,

@Ssrs_94 @2oe_9 @ilee_mt شغاله ويز اير اللحين ؟

@2oe_9 @ilee_mt ويز مباشرة و رخيصة

هذي الصورتين لشقة فندقية سكنت فيها بالشمال الايطالي غرفتين وصاله مع بلكونه من كل جهه تخيلوا ان سعرها ارخص من ارخص غرفه وصاله ب الشفاء فالطايف اقسم بالله جنوووووووووووووون

@Basha2er7 عروسة وبشهر عسل ومكان يفتح النفس تقول لك كذا عشان العين والحسد 😁

بنت عمي اللي تزوجت قبل كم اسبوع تصورلي بالخارج طبيعه لا اله الا الله سالتن وش اسوي قلت والله بالحوش عندي ابريق شاهي قالت ليتني عندك🤣💔💔 لايسمعها زوجها بس يحجز لها عوده لحالها 😅

@Musharrafaa @ALDOBnet اللي يسوق اللي يسار بس الكاميرا عاكستهم

@ALDOBnet انشغاله بالجوال ماخلاه ينتبه ويتفادى الحادث

لا والله تكرم، الحمار الي عاكس واعترض طريقك على فكرة شوارع الرياض مدري ليه في الصيف السيارة تزحلق ماتمسك كانها صابون كم يوم كنت ماشي حول ٧٠ مسكت فرامل السيارة عيت توقف مع ان الكفرات جيدة و الفرامل ممتازة

@istshari1 @CtTweetsME مكتوب ان مكانها مغلق وهي منومة بالمستشفى مريضة الله يشفيها عندك خبر إذا موجوده الان ؟ وجزاك الله خير

@CtTweetsME خذ خويك وفيه حرمة في ابيار الماشي جنوب المدينه المنوره اكتبها في محرك البحث اسمعها طلعه وخذ موقعها وخلها تشوفه.. ولا تتردد الحرمة ذي تشخص وتعطيه العله وش عنده .. تجمل فيه ووده لها واذا ماعرفت توصلها راسلني خاص

#تساؤلات | السلام عليكم … عندي واحد خويي عمره 30 شباب ولافيه إلا العافيه اخر الليل كلاً روح لبيته طلع ينام ومافيه إلا العافيه صحى الصباح مو قادر يوقف ولا يمشي ودوه المستشفى قعد حول الشهر كل التحاليل 280 تحليل في كل تفاصيل الجسم سليمه وايضاً سوو بلازما له والتحاليل تم إرسالها لأطباء ومستشفيات داخلياً وخارجياً والكل بنفس الجواب سليمه آخر حل توصلو له انه يفتحون ظهره يشوفون الحبل الشوكي ولكن بلغوه إذا وافق على العمليه ممكن يمشي بعدها إذا عرفو العله وممكن يبقى مقعد مدى الحياه لان هالحاله نادره رفض وطلع من المستشفى واتجه للشيوخ للرقيه الشرعيه والمساج لانه مبتلئ بسحر 90 في الميه لان لما يسمع القران او يقرأ اوقات ما يقدر يكمل يوقف وبعدها ينام كم ساعه وتجيه رؤيا آخر ما جاه اشخاص من جهتين جهه تقول هذا لنا وجهه تقول هذا لنا واوقات وقت النوم يحس كأن في اشخاص يمشون على ظهره وحتى الشيوخ اللي يجون يرقونه بعضعم واصل معهم وبعضهم كنسل منهم وكذا شيخ كنسل يجي من نفسه من الخوف لان جاتهم نفس الرؤيا انه لا ترقي على هذا الشخص عشان ما نبليك بنفسك او بأولادك بعض الشيوخ بلغوه ما بنجيك بسبب الرؤيا ما بقى إلا شخص واحد يجي بين فتره وفتره يرقي عليه رغم انه جاه نفس الرؤيا فاذا ما عليكم امر اللي عنده علم او مر عليه حاله نفس هالمشكله ينورنا او يعطينا اي طريقه نسعى فيها والله يكتب الاجر لكم جميعاً والمعذره على الاطاله والله يكفينا واياكم الشر والزمو التحصين

