Yousef Max

كيف زدت سعر نفس المنتج 3 أضعاف.. بدون ما أخسر عميل واحد؟ 📈 رح أشرح لك خطوات عملية طبقتها بنفسي، حولت فيها دورة تدريبية من "منتج عادي" إلى "خدمة فاخرة" يطلبها العميل بالاسم. كمل معي الثريد للأخير.. 👇🏽

@AndrewAzmi فعلا ناس كتيرة تقولك اعمل منتج كذا وابدا بيع اونلاين و هتكسب . الموضوع مو منتج ممتاز بس لانه عالم التوصيل ده ممكن ينجحك او يضيعك

كل 10 طلبات في متجرك، كم طلب فعلاً يتحوّل لربح صافي؟ تاجر حسبناها بالضبط في جلسة استشارية. صُدم. من كل 100 طلب: • 22 طلب دفع عند الاستلام يُرفض عند الباب • 11 طلب يرجع بسبب مقاس أو لون • 6 طلبات عنوان خطأ أو عميل ما يرد 61 طلب فقط وصل ودُفع. لكن تكلفة الشحن رايح/جاي للـ 39 المرفوضة؟ من جيبه. كل طلب مرفوض يكلّف 25-40 ريال شحن ضايع. يعني من كل 100 طلب: 975 ريال تطير قبل ما تحسب أي ربح. الحل مو إنك توقف الدفع عند الاستلام. الحل إنك تخلّي العميل يأكد قبل ما تشحن: • رسالة واتساب تأكيد بعد الطلب بـ 10 دقائق • طلبات فوق 300 ريال؟ اتصال سريع 30 ثانية • عنوان ناقص؟ لا تشحن إذا عندك هالمشكلة، جرّب هالثلاث خطوات أسبوع واحد وقارن الأرقام. الفرق يبان من أول شحنة.

ذكرتني 2 شركاء اصحاب بزنس كانوا يعملون عملية اقل ما توصف بالقذرة (و معليش للاخوة المستمعين على الوصف) بس ذو الوجه الطيب منهم يتفق معك على تفاصيل الشغل و الفلوس و اول ما خلاص تدبس معه يقولك اللي رح يتابع معك التنفيذ هو شريكي فلان شريكه هذا شخص من نوع العملاء اللي مستحيل تقدر تخليه يرضى عن شغل لو صرت ملاك . و حتى لو ارضيته رح ياكل حقك . و المشكلة يوم ياكل حقك تلاقي الشريك الاول اختفى تماما الحمد لله ما اشتغلت معهم بنفسي لكن لي اصدقاء عملوا معهم و ذاقوا الويل

وأنا صغير كان جارنا يملك مطعم هو وشريك آخر.. وأتذكر قال كلمة واحنا في مجلس استغربتها واستنكرتها وقتها، لكن فهمتها بعديييييين لما كبرت وجربت! قال: الشهر الي أمسك فيه إدارة المطعم يكون خسران، والشهر الي يمسكه شريكي يصير ربحان! والسر أني طيب مع العمال وهو ياخذهم بالخيزران 😂 اليوم لما أشوف تجارب الي حولي مع المشاريع ألقى نفس النموذج يتكرر.. الناس الطيبة ماتنجح في الإدارة إذا ماكنت تملك القدرة على الحزم! مزعج الموضوع شوي للناس الطيبة .. لكن هذا واقع! طيب والحل؟ إذا كنت كذلك فتحتاج شريك آخرصاحب خيزرانه :)

@Pion99r لي تجربة مع شريك انا فضيت الشراكة معه بسبب هذه النقطة هو كان مرة شاطر و مبدع . بس مشكلته مو ملتزم بالوقت . و دايم كان يفشلنا مع الزباين في وقت التسليم

محد بيقول لك هالسر: تقدر توصل لمواصيل بعيدة جداً في حياتك بس لأنك شخص يُعتمد عليه تظهر في الوقت المناسب، وتخلص الشغل المطلوب هذه هي الاعتمادية وقف تعقيد مفهوم النجاح اظهر، اشتغل، وكرر العملية بس، هذا هو كل شيء

