ايمان

@nals_a @imary691 اسويها الاتراك يحطون مية قصة احيانا قصة شخصيات مو مهمة في المسلسل فامشيها

@imary691 أتابع تركي مدري كيف أصارحك أني أسوي سكب لدرجة تسير الحلقة ٤٠ دقيقة وهيا ساعتين

محد نجا من التعفن الدماغي إلا حقين المسلسلات التركيه

@kelletters النوم المنظم تنامين في وقته وتصحين معاه عاد اي وقت ينامه مو مشكلة😂

ابوي قاعد يصحي خواتي ويهاوشهم على نومهم المعفن لف علي وقال وانتي الثانيه متى بتعدلين نومك هذا مين ينام المغرب ماني فاهمه. الحين اللي سهرانين ونايمين هالحزه مو عاجبينك وانا اللي صاحيه من الفجر مب عاجبتك برضو وش مفهومك للنوم المنظم

@samb60232 @sarymohd9 @Tryin10x اعترف وحت لشات gpt وشرح لي😂

@sarymohd9 @Tryin10x صف انت و كايد جنب بعض

خالص اعتذاراتي أقدمها لنفسي، ثم للطفلة الي ساهمتُ في انحدار مستواها في التركيز والاستيعاب يوم سألتَها نادلة أحد المطاعم: ?what’s tissue in Arabic فترجمت لها السؤال قائلًا: تسألك وتقول لك: وش معنى منديل بالعربي؟ والمشكلة أنها جاوبت وقالت: منديل

@ThatFatimah الصدق اشوفه طبع اكثر من وضع اعرف موظفات وامهات ومشاكل ما ادري من فين تجيب الطاقة

مرة قلت لصديقتي هذي الملاحظة على سيرة «بعض» ربات البيوت 😬

@amallllll775 لاحظت عندهم يكشخون انا ما ناكل لحم ناكل بس دجاج

يوم من الايام اشتهيت برقر لحم وقلت ما اخليها بخاطري المهم بحثت عن أفضل مطاعم البرقر في بريدة ولقيت مطعم عليه مدح كثير، فقلت يلا نجرب. رحت له.. كان في وحده قبلي عند الكاشير تنتظر طلبها سألتها أنتِ جربتي هالمطعم قبل؟ قالت ايه قلت شرايك فيه ؟ قالت لذييييذ ومره حلو صدق . انا تطمنت، قلت زين الحمدلله 🤍 سألتها ايش اللي جربتيه عندهم ؟ قالت هو بس عنده برقر لحم سنقل ودبل وتربل .. بس حنا بنات ماناكل دبل وتربل ، اطلبي سنقل 🙅‍♀️💞. العيال بس اللي يطلبون تربل !!!! انا علامات التعجب ملت راسي 😂😂 قلت شككو !!!! وشكرتها لاقتراحها . المهم يوم جا دوري طلبت تربل قدامها 🏃‍♂️ والبرقر طلعت فعلاً لذيذة ماشاء الله تبارك الله الله يسعدها كانت طيبه 😂 لكن شكلي طحت من عينها كأنثى ههههههههه بس صدق.. ليش بعض البنات يقيدون أنفسهم حتى بأشياء بسيطة مثل هذي؟؟؟ أمر الله من سعة يابناااات♥️

@skipscene77 @23jwn @yehitsme0 هو فيه ناس متلاعبة تسوي شيء وتجحده فاذا كانت مؤذية اومثلا تخفي اشياء عنكم هذي وضعها صعب

@Emanib2 @23jwn @yehitsme0 ايي بالنهايه اخوات موب مؤذي الحمدلله بس مع التكرار تقل الثقه وغير الجنون من العصبيه ع ان احد يشككني اني اتخيل دايم

تذكرت خطيب اختي عطاها بطاقته وقال لها اشتري اللي خاطرك فيه وهي ما تبي وأصر عليها قامت شرت اغراضها بفلوسها واخذت شي واحد بس وقررت تحاسبها بصرافته عشان خاطره بس وانها اشترت من عنده طلعت مرفوضه

@nab1418_ @xilpi3 كيف علاقتك بابوك مرات نتعامل مع صاحب السلطة نفس علاقتنا مع الاب

@xilpi3 أنا مو بالبيت بالدوام روحي حلوة وخفيفة وارتاح اكثر واسولف من لما المديرة تكون موجودة او قاعدة معانا اكون عكس ذلك تماما مع انها اصغر مني وعسولة مررة وكلهم ياخذون ويعطون معاها عادي بس معرف ليش جسمي لا إرادي يتصلب احتاج تفسير مقنع

من اللي تحس ان طاقتها ترتفع في حاله ان احد غادر البيت او طلع ؟

@skipscene77 @23jwn @yehitsme0 اذا مو مؤذية مشي

@23jwn @yehitsme0 اتوقع انا اكثر وحده افهمككك مره لان دايم تصير لي مواقف مع اختي توعدني وتحلف بعدين انصدم بالجحده الكامله وان كيف صار كذا شكلك تتخيلين

@ucew7 @gianttwings @princesdoctor ماله دخل خفيف او قوي هو معدي والعدوى للكبير تكون خطيرة شوي فالمفترض اعطتهم خبر

@gianttwings @princesdoctor والله العنقز الي كان فيها كان خخفيف والله حتى الدكتور ماجاه شي

اخخ تذكرت اختي رايحه موعدها مع ابوي وكان يسالها الدكتور عن احوالها وكذا وهي تسولف قالت ترا فيني عنقز😚 قام الدكتور نط فجاءه وطلع من الغرفه؟ قال ابوي ترا عنقز مب ايدز خخضخصهصهصصصصص

