Frequence

احب خشمك غلا يابنت ذا الفاطر. وذا من غلا ساسك الي ورث شيباني. ليتك تعرفين كثر الحب فالخاطر. حبك تعدا على القاصي مع الداني. عسى ديارك بسحبٍ وبلها ماطر. واماتك الي غزايز كسب جداني. ((( فريكونس )))🐪✋

- تركنا الهوى ما عاد به للمشاعر غي و تـركـنا الـدروب اللي لهـمّه يـودنّا سمحنا منه لو ان باقي فالانفس شي يـا ليـته اليا مـنّا سمـحنا سـمح منّا #هزاع_الغميسي

جاعل أسمك وسط جوالي " كعّام الصدوف " لا ذكرتك ؟ قمت أشوف الظروف بـ نص عين _ شاعر المعارك فارس الحشار

يازين بعض القصيد زيناااه.

عزالله انه فيّ مكّن صوابه بالنار قلبي هافي الخصر شاويه لاشك ماجا من وليفي هلابه لو هوّ عذابٍ من هوى البال راضيه ياليت منهو بالحلال ألتهابه في ليلةٍ كل القرابه تهنينه

لوّ هو حاول يبا جيتي عني نحوه مير شكوايا على الله يعجّل بـ فرجي صار لي فوق السنه ماحصلي حتى ألوه 📞 بس انا وياه نعوْل عويل الخٌلّجي

ماكل من يقفي … لنا فيه ملزوم ولا كـل من يقرب .… لـزوم ٍ نوّده بعض العرب فقده متاهات وهموم لاغاب عن عينك ملى الكون فقده والبعض الآخر ودك ان غاب لو يوم تسـجد على فرقـاه …. لله سـجده ✍️ #عبدالله_العتيبي

يا صاحبي عمرت لك بين الأضلاع مترامـي الأطـراف قصـرٍ وسيعيـي لو ان عقلي صايبه منـك زعـزاع وحطيت عقلي مثـل عقـل الرضيعـي فارس وسيفـك بالمحبيـن قضـاع أنا اشهد إنـك مثـل عنتـر شجيعـي من يوم شفتك حارت الرجل بالقـاع وقدمك رفعـت يـديّ مثـل المنيعـي عبدالله بن زويبن رحمه الله

بعد منتصف الليل ؛ أعتبر هذا « صبا .. ولا تصابي » يا بصيص آمالي اللي خاب آملها بان شيبي و ذْبلَت زهرة شبابي وانتهى طيش البدايات وجهلها كن أهل ذيك المرابع والمرابي ديرةٍ .. مستفرد الريح بـ نخلها جوها غايم . . و واقعها ضبابي توجع اللي شافها واللي دخلها المطر وهو المطر من حر مابي لو يسمّي فوق كبدي ما غسلها والطيوف اللي ماملّت من عتابي كل يوم تعيد لي .. قصة بطلها لا يزال أجمل ما يكتب في كتابي : " دعوةٍ من قلب و الله ما قبلها " إبتسم لي وابتدت قصة عذابي قال أحبك قلت أنا أحبك دبلها قبل لا يقرا من عيوني جوابي كانت عيونه تقول بشوق قلها يا حبيبي كل ما ضاقت رحابي أذكر وساعٍ .. عليها الروح ولها أنت حلمٍ .. كل يوم يدق بابي مثل ما دق الضلوع اللي نزلها شاعرك .. لا تابعي و لا صحابي لكن إن ما سر نفسه ما خذلها لا يتاجر بـ ( الشعور ) و لا يرابي كل يوم يحاسب النفس بعملها أقرب أحبابه .. هو اللي ما يحابي وأجمل أحلامه هي اللي ماوصلها ودي آرجع من بعد طول إغترابي ياكثر ما أشتقت لـ الديره و آهلها

من لاكسب للمرجله في يمينه يموت ما حصل من الطيب حاجه تجارة الرجال....... عقله ودينه وممشاه بالطوله وضحكة حجاجه وحرصه على فعل الامور الثمينه وبعده عن افعال الردى والسماجه #سعود_عايد_العلوي_الحربي

