألوني عن الطريقة بالتفصيل، وهذا الجواب 👇 قعدت مع كلود على اللابتوب وطلبت منه يبني قاعدة بيانات SQLite فيها جداول مترابطة: جدول للحسابات، جدول للأهداف، جدول للميزانية، جدول للمستفيدين، وجدول للعمليات. بعدها اشتغلنا سوا على أهدافي على مستوى كل حساب — دخلي كم، والتزاماتي، وروتيني اليومي والأسبوعي والشهري — عشان يفهم وضعي مو بس يخزّن أرقام. بعد ما ضبطنا الأساس، طلبت منه إنه بعد كل عملية أدخلها يحدّث لي داشبورد أشوف منها وضعي الحالي لحظيًا. وأسبوعيًا يعطيني تقرير ويسألني عن الأشياء اللي مو واضحة له بدل ما يخمّن. وشهريًا يعطيني تقرير كامل عن الشهر. وتفاصيل التقارير نفسها تقدر تتفق عليها معه حسب طريقتك في إدارة الموضوع؛ ما فيه قالب واحد يناسب الكل. الجزء اللي غيّر اللعبة: سويت على الأيفون Shortcut Automation يشتغل مع كل رسالة نصية توصلني، ويخزّنها تلقائيًا في مجلد على iCloud Files. ولأن فيه تزامن بين الجوال واللابتوب، طلبت من كلود في مهمته اليومية إنه يفحص هالمجلد. وإذا لقى رسالة جديدة، يحدد منها: من أي حساب انصرف المبلغ، وكم، ولمين اندفع، وبعدها يسجّلها في قاعدة البيانات ويحدّث الأرصدة والداشبورد. صار التسجيل شبه تلقائي. نصيحتي لأي أحد بيسوي نفس الشي: لا تبني كل شي دفعة وحدة. امسكها حبة حبة، جدول جدول وخطوة خطوة. أنا استغرق مني الموضوع شهرين وشوي إلى أن انضبط، ومع ذلك لا يزال يفوته شي بسيط أحيانًا — وهذا طبيعي. عشان كذا خليت فيه فحص يومي وأسبوعي وشهري، كل طبقة تمسك اللي فات اللي قبلها. وإذا صار غلط، أتعامل معه مباشرة. أقول له مثلًا: «ترا حسابي فيه ٥٠٠٠ ريال، مو ٥١٠٠ اللي عندك» — يروح يفحص ويدوّر وين الخطأ ويصلحه. وإذا ما لقى غلط عنده، يرجّعني أدوّر الفرق عند البنك نفسه. النتيجة إني ما عاد عندي جداول أنساها؛ صار عندي مساعد يفكّر معي ويجادلني قبل لا يوافقني