@IITISOKAY @uiiil57 ردها طبيعي ماله دخل يدخل الخاص يسال عن اوفاتها

@uiiil57 شوفي أنا أشجع بقوة البنات يحطون حدود للزملاء في العمل لكن الاحترام لابد منه ولا تصيرين مُنفرة من الجميع بيجي يوم تحتاجينهم بيقولون لك لا ويمكن يردون بوقاحه وكلنا نفرق بين المحترمه والوقحة حتى تعاملك بيدخلك في علاقات مهنية جيدة يتم توصيتك في مناصب أخرى

صحيح انا النفسيه الي بالدوام

@Nouf_storyline @Engr_A7med اتفق كان عندنا علاقات واسعة ومهارات كثيرة كسبناها

@Engr_A7med شحت كثير والله وخليت كندة تطلع مع صحبتها من المدرسة دايركت للمول و لبيتهم وانا اعرف امها بس مافي فايدة رجعت كنسلتهم ويامن مايقدر حتى يتعرف على احد ويتكلم ويعصب عليا لما اقوله اتكلم ويقولي محنا زيك تتعرفي على اي احد 🙂 والله مافي زي الشارع و الجيران بس ماعادت الثقافة ذي متاحة

من يوم الأطفال انحبسوا في الشقق و صاروا منغلقين عن المجتمع و تكونت عندهم مخاوف و عقد اجتماعية ونفسية لا سطح لا حوش لا شارع ولا اي تفاعل إنساني حقيقي وضعهم غير صحي والله

@kill99h نصيحة اذا جاتك فرصة كويسة اقبليها

عكس الشركات تجيني كثير وبسهوله بس مابيها

على كثر اني مرتاحه ماديًا واهلي مو مقصرين معاي بس شايله هم مستقبلي يرعبني بمجرد افكر فيه ابي اتوظف حكومي تعبت نفسيًا ليه كل شي صعب اوصل له؟ ابي سياره ابي ارض ابي بيت ابي سلاح المرأه هذا اللي تقولونه ماجربته تخ تخ

@Nsomiy23 انت ملاحظة انه مافيه الاصوت واحد حتى موسيقى مافيه

و مستغربين ليش اطفال زمان كانو هادين، ترا جد الكراتين لها تأثير كبير على الطفل

@lemonallemon @Florist_Ha حتى هنا في السعودية لازم مبلغ في حساب ثاني والفترة الاخيرة صرت اخلي معاي كاش

@Florist_Ha مستحيل اسافر بدون فلوس ببنوك مختلفة + عندي بنك دولي، لان مرة بنحاسب بمطعم اسمه تاكو بار، والبطاقات السعودية رفضته!! 😂😂

قمت الصباح وحسابي مقفل في البنك ، .وانا اذكر جتني رسالة قبل فترة ورحت حدثت بياناتي والحين قفلوه مرة ثانية ويوم رحت قال ان البلاغ علي رقمه مدري كم وان لازم اعبي ٧ اوراق مع اثباتات لكل مصادر الدخل حقتك عشان يفكونه ويفكون الفلوس الي فيه مدري ليه جاء ببالي لو كنت مسافرة وتقفل علي؟ كابوس

@Helaleia_HfC الله يحفظهم حبيت حركة العم

اتصلت ام زوجي تناديني اتقهوا عندها قلت اكيد طفشانه وتبي البنات يسلونها تغديت ورتبت بناتي وصلحت معي قهوه ونزلت جلسنا نسولف استغربت م قهوتني قالت اصبري انتظر احد يجي قلت ابشري طلع عم البنات مسويلهم مفاجأه وجايب هديه للنونو لأنه توه جا من الدوام وشافها صراحه حبيت الحركه🥹🩵🩵🙏🏻

@my_teuk @SolimanAlakel لون بسيط ما احد لاحظه

@Emanib2 @SolimanAlakel هل الحناء صبغت بجسمك او تركت اثر لون؟

في عيادة اليوم جتني مريضة مصابة بطفح جلدي صغير في الساعد والساق يشبه قرصات الناموس. فحصته من بعيد وقررت إنه قرصات. بعدين أبلغتني والدتها أنه مزمن ولا يسبب حكة. قمت أعدت الفحص وصورت بالجوال وكبرت الصورة تغير التشخيص تماما إلى التهاب فطري واضح. بحط صورة مشابهة. الحجم أقل من ١سم.

@lavender_26_6 فكرة ساذجة مهما كانت علاقتها بابوها النسبة للام مسيئة حتى لها

في حركة لاحظتها في حفلات التخرج البنات يكتبون على الوشاح (فلانة بنت فلانة) بدلا من اسم أبوها تكتب أمها! لا أحد ينكر فضل الأم ودورها ومكانتها لكن النسب للآباء وليس للأمهات حركة للأسف مع الوقت ستنتشر وتصبح ظاهرة الفخر بالأم لايعني مخالفة شرع الله ولاتزينوا الباطل بالتبرير غير المقنع تقدر الطالبة ترفع لوحة فيها عبارة فخر بأمها لكن تكتب فلانة بنت فلانة!• ••• أنتم ما رأيكم؟ #عجايب

ربي يغفرلها ويرحمها ويحفظ ابنها حزنت عليها شايلة همه حتى وهي مريضة

@jurnalhabertr ربي يغفرلها ويرحمها ويجعل قبرها روضة من رياض الجنة

Bir gencin Mekke’de vefat eden annesinin mezarı başından babasıyla birlikte yaptığı paylaşım: “Kalbimin bir yarısını Mekke’de bıraktım.”