@mxm6969 @d7a2febf2f @artabon_sa عيب تكذب الريجيل اي واحد يدخل مخالفاته من تطبيق ابشر بيشوف الصورة طالع خويه لو كان جنبه

@a87737 @d7a2febf2f @artabon_sa غير صحيح يطلع بس صوره السايق فقط اتركو عنكم الكذب والهلس ياخراطين كل المخالفه موجهه لسايق وكذا مره صارت علي مخالفات كثيره موجهه يم أنا فقط ومعي راكب ما أشوفه

يقول صوره ساهر ومامعه احد لكن راجع الصورة وبجانبه " امرأة متحجبة " !! يحلف ان مامعه احد.

@d7a2febf2f @artabon_sa لا ماتحجب تطلع انت واللي جنبك واضحين

@artabon_sa كذاب اصلاً ساهر لما يرسل لك الصورة يحجب اي احد معك يطلعك انت فقط

@alosh_008 @Askmuhami كيف عرفت انها بنت ؟

@Askmuhami لا تفكري فيه واسحبي عليه مدام عطيتيه ورفض ملكع

من الخاص📩 السلام عليكم انا كنت بمحطة وبطاقتي رفضت تدفع وقلت لصاحب المحل اني باخذ غرضي وارجع لك بالمبلغ بعد شوي ووافق لكن لما طلعت راح عن بالي وتاخرت عليه ورجعت له بالمبلغ بعد ساعات حصلته رافع بلاغ علي ورافض ياخذ مني المبلغ ويقول اني سرقته ويطالب مني بتعويض 30 الف ومع العلم حسابه كان 30 ريال فقط. ابي اعرف هل يقدر ومعه حق ام لا؟في كاميرات لكن مدري هل يقدر يسجني او يغرمني ووش اتصرف معاه افيدوني

@yazeedx28 @MohammedAlhajo2 @nothing04040 تطبيق سلم الرواتب

@MohammedAlhajo2 @nothing04040 عفوا وش التطبيق اللي فاتحه انت؟ بشوف هالبدلات

فيه تخصص طبي عندهم بدل واحد يوصل ٩٠ الف ريال سنوياً للإستشاري ماشاء الله تبارك الله .

@_2gua @o2bv0 @bdalalh89161027 @Fhed6G وين ب ١٨٠٠ بالله ؟ واي نسخة

@o2bv0 @bdalalh89161027 @Fhed6G الجديد ١٨٠٠-٢٠٠٠ بلا سواقه

أبشر صار يمديك تقسط سيارتك المستعملة في خدمة جديدة في منصة أبشر إذا جيت تشتري سيارة مستعملة تقدر تمولها بعد ما يتم الموافقة على طلب المبايعة عن طريق منصة ضامن الي وفرت الخدمة بالتعاون مع تطبيق وكاد تطبيق وكاد طريقته يوفر لك عروض من جهات تمويله مختلفة عشان تستكمل طلب التمويل

@AbuJojo @3ebs__ امي ابوي عماني خوالي اكيد لكن ام زوجتي مستحيل احب يدها

@3ebs__ والديني ، خوالي عماني ام زوجتي ماشوف فيها حرج الجوهرة ما اعطيها الشيء لين تبوس يدي وراسي 😝

سؤال لك كوالد ومولود: هل تجد حرج في تقبيل يدي والديك في ملأ، أو ذريتك يقبلون يدك في ملأ؟ سبب السؤال: ناس من جيل معين يجدونه استعبادًا ودقةً قديمة

@Aut_is3 @Tariq2011Tariq @Askmuhami لا هو كل اللي قاله يغثهم زي ماغثوه + ١٠ سنوات عايش مخدوع بيوم وليلة يصدم عيشتهم هم وبنتهم ويقهرهم 😁 كلام طارق ماهو تخييب ابدااااا

