ّ

@k_tflan غفلنا وانشغلنا بالزمن ياربنا رحماك رجعنا خاشعين ولا معانا الا هقاوينا وقفنا عند بابك مالنا مطلوب غير رضاك معاصينا كبار وعفوك اكبر من معاصينا

خامس سنه و انا مضيع بوحي بين الورق و الحبر و القافية امواصلش ما كان من مصلوحي جات المشاعر كلها عكسية جيت اكتبش قصة تلامس روحي و لا وعيت الا اكتبش مرثية انتي عباره عن جميع جروحي و انتي اساس الصحة النفسية - سعيد الدحابيب

حس الفكاهه والشغف والتوناس جميعهم ماعنهم الطير خبر احيان يكسرني من النود نسناس واحيان لاهمّلت كسري تجبر في المجتمع فيني من عناد جسّاس وفي عزلتي مثل الفجيع المصبر ماحدٍ لمح في عيني الضعف والياس على كثر ما اقبل زماني ودبر ان زانت اوضاعي تواضعت للناس وان شانت اوضاعي بديت اتكبر

للوساع السود جيت أعلن ولائي الحكم حكم المظاليل الوسيعة يالجمال المستحيل اللا نهائي الغزل في حضرتك تجديد بيعة سلهمة رمشك تحطّم كبريائي لك تداعى قلب ٍ أسواره منيعه ثغرك الضاحك بلادي وانتمائي ضحكتك عن كل غلطاتك شفيعة - سعود بن مهدي

في كل حزة مغيب اقول يمديني استقبل الشمس بكره من مطالعها الله من الصبر ومن الوازع الديني ومن احترام المشاعر عن تصنّعها ماقلت فيني من الايام ما فيني انا قبيل الظروف الين اسنعها حتى مع اللي غلاها ما يخليني اعذرب خصالها وأشنى طبايعها اليا حداني عليها ما يعنّيني صديت عنها مصدٍ مايرجعها صحيح ماهوب معقول اذخر سنيني لكن بعد ماهو بمعقول اضيعها - مزيد الوسمي

على الصدور الوسيعه والمحبه سلام من تالي الكل ضايق والمفارق كثر ياليلة السبت ، مرينا مرور الكرام ماعاد لـ الضحك فوجيه الاوادم اثر

@turkioll والبقاء، الشرف لي

@_swd01 ي مرحبا يا سعود، شرفّت أخوك

في حال لم تقرأ قصيدة رائعة الآونة الأخيرة، أقرأ ماذا يقول تركي العطاوي هنا @turkioll

@I3jmi0 الحب من ذاق خمره من رعابيبه والله ان يكد النواصي شيب ماتابي - سعد بن جدلان

كل ماضاقت علي شبه الجزيره ودي اخذ صوت ابو نوره واجرّه يوم غنى شرهة العاشق كبيره خذت لي بين السماء والارض فرّه ياهوى بالي ترا الدنيا صغيره والمحبه والعمر والموت مرّه حتى لو ان المفارق فيه خيره انا راضيٍ بالوصل خيره وشرّه

@3jm7_ الو لبّيه يا أغلى من ذبحني قبل عام الفين و مت و لا حييت إلّا على ذكره و طاريه

مُفردة الليله "لبيه" أمتعونا بذائقتكم :

بدا الشاعر اللي نبرة الحزن في مبداه وسلّم يديه لوجه ربّه وناصيته على راس رجمٍ خالي البال ما يرقاه والأنسام تلعب في شماغه وطاقيته وقف وقفة اللي باقيٍ يوم من دنياه ولمح غالي احلام الحياه متعديته رقا بإنكساره .. وإلتفاته .. ودمعه .. وآه وحوّل بضيقه .. وإستماته .. وتنهيتـه نصيبه متاهاتٍ من البؤس والمأساه هذيك متنطحته وذيك متقفيته يوم أن الغلا جزّه بسيفه مع المثناه تقفّاه وقته من خلافه بجنبيته وليفي عساني لو عدمته ماعدمت أرضاه ولا أعدم نباه وميلة القلب ناحيته سقا الله ليالي عوّدتني على لاماه طريقي عليه ووقفتي عند ساريته ليا أمسيت في قطع الخلا ماني بوياه ولا العين شايفته ولا الإذن موحيته الا يا وجودي من فراقه ويا عزّاه وجود الوحيد اللي شريدة عرب بيته هو الله عطاه الصبر عنّي ؟ وانا والله ماخلّي جدارٍ ما تلوّى بزاويته عسى الله يبرّي ذمتي من خطا فرقاه كثر ما انتظرته في الدروب وتحريته تدور السنين وكل ما قدمه يلقاه الايام عجله وأرذل العمر تاليته تعرف المصايب من تحنّه ومن تدراه مثل ماتعرف اللي تروح متوطيته الإنسان ودّه ينحرم من رغد دنياه ولا ينحرم من نور عينه وعافيته - مطلق بن شوية

