Basil

خلونا نكون صريحين: منتخب المغرب اليوم أغلبه محترفين في أوروبا، يلعبون أسبوعيًا ضد أقوى لاعبين في العالم، وهذا انعكس مباشرة على مستواهم في كأس العالم. عندنا في السعودية لاعب مثل سعود عبدالحميد جرّب الاحتراف في أوروبا وبدأ يبين فرق التطور، لكن باقي المنتخب محلي بشكل كبير!! هل نقدر نوصل لمستوى المنتخبات الكبرى بدون ما أغلب لاعبينا يخوضون تجربة الاحتراف في أوروبا؟ وليش ؟

هذا كلام فاضي يردد من مونديال 2022 ب استثناء كم لاعب، ٨٠٪ من منتخب المغرب هم بالأصل مواليد في اوروبا لأسباب غير رياضية، تدرجوا هناك و تمت تصفيتهم لمصلحة لاعبيين غيرهم. والمغرب جات خذت المواهب ناضجة ومتأسسه وجاهزة بلا مشروع بلا خرابيط.

طبعًا كالعاده مستغربين من قوة وتطور المنتخب المغربي .. يخوان الموضوع بسيط ما يحتاج فلسفة والله .. - ما عندهم لاعب قيمته السوقية ٢٠٠ الف يورو و يشتريه نادي بـ٢٥ مليون يورو - ما عندهم لاعب قيمته السوقية ٢٠٠ الف يورو و يستلم ١٠ مليون يورو بالسنة - ما عندهم لاعب يرفض يطلع لـ اوروبا لان ما بيعطونه ولا ٩٥٪ من راتبه مع ناديه السعودي لا برنامج ولا هياط ولا تاسيس ولا هبد فاضي .. اللاعب يجبر نفسه انه يطلع ويبدأ مسيرته في اوروبا عشان يبني نفسه من الصفر عشان رزقه وعشان يمثل بلده .. تبون توصلون لمستوى المنتخب المغربي ؟ انزلوا لاعبينكم منازلهم الحقيقية .. وتلقاه يشحد اندية بالدرجة الثانية في اوروبا ويبدأ يأسس نفسه صح .

الدرس المستفاد ارسل ورعان اوروبا وبعد خمس سنوات يدعسون لك اي منتخب في العالم مثل ما حدث مع المغرب