@mhmd7sn المشكلة يوم تقولهم هذا الكلام يقولك لا الايجار مكلف مرة طيب يعني فرصة المشروع المدر للدخل اللي ضيعتوها مو كانت اكثر تكلفة ؟؟

امتلاك منزل ليس إنجازاً مالياً. في كثير من الحالات هو أكبر قرار يُفقر الإنسان لعشرين سنة. قسط شهري ثابت، صيانة، ضرائب، وأموال مجمّدة لا تدر دخل. بينما المستأجر الذكي يضع نفس المبلغ في استثمارات تنمو. المنزل حلم جميل. لكن هل هو دائماً القرار الأذكى مالياً؟ أقنعني بالعكس 👇

مو بالضرورة يكون الربح من كوب القهوة نفسه حنا في مشاريع كثيرة لمن نجي نعيد لها تصميم نموذج عمل نضطر احيانا نضع سعر يادوب يغطي التكلفة فقط للمنتج الرئيسي لكن بعد كده الارباح تجي من منتجات اخرى ابسط مثال الصيدليات . لو تحسب انه الصيدلية تربح من بيع الادوية فقط فانت واهم لانه الربح الحقيقي يجي من الكوزماتيكس و اشياء اخرى غير الادوية عشان كده مؤخرا صرنا نشوف صيدليات صارت سوبرماركت الا ربع

مؤسس بيت التحميص: المقاهي اللي تبيع كوب القهوة 4.75 ريال .. مانعرف يكسبون أو لا — كيف الكافيهات تكسب بسعر ربما لايغطي التكاليف !

@alamer_y هو طالما لم يأسس مصادر منوعة لتأمين ثروته بعد نجاحه يبقى محتاج يعيد رؤيته و افكاره

كم من لقاء او بودكاست لصاحب مشروع ناجح بعد عدة سنوات تهاوى وخسر الربح في التجارة حالة غير مشروطة الاستمرار مهما حوكمتها ورتبتها وبذلت الاسباب .. الخسارة واردة لها اسباب كثيره منطقية وقابلة للقياس واحيانا غير منطقية.. التاجر المتعلق بمشروع واحد إذا خسر خسر كل شيء.. البعض يسميه تركيز وهذا التركيز من وجهة نظري غير صحيح التركيز يكون في التأسيس ، لكن بعد الوصول لنموذج ربحي يكون امان التاجر بتنويع الاستثمارات في مجالات أخرى من التجارة بالإضافة إلى تبني فكرة تملك الاصول العقارية المدرة .

@jamalalfadhli و اهم شي انك لا تنزعج اذا سمعت ناس يقولون سعرك غالي. طالما فئتك المستهدفة تشتري بدون احتجاج فلا يزعزعك صراخ البقية لانهم ببساطة ليسوا عملائك

لما تضيف قيمة إلى (منتجاتك) فلن تجد من جمهور المستهدف يناقشك عن السعر لما تضيف قيمة إلى (علامتك) فلن تجد من جمهورك المستهدف يقول سعرك غالي لما تضيف قيمة متمايزة إلى (متجرك) فلن تسمع من جمهورك المستهدف يقول أسعار غيرك ارخص منك والنشاط الناجح هو من يجمعها كلها 💰 المصدر كيسي💜

@amjad_ads فعلا ما في افضل من انك يكون عندك براند الناس هي اللي تجري وراه . مش انت تجري ورا المنصة و تترجاهم بالفلوس حتى يوزعون محتواك

في حقيقة مؤلمة في عالم التجارة الإلكترونية: إذا كان بزنسك بعتمد 100% على الإعلانات الممولة عشان يبيع فأنت ما بتمتلك بزنس أنت مستأجر عند زوكربيرج أو تيك توك الصراع مش مين بصرف أكتر الصراع هو مين بيمتلك السيادة على بياناته

@fawaz1inv رغم اني ما احب كلمة (الحرية المالية) لانها ارتبطت في اذهان الكثير باشياء موب زينة . لكن فعليا مفهوم الحرية المالية هو انك تكون حر في انك تشتغل مع مين و متى و بأي شروط البعض يفهمها انك حر في شراء ما تريد . طيب هل تقدر تشتري مايكروسوفت مثلا !!

