Eddy-Cl

Mu kiganiro umubingwa yigeze gukora burya yari azi inzira azacamo ya bugufi imugeza kwa jambo... Ubu se bya bigarasha bisakuza aka ka video byakabonye badii? Ibinyagwa bipfa kuvumvura gusa....

🔴 BENE NTARE mu masoko ya CENI. - Hoba hariho isano n'igandagurwa rya Gabby Bugaga ? Inyuma y'ikiganiro FOCODE yatunganije ku wa 26.4.2026 ahavugiwe amabanga atari make ajanye n'urupfu rw'umushikiranganji Gabby Bugaga, umwe mu begereye ubutegetsi yashimye kudusangiza intahe yiwe ku vyamushikiye mu gihe yariko ahiganirwa isoko ryo gusohora amakarata y'itora muri CENI. Kugira intahe yiwe yorohe gusoma, twagiye turayitanga mu duce dutandukanye dufise umutwe watwo. 🔴 Uko nibiwe ibanga ku masoko ya CENI. "Reka ndagusangize intahe yanje ku bijanye n'ivyo muri CENI na dossier ya Bugaga. Jewe ndafise imprimerie moderne hiyo i Bujumbura. Mu minsi haje umuntu ambwira ko yomfasha tukaronka amasoko yo muri CENI. Jewe nca ndamwemerera ko dutangura kuyarondera. Tumaze guhura nabo twibaza ko bodufasha kuronka ayo masoko niho batubwira ingene vyogenda. Isoko twarondera iyijanye no gukora ivyandiko vya CENI (les imprimés), aho naho muravyumvya ko ibihambaye ari ibijanye n'ikarata y'itora be na birya bitabo vyose bikoreshwa mu matora. Amakuru araba menshi ariko tuza kumenya ko isoko bahisemwo kuyimanyurira abantu batandukanye kugira Execution na Livraison bikunde. Aka reka ndagasigure neza. Kubera ko usanga isoko ya CENI ari nini cane, iyo bayiguhaye ur'umwe, uja gusanga amahirwe yo kutayishobora aba ari menshi cane. Amakuru avuga ko, kubera babibonye mu yandi matora ko vyigeze guhakwa gukora ibara, baciye bashiraho ko isoko igaburirwa ama imprimeries atandukanye, gutyo bikaba ibintu binyaruka kandi bitangwa ku gihe. Uko rero nikwo natwe twari dufise icizere ko hazoba abaronka umuce wa 8B, 7B,... Twagira duti : nawenu natwebwe ntituziburamwo. Ikindi gihambaye twamenye ni ibintu vy'ibanga umuntu asabwa kugira aronke isoko. Ubanza kwemera ko habaho igice c'amafaranga kizoja mu mugambwe CNDD-FDD (mu mvugo yacu tuhita muri paroisse). Uremera kandi ko hazobaho n'ikindi gice kizoja ku bihangange vyagufashije kuronka isoko. Twebwe twari twavyemeye hakiri kare kuko dukoze ibiharuro twaguma turonka inyungu." 🔴 BENE NTARE baba barabijemwo ! "Hagati aho nari nsanzwe ngize imisi ndondera isoko ry'bintu vya décor na fourniture mu rwego rumwe rw'igihugu ntashimye kuvuga. Ariko nca nsanga ngo ibikorerwayo vyose bikorwa na BENE NTARE. Baba banyimye isoko muri ubwo buryo. Niho rero haduka urukurukuru ko MAWE (Premiere Dame) nawe ivya CENI abijemwo aciye kuri BENE NTARE. Kubera ko ata imprimerie bwegu afise vyavugwa ko azoca abikoresha muri Imprimerie Hope Design (iyi niyo ifise isoko yo gukora utu vignette twa OBR kandi n'isoko bavuga ko irenza imiliyaridi ku mwaka). Ivyuko BENE NTARE ibijemwo vyatanguye kuvugwa muri Nyakanga 2025. Ico gihe vyavugwa ko bariko barondera imprimerie bagura ariko ngo baciye babiheba