ياصاحبي واللي خلق نعمة السمع
إنك هـنا بينّ المعاليق ثابت
ماجيت لي صدفه ولا جيت لي رمع
وإن غبت عني فرحتي معك غابت
والدمع هذا اللي تشوفه ماهو دمع
اشعلت عيني لجل اشوفك وذابت
واللي نزل منها على خدي الشمع
ارقد ما دام الشوق فالقلب نابت🩵
سولف الليله على قلبي وناجه
من بقى لي غيرك أفخر به وأباهي
يا بعد من كدّر غيابي مزاجه
ويا بعد من مرّت حروفه شفاهي
رغم حيرة قلبك ورغم إنزعاجه
الزمن ماغيّر احساسك تجاهي
ورغم وحشة بعدك وقسوة سياجه
كل حاجه فيك ظلّت مثل ماهي
الخجل في وجهك أول منتواجه
والبراءه في عيونك وانت ساهي♥️
" عسى لي أثر طيب و مواقف و ذكرى خير
و نفس تنول إللي تمناه .. يا ربي
ولا تبتليني بالسعي في نصيب الغير
ولا تضيّع سنيني و أنا أدور لطبي
وهب لي بصيرة ما توردني التقصير
تميّز قلوب الناس في كرهي وفي حبي
و نورني أشوف الحقيقة مثل ما تصير
أنا أشوف الأشياء مثل ما يشتهي قلبي "