الهدف من الثراء مو بس تجميع فلوس الهدف إنك تملك قرارك وما تضطر تجامل أو تشتغل مع أشخاص ما ترتاح لهم ​يقول تشارلي مونجر ​الثراء الحقيقي هو الحرية في اختيار محيطك ووقتك

@az118r سبحان الله الاثرياء ينقسمون الى فئتين بعضهم ثراءه يحفزه انه يشتغل على نفسه اكثر و يقضي سنوات في اعداد نفسه لشيء كبير و ينجح فيه و بعضهم يستلم مشروع ناجح بعد كم سنة يفشله

لن تصبح غني وانت تفكر بعقلية الفقير ان تكون غني هذآ قرارك وان تكون فقير هذا قرارك عادي تبدا اي مشروع دون راس مال اذا ما نجحت تاكد انك لا تريد النجاح كذا يتكلمون بعض ابناء الاثرياء وهو بدا مشواره ب ٣٠ مليون غير المستشارين مايدري ان الظروف غير من تعليم وراحه وصحه ونوع اكل وحتى رياضه ودون اي ضغط وغيرك لو ينقص عليه ١٠٠ ريال خربت ميزانيته

@Pion99r عشان كده فن البيع للاثرياء يعتمد على عرض المنفعة اللي يبحثون عنها بذكاء قوله هذا الشيء سيزيد انتاجيتك بمقدار كذا او هذا رح يقلل هدر الانتاج بقيمة كذا سنويا (احسبها بالسنة حتى تبان كبيرة و انت كده ما كذبت في شيء)

الأثرياء ما يفكرون في التكلفة هم يفكرون في القيمة والعائد لا تسأل: كم بيكلفني هذا الشيء؟ اسأل: كيف بيوسع مداركي؟ كم بيوفر من طاقتي؟ وش العائد اللي بيرجع لي؟ درب عقلك إنه يلمح التوسع والفرص، مو النقص والخسارة التفكير في القيمة هو اللي يبني الثروة والتفكير في التكلفة هو اللي يحدها

@AymanBasha لذلك احب العزلة و ادفع فلوس واجد احيانا لاحصل عليها 😁

أعظم ميزة تنافسية في عصرنا الحالي ليست الذكاء، بل هي "القدرة على التركيز" لمدة طويلة على شيء واحد. نحن نعيش في عالم مصمم لتشتيتك، فإذا استطعت حماية انتباهك، فقد سبقت 90% من منافسيك. العزلة احيانا تكون معمل للأفكار الكبرى. 🔁

خطوات بسيطة اذا طبقها يقدر يطلع من فخ المنافسة بالاسعار 1- يعمل جلسات مع اهم و اوفى عملاءه (العميل الوفي يفضفض لك عادي) و يعرف منهم ليش هم يشترون منه 2- الكلام اللي رح يقولوه العملاء هذول كلام من ذهب سجله و ركز فيه و اسمعه كذا مرة بتركيز و تمعن لانه رح يكشفلك الاسباب اللي تخليهم يفضلونك على الغير (باختصار ليش يتركون منافس سعره اقل و ياخذون منك) لانه بكل سوق في ناس اسعارها اقل 3- اذا عرفت هذه الاسباب ابدأ باختيار اقوى سبب منهم و حوله الى ميزة تنافسية رئيسية لمنتجاتك و ارفع السعر رح تلاقي انه في ناس في سبيل الحصول على هذه الميزة مستعدين يدفعون اكثر . و لا يزعجك انه بعض الناس يرفضون لانه ما في منتج في الدنيا صمم عشان يبيع لكل الناس . المهم عندك فئة مستهدفة تلبي لها احتياج معين و تدفعلك مقابله جيدا