@Tariq2011Tariq @Askmuhami شغلك هذا شغل تخبيب على فكره .. الرجال من كلامه أصلا خفيف و نفسيه تجي انت و تزيد الخطب ليش ! المسلم من سلم المسلمون من لسانه ويده ! و انت ما قصرت قاعد في نص صالة بيتكم و تخرب بيت اللي يدور الهم .. اسال الله ان يرزقك مشكله مثله عشان يجي احد يحوس بيتك و تفهم معنى التخبيب

من الخاص📩 السلام عليكم سؤال لو تكرمتم زوجتي في السنوات الأولى من الزواج بعد بنت وولد استخدمت حبوب منع الحمل فترة(لا أعلم كم مدتها ) ثم جت بنت ثم استخدمت لولب منع حمل ثلاث سنوات، والله وتالله وبالله كل هذا لا أعلم عنه إلا بعد مدة وانصدمت لم تشاورني به، اقسم بالله العظيم أن ألمه في قلبي إلى الآن بعد مرور عشر سنوات تقريبا، رزقت بحمد الله وفضله بنات بعده بس ألم في قلبي لم ولن أستطيع معه مسامحة زوجتي وأهلها بما فعلوه معي، اكتشفت الحبوب حينما وجدتها ملقاة واستغربتها ثم سألت صيدلي عنها وأخبرني، وعندما واجهت زوجتي قالت أنت ترغب بالحمل وأنا لا أريد ومثله اللولب، حسبي الله ونعم الوكيل. عجزت أتخطا هذه المواقف. ولم يمنعني من الزواج بثانية سوى تراكم الديون وكنت أبني بيت لها وأسعى في توفير حياة كريمة لعائلتي. أحس أني أكره زوجتي وأهلها وأدعي عليهم, الله لا يسامحهم ويأخذ حقي منهم. والله لو صارحتني وأهلها بعدم رغبتها بالحمل لم أكن وقتها تحملت الديون كان أدركت عمري. بعض الجروح لها قصاص ولو بعد حين. وش الحل برأيكم

@tawfir_ayman @TRIK0T0 عادي د ايمن بالنهاية راح تصير استشاري وتقبض مرتب عالي وتعيش حياتك الحياة تبي صبر وكفاح

عشان توصل استشاري تحتاج على الأقل 18 سنة .. والأغلب ينتظر بعدها 5-8 سنوات الى أن يجد رقم وظيفي شاغر (خلال فترة الانتظار يعمل استشاري على رقم وظيفي وبراتب اخصائي) خلال ال 18 سنة الي تدرس فيها عشان تصير استشاري ،، مرحلة البكالوريوس حياتك كلها دارسة عشان تنجح وتيب درجة عالية وتنقبل في البورد مرحلة البورد 5-7 سنوات تشتغل على الأقل 80-100 ساعة أسبوعياً منها مناوبات متواصلة 24 ساعة بدون دقيقة نوم تجتاز كل سنة اختبارات صعبة جدا .. في بعض التخصصات نسبة النجاح 50% فقط في نهاية البورد لازم تجتاز الاختبار ومو أي أحد يقدر ينجح من أول مرة بعد البورد تجلس 3 سنوات على الأقل اخصائي وتاكل على راسك ساعات طويلة جدا في الدوام 80-100 ساعة أسبوعياً

اكتشفت فالمنشن ناس كثير م تعرف مداخيل المتخصصين فالطب سنة الامتياز تاخذ 9000 هذا فقط وانت تتدرب طبيب عام (مقيم) 18000-20000 اخصائي 25000 - 30000 استشاري 40000 - 50000 ترا هذا مسار طبيعي وفالمستشفيات الحكومية فالخاص اكثر وممكن تدبل راتبك اذا تشتغل ف حكومي وخاص فاللي ناوي يدخل طب it’s worth it هذا فقط على الصعيد المادي والاستقرار الوظيفي غير المكانة الاجتماعية غير طريقة تفكيرك اسلوب حياتك اللي بيكون منظم جداً

