HELPER

ہمارا بھائی @Hidepro18plus ہم سے ہمیشہ کے لیے جدا ہو گیا 💔 سوشل میڈیا کی دنیا میں ہزاروں لوگ انہیں جانتے ہیں، مگر ہم اسے صرف ایک اکاؤنٹ نہیں بلکہ ایک مخلص انسان، ایک درد رکھنے والا دل، اور ایک ایسا دوست اور بھائی جانتے تھے جو ہمیشہ دوسروں کے لیے جیا۔ اس نے اپنی زندگی میں پاکستان کے لیے لکھا، اپنے وطن کے لیے آواز اٹھائی، غریبوں اور مظلوموں کے حق میں کھڑا رہا۔ وہ انصاف کے نظریے سے محبت کرنے والا ایک بے لوث انسان تھا۔ اختلافات ہر انسان کی زندگی کا حصہ ہوتے ہیں، مگر جو لوگ اسے قریب سے جانتے ہیں وہ گواہی دیں گے کہ اس کے دل میں اپنے ملک، اپنی قوم اور عام انسان کے لیے بے پناہ محبت تھی۔ اور ایک بات جس کی گواہی ٹویٹر کی بے شمار بہنیں اور بیٹیاں دیں گی، وہ یہ ہے کہ ہمارا بھائی ان کے لیے ایک سیسہ پلائی دیوار تھا۔ اس پلیٹ فارم پر جب بھی کسی بہن یا بیٹی کے ساتھ بدتمیزی، کردار کشی یا ہراسانی کی کوشش کی گئی، وہ ہمیشہ سب سے آگے کھڑا نظر آیا۔ اس نے ہمیشہ خواتین کی عزت، وقار اور تحفظ کے لیے آواز اٹھائی اور کبھی خاموش تماشائی نہیں بنا۔ بہت سے لوگ شاید اس کی چند غلطیوں کو یاد رکھیں، مگر بے شمار لوگ ایسے بھی ہیں جو اسے اپنی عزت کے محافظ کے طور پر یاد رکھیں گے۔ آج وہ اس دنیا میں نہیں رہا تو ہزاروں لوگ اس کے لیے دعائیں کر رہے ہیں، اس کی اچھائیوں کو یاد کر رہے ہیں، اس کے ساتھ گزارے لمحات کو یاد کر رہے ہیں۔ مگر افسوس کے ساتھ یہ بھی دیکھنے میں آ رہا ہے کہ کچھ لوگ ان کے ماضی کی بعض باتوں کو لے کر ہرزہ سرائی کر رہے ہیں، ایسے وقت میں جب ایک انسان اپنے رب کے حضور پیش ہو چکا ہے۔ ہم دونوں بھائی @mansoorlaughs @Laughingskill ہاتھ جوڑ کر آپ سب سے معافی مانگتے ہیں اور گزارش کرتے ہیں کہ مرحوم کے حساب کتاب کو اللہ کریم پر چھوڑ دیں🙏 ہم یہ نہیں کہتے کہ ہمارا بھائی فرشتہ تھا، وہ بھی ہم سب کی طرح ایک انسان تھا، اس سے بھی غلطیاں، کوتاہیاں، جذباتی فیصلے یا تلخ جملے سرزد ہوئے ہوں گے۔ اگر جان بوجھ کر یا انجانے میں اس کی کسی بات، کسی ٹویٹ، کسی اختلاف یا کسی رویے سے کسی کی دل آزاری ہوئی ہو تو ہم اس کی طرف سے دل کی گہرائیوں سے معافی مانگتے ہیں۔ ہم سب انسان ہیں، خطا ہم سب سے ہوتی ہے۔ لیکن ایک انسان کو صرف اس کی غلطیوں سے نہ پہچانا جائے۔ اس کے وہ نیک کام بھی یاد رکھے جائیں جو اس نے خاموشی سے کیے، وہ لوگوں کے لیے جو درد رکھتا تھا، وہ آواز جو اس نے ہمیشہ حق کے لیے بلند کی، وہ ساتھ جو اس نے اپنے دوستوں اور ضرورت مندوں کو دیا۔ آج وہ اس دنیا میں نہیں ہے۔ اب اسے ہماری نفرت، بحث یا الزام سے کوئی سروکار نہیں بلکہ دعاؤں کی ضرورت ہے۔ خدارا، اس کے لیے آسانی اور مغفرت کی دعا کریں🙏 اللہ تعالیٰ اس کی تمام لغزشوں کو معاف فرمائے، اس کی نیکیوں کو قبول فرمائے، اس کی قبر کو جنت کے باغوں میں سے ایک باغ بنا دے اور اسے جنت الفردوس میں اعلیٰ مقام عطا فرمائے۔ آمین۔ اور ہم سب کو بھی یہ یاد رکھنا چاہیے کہ ایک دن ہم سب نے اسی سفر پر جانا ہے۔ آخر میں انسان کے ساتھ صرف اس کے اعمال اور لوگوں کی دعائیں جاتی ہیں۔ اللہ ہمارے بھائی کی مغفرت فرمائے۔ إِنَّا لِلّهِ وَإِنَّـا إِلَيْهِ رَاجِعونَ