الرمح ⚓️غالي والفريسة دبابة🪰 هذه تطلق على اي مشروع تجاري يبيع بسعر اقل من السوق ويعاني من الأرباح اذكر كان صاحب متجر عطور وتجميل أخذ من عندي استشارة مبيعاته تتجاوز ٥٠ الف ﷼ شهريا وأرباحه ما تزيد عن ألفين ريال بالشهر وكان نموذج عمله دروبشوبنج حللنا التكاليف والأسعار واكتشفت انه يخسر 🥲 عطيته حل واحد من اثنين اما يستهدف هامش ربح بين ٢٥٪ و ٣٠٪ او يقل المتجر لان استمراره على هذا الوضع يعني خساير اكبر حصل الحل الأول صعب واضطر ياخذ الحل الثاني نصيحة من كيسي 💜 فكر كيف تربح ماليا وفكر كيف يربح عمليك من خلال القيمة اللي عندك وبعد امتلاك منتجك

@Muatth_art حسابات السوشيال ميديا هي واجهة محلاتك الالكترونية . الحين هل احد يرضى واجهة محله عالشارع تكون مكسرة او شكلها اي كلام ؟

حسابك في إكس مو مجرد منصة نشر هو موظف مبيعات يشتغل عنك 24 ساعة المشكلة إنك تعامله كأنه وسيلة تسلية والعميل يعامله كدليل احترافية محتوى عشوائي يعني سمعة مهزوزة وصفقات تضيع منك في صمت العميل اللي يدخل ويشوف فوضى يهرب للمنافس بدون ما يفكر يكلمك الحل في إدارة حسابات تعرف قيمة كل كلمة تطلع لجمهورك الاحترافية هي اللي تبني الهيبة وتخلي العميل يثق فيك قبل ما يدفع السوق ما يرحم اللي يظهر بشكل ضعيف وباهت أمام الناس النجاح عقد موقع يثبت إنك فاهم قواعد اللعبة صح ومسيطر

@saraBusiness2 من فهم الـ Segmentation فهم التسويق

عميلي يشاركني فئته المستهدفه .. اللي هي الكل بالنسبة له انتبه .. هذا أكبر خطأ حدد فئتك المستهدفة ولا تحاول تبيع للكل الجمهور العام ما يشتري

@jamalalfadhli البراند هو اكثر ميزة تنافسية ما تكلفك شي. يعني حتى العميل يوم يجي يقارن بين الخيارات ممكن يختار الاغلى لانه براند

في السوق كل مازاد حجم المبيعات وقوة المنافسة زادت الحاجة إلى بناء علامة متجر حجمه صغير مبيعاته لا تتجاوز ٢٠٠٠﷼ شهريا حاجته إلى بناء العلامة اقل بكثير من مشروع مبيعاته تتجاوز ٢٠٠٠﷼ يوميا متجر بسوق غير تنافسي ومبيعاته كبيرة يحتاج إلى بناء علامة ايضاً حتى لا يتعرض إلى تهديد من دخول منافسين جدد ويخسر حصته السوقية المصدر كيسي 💜

@dr_amfal على كل مواطن سعودي ان يحمد الله على نعمه لانه مو كل بلد المليون فيها يسوى شي . في بلدان مو بعيدة المليون فيها ما يشتريلك حتى باكيت مناديل الله يكرمكم 😅