kubera babona vyoguma vyazanye urusaku. Ivyo babona vyoba ibanga rikomeye ni gukorana na Imprimerie Hope Design canke kubikoreshereza muri Ouganda hama bakabizana nk'ivyakorewe mu Burundi. Imbere gato y'uko Gabby Bugaga yicwa, harabaye inama y'abamaze gufatwa ko bazogaburirwa isoko. (...) hari uwari yambwiye ko atari inama nziza nubwo atazi vyinshi kuriyo. Inyuma yiyo nama (nka deux semaines) nguwo Gabby aba arishwe. Hari amakuru avugwa ko hoba hari n'abandi boba baragiriwe nabi kubw'ino dossier. Gushika ubu sindamenya ivyavugiwe muriyo nama kuko uwo nzi yagiyemwo ndamubajije ashima guhora no kutagira ico yishura. Icizerwa co nuko BENE NTARE ubu ivya CENI bagomba babihabwe atacamira. Ibisigaye reka turindire turabe ico iminsi itubikiye." 🔴 BENE NTARE nibo NTARE ! Iki ni icivugo c'abana b'umukuru w'igihugu ari nabo bakunze kuboneka kw'isonga ry'ibikorwa vya société BENE NTARE. Abana b'abigeme ba Prezida Ndayishimiye nibo baboneka nk'indongozi za BENE NTARE, na canecane uwitwa Ndayishimiye Keza Nevie Quetsia Madeleine, ubu asigaye aboneka nk'umwunganizi (assistante) w'umuvyeyi wiwe mu biro vy'umupfasoni w'umukuru w'igihugu (OPDD). Abegereeye umuryango wa Prezida Ndayishimiye bo bavuga ko BENE NTARE ari société ya Angeline Ndayishimiye aciye ku bana biwe. Niryo shirahamwe rifise amasoko yo gushariza (décor) ibibanza biberamwo amakoraniro ahambaye y'igihugu, haraho bahabwa kwambika inzego zimwezimwe zihambaye z'igihugu, haraho bahabwa gufungurira abakozi b'inzego zihambaye. Iyi sosiyete iri muzo umuryango w'umukuru w'igihugu ukoresha mu kwigarurira amasoko y'igihugu, bikavugwa ko ata n'uwushobora guhiganwa nabo kubera igutsure ca Angeline Ndayishimiye. Umwe mu bigeze kurondera isoko ririmwo BENE NTARE niwe yagize ati : "Ibintu biriko biraba birateye ubwoba. Aha ubu aho udodoye hose uronderayo isoko uza wumva ngo aha ni kwa MERE reka kurabaho. Mu myaka iza tuzosanga yarigaruriye ibisata vyose vy'ubutunzi. Uwutemeye kumukorera ntaco azoba agikora mu Burundi." ------------ 🔴 Iyi ntahe irahuye na bimwe mu vyavuzwe mu kiganiro FOCODE yatunganije ku wa 26.4.2026. Ntidushobora kugirako twemeza ko ibi arivyo umushikiranganji Gabby Bugaga yazize. Nkuko twabivuze mu kiganiro, Gabby Bugaga ntiyari bwasubirizwe mu mabanga yiwe muri CENI (commissaire chargé de la logistique et des fournitures). Abamwishe basize ikarata yiwe ya CENI hafi y'ikiziga. Kumbure nibwo buryo batanzemwo ubutumwa bw'ico bamuhoye. Tubandanya gusaba ko hobaho amatohoza ku rupfu rw'umushikiranganji Gabby Bugaga. Amatohoza y'ukuri niyo yonyene azotomora abishe Gabby Bugaga n'ico bamuhoye. Ikindi kibazo gihambaye hano ni ikijanye n'ubwigenge bwa CENI, naho ata n'umwe vy'ukuri abwemera. Evariste Ndayishimiye ni umukandida wa CNDD-FDD mu matora y'umukuru w'igihugu ya 2027. Umukenyezi wiwe n'abana biwe nibo bazoheza bagakora amakarata y'itora ? Umugambwe wiwe niwo utanga amasoko muri CENI ?

Mundabire ubu burozi bw'amacakubiri