صديق السهر قرّب لي الدله ام قناد و سولف عليّ الا بـ ذكره و موضوعه يا وجدي على السجّات و الخاطر المنقاد و نسيان شيٍ داخل الصدر و ضلوعه تفاصيله .. اللي كل ليله علي تنعاد و تراحيبي اللي قبلها ما هدى روعه نصاني و مدّ ايديه في غفلة الحسّاد و عجز لا يقول ولا قدر يردع دموعه سعيت و بذلت الجهد لـ اجله ولا الله راد و غدت منّه حبال العلاقات .. مقطوعه اعود المكان اللي يحبّه و هو ما عاد غزالٍ خطى رجله عن الروض ممنوعه عناد الزمان اللي يبي له صبر و عناد سيوف الملامه عن هاك الوجه مرفوعه صديق السهر دوّر لنا بـ البلاد بلاد يسجّ الفتى فيها من الوجد و اللّوعه ابي لي بلادٍ فيه ما ينطقون الضاد و اهلها مافيهم مثل شكله ولا نوعه صديقك جروحه مرمسه و البيوت جداد بيوت القصيد اللي من القلب منزوعه بيوت القصيد .. اللي بلينا به الاجواد اقوله بـ شخص و يلحق الحزن مجموعه اقوله ولا اخشى فيه من هرجة النّقاد عزاي انّه بـ يقرا و بـ ياصل سموعه صديق السهر لعاد تسكت و انا بـ جهاد و سولف .. ترى كل المواضيع موضوعه - بندر الدويش @bdweesh

مريت في البال يا ملح الزمان القديم ليه أنت بالذات لا من ضاق صدري تمر - عبدالله البديري

لـ منادم الليل لو شرّعت حدب الضلوع وأونس بي الحزن ما علمت بـ حكايته بيني وبين الكلام اللي وراء الصدر روع أدفع ثقيل أحرفه ، وأرتاب من غايته في العين من ليلة البارح حنين ودموع وأسماء توارى، وشي يبلغ نهايته أطول مسافه على الإنسان وأقسى رجوع الرجعه لنفسه الأولى ، ولـ بدايته

"كنت أتعمد أن أطيل النظر إليك دون إشاحةٍ واحده، أن أحفظ وجهك ذخيرة لهذه الأيام التي تخلو منك" "حافظ ملامح صورتك..عن ظهر غيب كنّ الله بيسألني في يوم عنها" -صالح بن حمد

انا استودع الله فيك ياقلبي المخطوف وداعة من مسلّم حياته من البارح مع الفارع اللي تجعل السمع مثل الشوف ووجهٍ يرد الجرح من نيّة الجارح تلافح بروحي كنّها ماتعرف الخوف وادوّر مماتي من يديها وانا فارح ولا عاد عندي شي غير انّي الملهوف خذتني سواة الانتباهه من السارح

@llwrel الله

دام في صدر الهواوي شوق يا النفس الطليقه دوري لك عذر في قربي و اجي لك من بعادي في الطريق .. اللي بيوته طين و رسومه عتيقه مستعد اخسر جميع الناس ، لو أخسر مرادي راحم ، الذاوي من الاغصان يومه جفّ ريقه يحسب اني جيت له بالماء ، وانا جيته مفادي كان يبغاني بعد طول الغياب ، اشعر بضيقه جلّ شان اللي عطاني صبر من صبر المهادي ما أنسلب حقي ، و انا عاقل تماشى مع طريقه كيف يوم ابعد عن الادراك و اطغى في التمادي كل صبحً .. ما تعلت خطوتي هامة طويقه مستعد أطبع على صدر السماء حافر جوادي يا العيون .. اللي تحرى بالثواني و الدقيقه واجد ، اللي حاولو قبلك .. و جفلّهم عنادي معدن الالماس لو يطمْعِك في سعره .. بريقه ما طمع بك قلبي ، اللي كنه أثبت من شدادي البشر .. ما الله خلقها تحمل اللي ما تطيقه لا تعادي من تحبه .. لو تحب اللي تعادي ! انت ، مثل اللي يحب الكذب و يعاف الحقيقه لا ادرك انه ما يدل الدرب ؟ يسري فيه غادي لا تحسْب إليا رجعت ، أشبّ في همّك حريقه و ارخص لعينك سهر جفني وابالغ في سهادي لو تعيد .. اللي مضى من بيننا بـ أصعب طريقه مستحيل أستوعب " الملفت " بعد ماصار عادي

يعيش القصيد النخبوي والركيك يموت وأنا أحرص على الأبداع حرّصي على ديني على اللي عليه من الطواريق صمخ بيوت وعذوبة بحور الشعر مسحوب وهجيني عيونه قصايد من مويضي ومن بخوت وصوته حمام ينوح فالمسجد الطيني غرقت بـ بحر حبه غريق البحر والحوت ولادري متى الله مثل ذا النون ينجيني أنا كيف أبنسى والهوى مثل عزف النوت على الشاطي اللي تشوف فيه القمر عيني كسرني غيابه كسر نزار في بيروت وتفجر عليه الشوق وأغتال روتيني

انا لي فالله حسن ضن ورجا وامال كاني اشوف اقدراه البيض قدامي