المشمرخ .

كتبت عذب الشعر خلف اسمي المستعار واسمي وهو مستعار اخترت ما يرفعه ماهو تذرّي . . ولكنّ الشعر بـ اختصار من يطلب انه يزيده " قل " ما يجمعه

بعض المواقف ما تبي زود تشخيص ابين من اللي يعتلون المنابر حاولت اسوي لاكثر الناس تخصيص لكن بلاي مكابر اللي يكابر ادوّر الفكات من زحمة خريص لكني القاها على خط جابر الوقت سوّا للمناعير تقليص صارت مساكنهم بطون المقابر والا العفون المروحين المناقيص خلوا وساع البيد كبر العنابر واللي ببالي يعطي الوضع تلخيص هو خابر اللي بالبدايات خابر وجهه وفعله يشبه لحرّة العيص ويحط روحه من كبار الجبابر ما تسترك كثر الكنايات يا نيص لو يستر النقاب بيض الصوابر ما ودي ان الساحة تزيد تنغيص خلوا هجائي شوفوا ابداع @aprvip

@zx_677 الله يذكرك بالشهادة ويجزاك خير

@Qaf_96 تبقى وتحياااا هلا بالرفيق

@ngd70 ياسلااااااام وارحب يا صديقي

كل ما زاد عمري تنقص ايامي والثواني على الانسان محسوبه تاركٍ خلف ظهري باقي حطامي وابني البيت طوبه فوقها طوبه رغبة النفس نوب تضعّف اقدامي والبنادم حياته نوبه ونوبه يوم افكر وش اقصى وابعد احلامي ادري ان الحياه تشابه الذوبه ليه احسّب لجوّالي وهندامي واخر العمر كلٍ يحسب ذنوبه ايه يا نفسي اضحي والعشاء نامي الملذات متروكه ومكبوبه اجذب بكل قوة عروة اسلامي كل ما صارت اللذات مجذوبه متجه صوب ربي منشي عظامي ربي اللي يديّي تتجه صوبه والقصيد ان خلا من ديننا السامي للخلا كل منكوسه ومسحوبه ادري اني مقصّر بآخر اعوامي يالله العفو والغفران والتوبه

@x_m07 وعليك يا شعييييييل 🙏

@ngd70 ياسلام يالمشمرخ ياسلام عليك

@md8ml يا بعد حيي استاذ مدغم وصح الله بدنك

@ngd70 لله درك يا صديقي وصح الله لسانك

استغفر الله ملء السماوات والأرض .

قلبي وجل عقب النيا بالنكوفة اناب يا حظّ الذي قلبه ينوب للي رجيته رحمته والمروفة وسترٍ عن اللي يجرح الستر محجوب ومن شيمة محمّد وهديه ونوفه ومن شكر نوح لفضله وعلم يعقوب وايمان يونس يوم قلّت اسعوفة ومما جبر موسى وما جمّل ايّوب ادعيه كنّي واقفٍ في كفوفه يا رب غير رضاك ماهوب ماجوب وقّفني بحلٍّ يسرّك وقوفه وابليس لا يلقى على قلبي دروب بحماك يصفى من دسايس شفوفه صفو النحاس اللي على النار مربوب وامّي تلقّاها بعينٍ عطوفه وابوي لا تترك على جنبه ذنوب اعرف كلٍّ لا تطوّت صحوفه واستنفرت دوب استر النفس يا دوب عساي لا جتّ الوجيه مخطوفة وجهي بطاعاتك مجمّل ومحبوب مولاي عشت بكرمته ومعروفه لولاه تلقاني على العمر مغصوب مهيوب ما خاشرت خوفٍ بخوفه ولا غير وجهه عند الاخيار مهيوب حنّا مساكينه وحنّا ضعوفه وعزٍّ يغيضه ما لنا فيه مطلوب ولا فيه غيره كاملاتٍ وصوفه اللي جعل بالخلق ميزة وعذروب سبّقت توبة مرّثات الحسوفة وتركت قولة باكرٍ يمدي اتوب ونزّهت ثوبي والعمامة مخوفة من شان يومٍ لا عمامة ولا ثوب

مبروك عليكم قدوم شهر الخير اعاننا الله واياكم على صيامه وقيامه والاكثار من العمل الصالح فيه 🌹

@x_m07 يا هلا بالحاضر الغايب 😁🙏

@ngd70 مرحبا بالغايب الحاضر

ناحت اللي عليها ياصفون السلام والسلامه بعَدها راحت ايامها ول يا قلب صرت تضيع عقب الحمام خابرك تصدم الدنيا بصدامها كانك بسبّة الغيبه عداك الملام ضعت كلي وانا لربوعي حزامها لا تجيب الطواري عندنا يا دهام خل غارب رحولك يقضب خطامها المشاعر مشاعر ما تبي للكلام كم عيونٍ تسولف لك عن آلامها انتظر طيفها مثل انتظار الغمام بدويٍ نياقه طوّل حيامها انتظرته وباقي يوم ويروح عام والسنه يومها يغنيك عن عامها كل ليله يغيب يغيب طعم المنام وكل ليله يجيني مابي انامها

يا ليل لا تسري قبل ما نسرّيك ..

