Omer Akbar

بہاولپور مدرسہ میں بچے پر شدید تشدد سے بچے کی موت ہوگئی ایک ماں کا لال اس سے بچھڑ گیا ایک باپ کا لاڈلا اس سے جدا ہو گیا بہنوں کا اکلوتا بھائی ان سےدور ہو گیا ڈی پی او بہاولپور نے واقعے کا نوٹس لیا مدرسہ سیل کردیا گیا اور تین درندہ صفت قاریوں کو گرفتار کر لیا گیا ہے

Old map of the region.

Your army killed millions of muslims in Bangadlesh and have been bombing civilians in Afghanistan

آج بلاول بھٹو نے جی بی اور آزاد کشمیر کی پاکستان کی پارلیمان میں نمائندگی کے حوالے سے جو کہا وہ درحقیقت عمران خان دور میں 5 اگست 2019 کو مودی سرکار کے کشمیر کے حوالے سے اقدامات کا تسلسل ہے۔ نیازی باجوہ پر کشمیر بیچنے کا الزام ایک پاپولر disguise تھا۔ درحقیقت یہ ongoing process ہے

مہاجرین کی بارہ نشستیں۔ کشمیر کاز یا سیاسی انجنئیرنگ؟ تحریر: آفتاب احمد گورائیہ آزاد کشمیر قانون ساز اسمبلی میں مہاجرینِ جموں و کشمیر کی بارہ نشستوں کو کشمیر کاز اور مہاجرین کی نمائندگی کے لیے ناگزیر قرار دیا جاتا ہے۔ اس مؤقف میں یقیناً وزن موجود ہے، کیونکہ یہ نشستیں اُن لاکھوں خاندانوں کی سیاسی آواز سمجھی جاتی ہیں جن کی جڑیں ریاست جموں و کشمیر سے وابستہ ہیں۔ لیکن اگر یہ نشستیں واقعی اتنی اہم ہیں تو پھر ان کے انتخابی عمل پر اٹھنے والے مستقل سوالات کو بھی سنجیدگی سے لینا ہوگا، کیونکہ نمائندگی کی افادیت اسی وقت برقرار رہتی ہے جب اس کی بنیاد عوام کے اعتماد پر ہو۔ بدقسمتی سے آزاد کشمیر کے ہر الیکشن میں مہاجرین کی بارہ نشستیں تنازعہ کا باعث بن جاتی ہیں اور یہ حقیقت بھی ہے کہ ان نشستوں پر پنجاب میں موجود حکومتی اثر و رسوخ نتائج پر اثر انداز ہوتا ہے۔ حالیہ دنوں میں رانا ثناء اللہ کی ایک ویڈیو بھی خاصی زیرِ بحث رہی جس میں وہ یہ کہتے سنائی دیتے ہیں کہ “دوسری جماعتوں کی گنتی زیرو سے شروع ہوگی جبکہ ہماری گنتی دس سے شروع ہوگی”۔ ایسے بیانات انتخابی شفافیت کے حوالے سے پہلے سے موجود خدشات کو مزید تقویت دیتے ہیں اور یہ تاثر پیدا کرتے ہیں کہ مہاجرین کی نشستوں کے نتائج پہلے سے طے شدہ ہو سکتے ہیں۔ افسوس کی بات یہ ہے کہ جو حلقے ان نشستوں کو کشمیر کاز کے لیے ناگزیر قرار دیتے ہیں، وہ اکثر ان خدشات اور اعتراضات پر خاموش دکھائی دیتے ہیں۔ اس تنازعہ کا ایک اہم پہلو یہ بھی ہے کہ مہاجرین کی بارہ نشستیں صرف نمائندگی کا مسئلہ نہیں بلکہ آزاد کشمیر میں حکومت سازی پر بھی براہِ راست اثرانداز ہوتی ہیں۔ ناقدین کا مؤقف ہے کہ اگر پنجاب کی حکمران جماعت اپنے سیاسی یا انتظامی اثر و رسوخ کے ذریعے ان نشستوں کے نتائج پر اثر انداز ہوتی ہے تو اس سے وادی اور آزاد کشمیر کے دیگر حلقوں سے منتخب ہونے والی جماعتوں کے عوامی مینڈیٹ کی نوعیت بدل جاتی ہے۔ جمہوری اصولوں کے مطابق آزاد کشمیر میں حکومت سازی کا بنیادی فیصلہ وہاں کے مستقل باشندوں کے ووٹ سے ہونا چاہیے۔ پاکستان میں مقیم مہاجرین یقیناً نمائندگی کے حق دار ہیں، لیکن چونکہ وہ پاکستانی شہری بھی ہیں، اس لیے ایسا انتخابی نظام وضع کرنا ضروری ہے جو ان کی نمائندگی کو برقرار رکھتے ہوئے آزاد کشمیر کے مقامی ووٹر کے مینڈیٹ پر غیر متناسب اثرات مرتب نہ کرے۔ اسی لیے مسئلے کا حل صرف الزامات اور جوابی الزامات میں نہیں بلکہ انتخابی نظام میں اصلاحات میں ہے۔ ایک قابلِ غور تجویز یہ ہو سکتی ہے کہ مہاجرین کی بارہ نشستوں کو براہِ راست انتخابی نشستوں کے بجائے متناسب نمائندگی کی نشستوں میں تبدیل کر دیا جائے۔ اس صورت میں آزاد کشمیر کے عام انتخابات میں ہر جماعت کو حاصل ہونے والی مجموعی نشستوں کے تناسب سے یہ بارہ نشستیں تقسیم کر دی جائیں۔ یوں نہ صرف دھاندلی کے الزامات کا راستہ بڑی حد تک بند ہو سکتا ہے بلکہ مہاجرین کی نمائندگی بھی مجموعی عوامی مینڈیٹ کی عکاس بن جائے گی۔ اگر کشمیر کاز اور مہاجرین کی نمائندگی واقعی اہم ہے تو اس کی ساکھ کو مضبوط بنانے کے لیے انتخابی نظام میں ایسی اصلاحات پر سنجیدگی سے غور کیا جانا چاہیے، تاکہ یہ نشستیں تنازعہ کا باعث نہیں بلکہ اعتماد اور جمہوری انصاف کی علامت بن سکیں۔