حمود عبيدالله

ماعاد أعرف أتصدد وأعتذر لـ الهجوس لا ستلّ ينهش من الذكرى هناك و هنا أتوق وأرهي على طيفك بكل الطقوس شرهة غيابك تبيها عد ولا غنى .. ؟ عندي سؤالً نهاياته تعجب و قوس لازال قلبك من أحساس الغلا مافنا ! ) ايه أنت ياللي بصدري مالفحتك الشموس من عاد بقعاء جريه و السهوم أزبنا بتعلّمك دروت ؛ الأيام ؛ بعض الدروس وقت الرخى ؛ مايقارن بـ الشقى والعنا محتاج عقلً نبيه يحل حرب البسوس اللي بـ راسي مضاربها مضارب قنا ولايطفي لهيب الشوق و نار المجوس ضلوع صدري بعد غيبتك نار و سنا بعض التفاصيل حلوه لكن أنها تحوس مرارتك لين ما تفقد لذيذ الهنا لاشان وجه الزمن يالفارع العيطموس لا تنذرف دمعتك دامك بوجهي أنا .

اجاهد وامر بجهد كملي انا بجهاد ضروف النشاما دايماً مالها بيمه و لي كم سنه وانا بـ نوبة أرق واسهاد ولا اقنعني الدكتور رايه و تقيمه وانا المؤمن الي عفو ربه ذخره اعتاد وانا الراضي بـ جوده وقسمة مقاسيمه ضروف الزمان تقيد الرجل قيد اصفاد وينطح مقاديره لو ان بعضها وخيمه مقادير وقت تمرنا مرت الحصاد تشيب الدقون وكل شيبه بـ تعليمه لقيت الكرامه والحيا لـ الرجال قناد وكنز القناعه صار للنفس تلقيمه هذي دبرت الدنيا وروتينها المعتاد تخلي البشر شعار كل وادي تهيمه #حمود_عبيدالله