@ab1_dl الله يصح بدنك ومبدع ومشرّف يا عبدالله .

الله يصح لسانك ويبيض وجهك ولا عليك زود يالمشمرخ من طيبك الله يطول عمرك يالحصان

الفارس المقدام شق الطوابير ما حط فالقاموس كلمة تراخي يوم استوت قال اسمعوا يا جماهير هذي تضاريسي وهذا مناخي لو ما يشوف البير يارد على البير ما شفت مثل مصامخه صمخ ياخي ماني مبارك له سواة الشواعير مبروك للرايه وجود الصلاخي

إلى اخوي أبيض الوجه عبدالله عزيز الشلاقي الشمري / المجد له من جيل إلى جيل تحديث من مبتدا الدنيا ليوم التلاقي اليا اعتنوا به محتمين المواريث شالوه فالاعناق بين التراقي من ديرة الجربا ليا راس تثليث غير ونعم للشمري ما انت لاقي لقيت يابو غيث فرقك عن الغيث الغيث ينشف ماه والا انت باقي ما بعد ذكر الله وبعد الأحاديث في كل مجلس غير ذكر الشلاقي .

مطلع الابيات ماله بالقريحة جرّه يوم قفّى اللي عشانه كنت اجرّ ابياتي ليت ما للشعر روح وليتني ما اشرّه كان شعري ما يفكر بالرقيب الذاتي الحنين لماضي الذكرى يجيب الحرّه ياتي اللي ما نبي واللي نبي ما ياتي تضحك الايام مرّه وتعبِس كم مرّه واضحك بوجهي وانا قلبي يعرف الآتي لو قراري صدّره قلبي كفى الله شرّه ما انتصرت ولا قدرت اصد عن رغباتي ضاميٍ نفع الزمان ومرتوي من ضرّه لو يقال النيل نيلي والفرات فراتي من دروس اللي عساني ما اغفل عن برّه اتبعه واشوف خطواته دبل خطواتي طول عمره طال عمره ما تكبّر ذرّه وما صغر بعيون غيري كيف بعويناتي من عطايا الله عطاني جعلني ما اغرّه ومن تعب يمناه شوفوني على مشهاتي يا عساني كل ما اكتب بيت شعر اسرّه لو بيوتي ماهي اكبر هم من دعواتي بيني وبين اكبر آمالي رمال وحرّه والذلول مضمّره وانا عدو خيباتي في علوّ المجد والعليا مثبّت فرّه من رقا للمجد والعليا يشوف اثباتي اصعب الاوقات ما تقدر علي بالمرّه والليالي ما تردّي عزمي وهقواتي الشجاع يصامخ الدنيا وهي مفترّه والذليل تقوده الدنيا وهو سكاتي كل ما اطلّع من اعماق المحيط الدره اسمل انجازي وادوّر فردي انجازاتي تصغر الدنيا وتكبر وسط صدري صرّه لا ذكرت الاخره واكثرت من سجداتي

@ab1_dl عز الله انك ما تقصر عن الهقوه يالحصان كفو وفالك الرايه 👏

القصيدة المتأهلة بأعلى درجة من لجنة التحكيم في مرحلة ال١٥ #شاعر_الراية

@tilwll صح بدنك ويبي يمتعنا بقصيده العذب ان شاء الله 👍

ابشروا بالشعر والعلوم الطيبه عند اللي يقول : قالو جديدك قلت ماعندي جديد لي عن مطارد شرد الصيد دهوّه مدري وش المانع عسى المانع حميد اليا حضر دافع .. حضر قل شهوه واحساسي اللي خبركم ماهو بليد ولاهو عن اجود نخبة السبك سهوه يمكن زهدت بمنبرً ماهو زهيد او زهدونا اللي على الشعر دعوه او انشطنت عن السوالف والقصيد وابطت تنزح غيم الاتعاب صحوه اما الغزل ماشاقني عنق الفريد واما الهجا مالي بمرماه سعوه واما مديح اللي يصيد او ما يصيد صديت عن طرقه مروّه و نخوه واما الفخر عندي من الماضي رصيد ولابي عن المقبل صدود ولا بوه والشعر ذوق وكيف لو كمه يزيد والكيف يكفي منه فنجال قهوه - نجم جزاع الاسلمي

اذكروا الله وصلّوا على النبي ولا تنسون انفسكم ومن له حق عليكم من الدعاء في هذه الساعة الفضيلة .. " ولا تنسوني من خالص دعاكم "