تبينها من جد .. ولا من خيال ملامحك ملح الحياه ولونها خلي عيون الصقر وعيون الغزال عيونك اجمل من جمال عيونها❣️

علموه إنّي من الأموات لين آشوفه والمفارق ميسمٍ منْه الخفوق معرقا َ َ كل زولٍ غير زوله ماعليه إحسوفه وكل قدرٍ غير قدره لا نزل مايرقا #علمووه

البارحه نومي عن الجفن مشفوع وتواردت قلبي هجوسن عديده طاف السبوع وطاف مع دربه اسبوع ماجا عن الغالي علومن جديده اللي غلاه بداخل القلب مطبوع طبع الحروف الناسخه بالجريده ممنوع هو عني وانا عنه ممنوع عندي قريب وكن داره بعيده حتى تلفون اشقر الراس مقطوع واهله عليه مراقبتهم شديده بناء بقلبي بالغلا بنك وفروع ومع دورت الايام يكثر رصيده اخذت انا وياه بالحب مشروع حتى شعرت ان المحبه عقيده وحل الفراق اللي بالاقدار مدفوع حكم القدر فرق عضيد وعضيده وخيم علي الحزن واصبحت مفجوع وكتبت من دمعي حروف القصيده

لاترتجي من زمانك يكشف أسراره خلّك شجاعٍ يمارا به و يوعد به إنطح سبايب زعلك و ثوٌر غباره رمحٍ يخمّك و لا رمحٍ تهدد به #ذائقة

#بيت_شعر قضينا و قولو له شبعنا من الاعذار مثـل ما نسـيناه يتـعلّم و ينـسانا #هزاع_الغميسي

ماترك فـ الصدر ضيقه وفي راسي شعاف وتل قلبي من عروقه ونومي طيّره غير طيف مايفارق وزول مايشاف وذكريات ٍ لاقبل الليل جاااات مسيّره الفراق جروحه جسام وسنينه عجاف وصاحبه نفسه عن الاجتماع مذيّره #ذائقة

#خطبة_الجمعه بلسان مزيد الوسمي: يا رب لا ترخي لنا في الزمن راس وبوجهك من الغايبه والمخله حنا الرصيد اللي ذخرناه نوماس وجهادنا من دون ملّتك ملّه اليا انجرح من كلمة الحق حسّاس الحق حق ولازم يقال كله ترى الغنى اللي نحسبه عكس الافلاس يمكن يكون افلاس في غير حلّه من زان له في مقعد الذل مجلاس صلوا عليه وكفنوه بـ محلّه مهما يقوم الصبح ويجر الانفاس ميّت لا صار يعيد تكرار ذله الموت موت اللي تحت رحمة الناس ماهوب موت اللي تحت رحمة الله

سرى الليل وانا أرقبك يا بارد الذعذاع و صدري حزين و سيرة النوم مرفوضه ماغير اجتلد و أقوم و أهدّي الأوضاع ورغم الهدو أحس في داخلي فوضه اشك الجبال احيان ماهيب فوق القاع تقول انها بين السراجيف معروضه صدوف الدهر تأخذ من الراحه استقطاع مثل بنك الإنماء يوم يستقطع قروضه أنا فاقد من ضلوع صدري ثلاث ارباع و نفسي من اللي شفت ماهي بـ محظوظه ياوجدي على عمر فقدته و حلم ٍ ضاع ومن ضاع حلمه مستحيل احدٍ يعوضه ياليت الزمن نقدر نسوّي له استرجاع لكن دبرة الله فوق الإنسان مفروضه سمحنا من اللي عايش ٍ جو الاستلكاع و عقليته عقلية الطفل فـ الروضه ما ندري طويل لسان ولا طويل ذراع اليا صار فـ أعراض البشر يعلن عروضه قواعد سلوم الناس من راي و استطلاع عسى من سعى في كسرها ينكسر حوضه اشوف الجفاء يشرى واشوف الجميل يباع وانا اخاف بكره لا يصير الردى موضه :)