Purely Vibe

العادة السنوية: ايش عندكم هدف أو عادة تنوون تكتسبونها خلال عام؟ * سنرجع إن شاء الله للتغريدة بعد نهاية هذه السنة 1448 👌🏻

عرفت key words حقت خوارزميات منصة اكس: السعودية السعوديين السعوديات السعودي السعودية سعودي سعودية سعودة سعود سعدية سعيد سعد

اكيد انه في ناس جدد في حسابي وما يعرفوني من زمان احب أوضح لكم اني من رواد عيادات الجلديه من ٢٠١٨ وعندي حاله غضب لاني اعتقد اني عديت ال ١٠٠ الف ريال موزعه بين فرعين لعياده وحده و ثلاث عيادات أخرى في إجراءات غلط وتذويب و حقن و تحفيز كولاجين و التهاب فيلر " هيلارونيك اسيد من جيفوديرم و ريستالين " في اول مره يلتهب فيها ضرس العقل عندي وبعدها مع اي سخونه تورم الأماكن اللي قد حقنت فيها وانا عارفه اني ذوبتها إلى تليفات لبقايا فيلر قالوا انه " يذوب " تحت عيني مع انه ذوبته مرات كثير الى فيلر مهاجر ناهيك عن إجراءات الراديوفركونسي اللي صار الحين تذوب الوساده الدهنيه بالوجه يعني انتوا على الأغلب تحسبوني بعييييده عنهم ومستقعده عبط أنا بديت وانا صغيره وياليت حصلت احد يردني

اسلوبها رهيب تحتاج دلة قهوة سعودية و تسمع سوالفها

قد تربيت في بيت نرافق الضيف إلى الباب لكي يشعر بأنه مرغوب ولم نشبع منه ولا من وجوده. لا نغلق الباب خلف الضيف إلا بعد اختفائه من مدّ النظر. لا نغلق المكيف ولا إضاءة المجلس إلا بعد مدة، فمن الممكن أن يعودون (من الممكن نسوا غرضًا لهم). "فما بالك بالناس وبقلوب الناس إذا مرّوا علينا." الأصل دائما غلّاب عند النفوس الطيبة ✨

مرات الواحد مايكتشف قيمة عاداته الا لمن احد يوصفها بطريقه مختلفه عن منظورنا شغلات نسويها دايم بس ما درينا عن قدرها وحلاوتها

ليه تبررون سوء الاخلاق وسوء المعشر؟؟؟

من خلال تجربتي البسيطة، اكتشفت إن كثير من الكلام اللي يدور حول علاج الطفل الداخلي والنبش المستمر بالماضي والجروح القديمة مو دايم يكون مفيد مثل ما يتصور البعض. إيه، ممكن بعض الأشياء اللي صارت لك وأنت صغير تفسر ليش عندك أنماط معينة أو ليش تتصرف بطريقة معينة اليوم، لكن مو كل شيء لازم نرجعه للماضي. كل ما عطيت الماضي اهتمام أكثر، عطيته طاقة أكثر، وصار يكبر في ذهنك أكثر وأكثر وتدخل بدوامة ليش سويت كذا؟ وليش أحس كذا؟ وش السبب؟ وش الجذر؟ لين تلقى نفسك تحفر بحفرة ما لها نهاية. والمشكلة إنك كل ما لقيت سبب، طلع وراه سبب ثاني، وكل ما رجعت لذكرى، فتحت عشر ذكريات بعدها. أنا أشوف إن الماضي ممكن يفيدك كفهم، لكن مو كمسكن دائم، ولا كمكان تعيش فيه لأن بالنهاية اللي يغير حياتك فعلًا مو وش صار لك قبل عشر سنين، اللي يغيرها هو وش تسوي اليوم. الماضي يفسر بعض الأشياء، لكنه مو لازم يحدد مستقبلك والتركيز المبالغ فيه على الجروح القديمة أحيانًا يخليك تتمسك فيها أكثر بدل ما تتجاوزها. الشفاء الحقيقي مو إني أرجع أعيش كل اللي صار، الشفاء الحقيقي إني أعرف وين أنا اليوم، وأتعامل مع نفسي وحياتي من هالنقطة.