@FdFdHME رح يارجال تشوفه وتسمع له قبل لاتروح تشوفها تعجبك ويطلع ابوها عله وتبلش 😂 الافضل تروح تشوف وش هو من رجال وينفع تناسبه ولالا

#فضفضه انا شاب نويت الزواج وحصل معي امر واشوف انه غريب نوعا ما على، اهلي راحو شافو بنت على اساس بعدها تصير النظره اذا صار قبول الي حصل انهم موافقين وشافو صورتي قبل كل شي بس والد البنت طلب يجلس معي قبل النظره على اساس يتعرف علي لان الي اعرفه بس زياره الاهل وبعد القبول المبدئي تصير الشوفه لانه مستحيل يعرفني من جلسه وحده واذا بيعرفني صح يسال عني مو يسألني مباشرة انا استنكرت هالشي واشوفه غير مناسب ليه اني اروح واحتاج اراء الناس الي استفيد من ردهم لاني اشوف هالشي فيه تعقيد رأيكم.

@Askmuhami ارسل الحوالات لزوجها قوله كنت بتزوجها واخذت الفلوس وسحبت علي بالعربي خرب عليها الزواج 😁

من الخاص📩 السلام عليكم اتمنى منكم الاجابه قانوينا بدون تجريح تعرفت على بنت كانت موظفه معايا ووضعهم المادي تعبان ووعدتني بالزواج وتم تحويل لها مبالغ كبيره جدا على اساس انها تضبط وضعهم المادي السيئ على دفعات متفرقه حوالات بنكيه ، انا اعطيتها المبالغ على اتفاق معاها انها هتتزوجيني الان قالتلي انخطبت ومافي نصيب ومبالغك طالبني فيها بالمحكمه . سؤالي هو هل الحوالات البنكيه بهذا الوضع ياخذ بها الشيخ ؟ او اني ارفع قضية تلاعب

@0x3z0 عرضت سلعه سعرها الف إلى الف وخمسمية جاني سوداني يقول ب ٣٠٠ ريال قلت لو سارقها ماتسوى بالسعر هذا وزعل مني لان قفلت بوجهه 😂

الموقع هذا أو التطبيق للأسف ما فيه إلا خيارين لا ثالث لهما. الخيار الأول: شخص يعرض المنتج بأضعاف سعره حرفيًا بأضعاف تلقى سعر المنتج 100 ريال وهو عارضه عليك بـ 500 ريال. الخيار الثاني: أنت تعرض المنتج انت للبيع بسعر معقول ويجيك واحد يخسف بالسعر بشكل مبالغ فيه يعني إذا سعر المنتج 500 ريال يعرض عليك 100 ريال. ما فيه حل وسط أبدًا.

@lqi9lp @H22264m @ali__alamri @stccare_ksa على أبراج STC

معصي يا @stccare_ksa ماراح اغير هالباقة ثلاث شرايح وانترنت مفتوح و٢٠٠٠ دقيقة داخل وخارج الشبكة ب 460 ريال وكل مرة مرسلين لي عرض خاص بالله فيه احد عنده افضل من هذه الباقة

@majed_almhl زي حليب الابل تذوق مرارة وحلاوة العشب فيه خصوصاً وقت الربيع واضحه

@tawfir_ayman @q4ffqdzzzh تكتب اعلان والا AD ليش متردد ي دكتور المهم 💵

@q4ffqdzzzh طيب كيف تصرح أنها مادة اعلانية مدفوعة ؟

جاتك مشهورة وتطلب منك تنزل اعلان تبارك لها فيه على حصولها على شهادة الدكتوراة .. وأنت مؤثر وعندك رخصة موثوق للاعلانات وهي موافقة على السعر المعتاد عندك للاعلانات هل توافق ؟ هل تاخذ المبلغ وتبارك لها؟ هل وكيف راح تصرح بأن المباركة لها مادة إعلانية ؟