ليش المليون كان ولا يزال رقم رنان وسحري خصوصاً في عالم المال ..؟! ١) لأنه أول رقم (يحسسك بالثروة) قبل المليون، الأرقام تكون استهلاكية (راتب، مصاريف) بعد المليون، تبدأ تفكر: كيف أحافظ عليه؟ كيف ينمّي نفسه؟ ٢) بداية قوة التدفق النقدي إذا استثمرت مليون بعائد بسيط ٥٪ سنوياً: → يعطيك تقريباً ٥٠٬٠٠٠ ريال بالسنة (≈ ٤٬١٦٦ بالشهر) هنا المال يبدأ (يشتغل) من أجلك حرفياً وليس العكس. ٣) حاجز نفسي صعب أول مليون هو الأصعب دائماً لأنك: • تبني فيه عادات • تتعلم فيه الانضباط • تغلط وتصحح بعده؟ الطريق غالباً يصير أسهل. ٤) مقياس للانضباط أكثر من الذكاء عند الوصول إليه بجهدك، فهو غالباً ما يحتاج عبقرية ❌ فقط يبغاله: • إغلاق تسرباتك • استمرارية • نظرة استراتيجية بعيدة ٥) يغيّر خياراتك بالحياة ويمنحك: • أمان نسبي • قدرة على قول (لا) • مساحة تجربة (مشروع، استثمار)

@saraBusiness2 اتفق مع فكرة انه لازم يكون في ميزانية ثابتة مستمرة للاعلانات و الترويج لانه اللي ما يعلن يختفي اسمه وسط زحمة اعلانات المنافسين و ينمحي من الذاكرة

مررره أعرف إن المشاريع إذا صرفنا عليها و اهتمينا فيها راح تكبر صدقوني مو حظ أو إعلان عند مشهور ركز على الحملات الممولة

المشروب اللي قدر هزم إمبراطوريات #بيبسي و #كولا ! 🥊🚀 تعال أحكيلك وش سووا بالضبط.. معروف إن بيبسي وكولا صعب تنافسهم؛ براند جبار، ولاء عالي، وميزانيات تسويق تقدر تطلع أي منافس من السوق. بس اصدقاءنا يوم شافوا المنافسة مرة صعبة قرروا يسحبون المنافسين لملعب جديد و هنا كانت ولادة #ريدبول أشهر مشروب طاقة و تعال اقولك وش سووا 🔹 تغيير "الوظيفة": ما روجوا لأنفسهم كمشروب غازي عادي، 🔹 التموضع الذهني: صار في عقل العميل معادلة ثابتة: (طاقة = ريد بُل). 🔹 لعبة السعر: ما احتاجوا ينزلون السعر عشان ينافسون، بالعكس! نزلوا بسعر "أغلى" بكثير عشان يثبتون انهم مو مجرد صودا. الخلاصة:التنافس مو دايم يعني "سعر أقل". التنافس الحقيقي هو إنك تطلع من الزحمة وتخلق ملعبك الخاص وقوانينك الخاصة. قول لي ايش مجال عملك عشان ادردش معك بأفكار ذكية تساعدك تتجاوز المنافسين بذكاء

المشروب اللي هزم إمبراطوريات #بيبسي و #كولا ! 🥊🚀 تعال أحكيلك وش سووا بالضبط.. معروف إن بيبسي وكولا مستحيل تنافسهم؛ براند جبار، ولاء عالي، وميزانيات تسويق تقدر تطلع أي منافس من السوق. بس اصدقاءنا يوم شافوا المنافسة قرروا يسحبون المنافسين لملعب جديد و هنا كانت ولادة #ريدبول أشهر مشروب طاقة و تعال اقولك وش سووا 🔹 تغيير "الوظيفة": ما روجوا لأنفسهم كمشروب غازي عادي، 🔹 التموضع الذهني: صار في عقل العميل معادلة ثابتة: (طاقة = ريد بُل). 🔹 لعبة السعر: ما احتاجوا ينزلون السعر عشان ينافسون، بالعكس! نزلوا بسعر "أغلى" بكثير عشان يثبتون انهم مو مجرد صودا. الخلاصة:التنافس مو دايم يعني "سعر أقل". التنافس الحقيقي هو إنك تطلع من الزحمة وتخلق ملعبك الخاص وقوانينك الخاصة. خلال اليوم و بكرة اي احد يكتب مجاله انا مستعد ادردش معه بأفكار تساعده يتجاوز المنافسة باذن الله