فَلَك

اكتشفت كل عايله يدورون لعيالهم زوجات صار فيه ازمة مايلقون بسرعة

وش الموضوع اللي تحب تتناقش وتتكلم فيه بشكل مطول ولو ينفتح محد يقدر يسد حلقك

كل مرة أظن فيها إني أطلت سجودي؛ أتذكر هذه المرأة. بعمرة ٢٠٢٤، ما أنساها، رحت الحرم أصلي الفجر، بعدها قعدت شوي وأقرأ أذكاري، اشرقت الشمس، بعدها بشوي بنصلي الضحى. المرة هذي صلت قبلي، وسجدت، وأنا صليت بعدها، وخلصت، وأسولف على أختي، ونسولف، وشوي نقرأ قرآن، وشوي نرجع نسولف، وشوي نرجع نقرأ قرآن، والوقت يمشي. قلبي قرصني، أطالع المرة، للحين ساجدة، ما تتحرك، حتى أختي انتبهت، وسألتني: شكثر صار لها؟ طولت صح ولا يتهيأ لي؟ ورديت عليها: لا والله صج طولت، يمكن ثلث إلى نص ساعة. أول شي فكرنا فيه أنا وأختي، مثل اللي فكرتوا فيه أنتو بعد، فقلبي قارصني، وما ودي أتأكد، وودي أقرب منها وأتأكد، وخايفة وما ودي. إلا يصير هذا الشي؛ اللي ينهي مسيرة التردد اللا نهائية، قامت من سجودها 🥹 بعد الصلاة رحنا لها نتطمن، نبي نتأكد إذا تعبانة أو محتاجة شي، وطلعت ما فيها شي، بس حبت تستغل لحظة قربها من الله، في أكثر لحظة يكون فيها العبد أقرب لربه، أقرب إليه من حبل الوريد. اللهم بارك، هذه المرة مو بس الهمتني، حرّكت فيني واجد مشاعر داخلية، قعدنا أنا وأختي ندعي لها: يا رب إذا كان لها هم فافرجه عنها يا الله، اشرح لها صدرها ويسر أمرها واسعدها وسخر عبادك لها. خلقت عندي تساؤلات: شنو اللي حست فيه واللي وصّل فيها الحال تسجد ما يُقارب النص ساعة قدام الحرم؟ يا رب، أنا ما أعرفها، أنت تعرفها، إن كانت حية فأحيها حياة طيبة، وإن كانت ميتة فارحمها برحمتك وتولها بولايتك.

إذا أعطيتَ الصورةَ عنوانًا مناسبًا فأنتَ فيلسوفٌ بالغُ الحكمة 👌

تجارب الإنسان مع البشر بأنواعهم، تخليه أسرع في تصنيفهم ومعرفة من هم حسب مجموعة الصفات المتشابهة للأشخاص الي عرف حقيقتهم المختلفة عن ما يظهرونه.