الزهرة ♡ مصممة

تبغون اعطيكم موقعي السري اللي اخذ منه أفكار منتجات رقمية ؟! يعني افكار قوالب وبكجات و أدوات وغيرها 😏💰

مرحبـا مرحبـا يا أصدقاء ريحانة 🤍 قبل ما ندخل شهر رمضان المبارك ونبدأ ضغط الشهر والالتزامات، حبيت أجهز لكم شي يفرّحكم ويضيف لكم قيمة حقيقية ✨ جهزت لكم سلسلة خاصة لمدة 7 أيام ✨ 7 أيام = 7 هدايا مجانية مني لكم 🎁 والمفاجأة؟ 👀🔥 كلها بتكون عن الذكاء الاصطناعي 🤖💡 محتوى، أدوات، أفكار، وأشياء عملية تقدرون تستخدمونها مباشرة وتفيدكم سواء في شغلكم أو مشاريعكم أو حتى تطويركم الشخصي. الله يوفقكم جميعًا، ويرزقنا وإياكم من واسع فضله

قبل ما أبدأ بالسلسلة، أبي أقول شي ومن وجهة نظري وعن قناعة تامة: الذكاء الاصطناعي ما هو إلا أداة تخدم الإنسان، مو تلغي وجوده واللي يقول غير كذا… غالبًا ما قد اشتغل بيده ولا جرّب فعلًا أنا أتكلم عن نفسي وعن تجربة، وشغل ريحانة يتكلم قبل لا أتكلم أنا عنه هل بيجي يوم الذكاء يغطي مكاني؟ طبعًا لا ❌ الذكاء الاصطناعي يقدر يولّد لك صورة،لقطة من فيديو، فويس او حتى فيديو كامل لكن هل يقدر يطلع تصميم نهائي يساوي اللمسة البشرية؟ لا هل تقدر تقنعني إن الذكاء الاصطناعي يضيف خط عربي مضبوط؟ أو يطلع بتصميم عليه لوجو ونصوص متكامل بشكل تساوي لمسة الانسان ؟ الذكاء يعدّل، يسهّل، يطلعك بمخرج أولي… وأنت تكمل شغلك يا عزيزي 👌لا تسمع كلام أحد يقولك انتهى دورك الذكاء أداااااااة، مو إلغاء وجود مثل هنا: أنا ولّدت هذا الكاركتر بالذكاء الاصطناعي النتيجة مبهرة وما أنكر، ووفّر علي وقت كثير لكن؟ أنا عدّلت، أنا أضفت الخط (لأن أغلب المودلات للحين ما تدعم اللغة العربية) وبعدها حرّكته باستخدام الذكاء الاصطناعي وبعد محاولات كثيرة… اضطريت أرجع أعدّل على المقطع لين يطلع بالصورة اللي أبيها فعلًا الخلاصة: كل شي يحتاج لمسة بشرية ✋ والذكاء الاصطناعي بدون إنسان فاهم… مجرد أداة بلا روح