حمد بن مشعل

كل ماضاقت مساليـك الحيـااه مالقيت اطيب من علاج السجود يالله اجعلنا من اصحاب الصلاه قبل تجعـلنا من اصحاب اللحـود

فمان الله ياحب وقف ماكمل المشوار عرفنا مفرق الدربين مايحتاج تكميله بقت بس المعزه بيننا ماكن شي صار وصرنا اغراب عقب الود يادنيا من انتي له فمان الله ياقصه غرام واصبحت تذكار صنعها الحب في لحظه ولاكمل تفاصيله

ما مسحت محادثتنا كل يووم اقراها وكل يوم يطيح دمعي لا قريت حروفك يا سقى الله ليلةٍ . . نسهر على قمراها يوم اقول الشعر من جوفي ويدخل جوفك عشت انا وياك بـ اغلا ايامنا واحلاها يوم كنت تزورني ما تعتذر بـ ظروفك كيف رحت مع الجفيّا وانت ما تقواها كيف ترقد عينك الحلوه وانا ما اشوفك !

تراك السيف الأملح ، و راس المال و درعي من ظروف الحياه و بلاويها

وجودي على ارقد و اتهنا بـ حلو النوم و إلى قمت أعيّن ذكريات أمس منمحيّة . يا قلبي لو أن ظروفنا تستحي و تشوم لقيت الظروف القاسية منك مستحيّة . ترا عمري اللي فات كله عنا و هموم يا بكره عليك الله ويش أنت من لحية ؟

يوم قمت أكشف من الوقت الجديد: اسراره زادت بصدري على الوقت القديم: أشواقي

أسافر على متن السحَابة، وأدفّ الريح ورى غربتك وآخر منازلك، وبلادك وأمر الليالي بـ الطواريق والتجرّيح لا جاد الزمان بكل طعنة، ولا جادك أعرفك وأعرف انّك عمر مايبي توضيح يطول المدى؛ ماخانت البيد ميعادك عسى ليلةٍ فيها من الشكّ والتبريح فدى ليلةٍ فيها مجيّك ومعوادك

’ سعـيت فـي وصـالـك وحـاولــت مـايجــي منــي تـقصيـر :')♥

تمالوا وشدوا واتركوني طريح فراش وقفوا بـغرواً تاخذ القلب وش كنها شناحً رقاقً لونها أبيض من الشاش من اطيّب سلالات المغاتير وازيّنها عقبهم وانا مع كل فجر اسبق المغباش اعس الديار الممحله واتزاينها اجي قاعهم واقول حلوى لو انها ماش واجي قاعنا وآكهم ربوعنا منها

ظـروف الزمان الصلف ومصارع الايام يداحم غثاها كـل منعور ومعّرب تحده على الانـكاف مير الـنظر قدام عزومه حـزام وهقّوته رمحً مذرّب وبعد حكته وارهت وجعها وطاح وقام طلع من مغن احداثها كفو ومجرّب وعطته التجارب كرّت خبره عليه وسام وتعيًن بـ ميدان الحياه اكبر مدرّب

صديت عنك والله ودي ارتاح لو كنت من بين المخاليق شفي ما باقي ف عمر الغلا كثر ماراح والحب الاول من زمان متوفي لو ان حبك ل اعذب الشعر مفتاح لكن علينا عيب طرد المقفي نضمت لك شعر الغزل نضم مسباح شعر عن اسراري وشوقي يكفي سلمت لك عقلي وقلبي ب ملواح واحتجت لك بس مالقيتك بصفي

سامحت كل الوجيه وعفت بعض الدروب اللي عليها انثنت رجلي وشاح نظري العمر يمضي وأنا بين الوجل والهروب أخاف أواجه جروحي لاجل ماتنفري لي زاوية كل ماهبت معاها الهبوب ذاب الكِبر من جوانبها وعوَّد طري وعلى كثر ما بقلبي من جروح وندوب يا كثر ما اضحك وكن الحزن مني بري

ليه انا دونك احس إني فقدت الاتجاه الأوادم حولي وكني في وسط المقطعه وليه كل درب ٍ يودي لك يشد الانتباه وليه اشوفك في عيوني الجهات الأربعه ؟

بين الخطايا و التغافل و العفو ! الناس تاهت في مْصافحهم يِدي اللي هقيت انه ردي .. طلع كفو واللي هقيت انه كفو .. طلع ردي

اذكر مره كان فيه شطر في #مسابقه_البيت يحتاج له تكمله يقول: تكسب المستقبل اليا من فهمت الماضي.. قال الشاعر اللي فاز بالتكمله: تكسب المستقبل اليا من فهمت الماضي السهم لابد يرجع خلف قبل إطلاقه عزالله انه مبدع👌

عليك ياللي غلاك الروح متلفها ياللي محلك بوسط القلب نزّالي ㅤ غلاك نفسي عن الخفرات صارفها لو يجمعن لي من اولهن الى التالي ㅤ لك سيرةٍ بالمحبه ما اقدر اخلفها لو هي سبايب سهر عيني وغربالي ㅤ محبةٍ يالغضي بيضٍ صحايفها محميةٍ بالشرف عن هرج الانذالي

حسبي الله على اللي سبب شقاتي اللي سقاني المُر عقب السلسبيل

يـ رفيقي ما ورى الدنيا واهلها طمعه والاماني ما تحقق حلم لـ المتحلّم اجتهد فالدين دام الدين راس السمعه واستعن بالله و خلّك لـ السفر متولّم حض من حول لوجه الله تعالى دمعه وكل ما ضاقت به الدنيا سجد ما كلّم وتدري الخسران منهو في نهار الجمعه اللي ما صلى على وجه الرسول وسلّم

قالﷺ: "في يوم الجمعة ساعة لا يوافقها مسلم وهو قائم يصلي يسأل الله خيرًا، إلا أعطاه". #ساعة_استجابة

والله اللي طرّف الليل والنوم استذار والعيون ارخت هدبها وطاح وليدها ياعيوني كل شيٍّ.. توقعتيه صار ! فكي عقال الملامه وفكي قيدها مرتكب لي غلطةٍ ما يكفّرها اعتذار ماعرف ليه ارتكبها وليه اعيدها ! ملّ قلب ٍولّعته التفاصيل الصغار الظنون ظنونها .. والأكيد اكيدها والقلوب اللي تعرف المنافع والمضار لا شعاها شاعي أهل الهوى ، ياجيدها أدركتني من خذتني جهارٍ من نهار من متاهات المحبه خذتني بـ ايدها بنت من وردوا على الموت شيبان وغمار في تصلفاق الجزيره . . وفي توحيدها خشف ريمٍ ذيرتها البلاجيك القصار حالفٍ لو زان مضرابها ما اصيدها في هواها استعذب الموت واوطى كلّ حار واستظل بشمسها واتفرش حيدها موميٍ بسنين عمري لقصاف العمار بين دنّاقة عزاها وضحكة عيدها من طهارة قلبها تنّبلج شمس النهار ويمسك ابليس العور هامته من كيدها علمتني كيف يضحك على الحلم الزرار وكيف تغفى مفردات القصيد بـ جيدها وعلمتني كيف اغنّي مع الاسماء الكبار قبل اعرف اركّب المفرده على ايدها كل ماغنيتها خلف الاسم المستعار اغمزت لي عينها تدري اني ميدها مايجي عندي للأبيات تقدير و وقار غير لا منها سمعتها وقالت : عيدها

ينبش الماضي ذعاذيع نسناس العصير واتصدد مابغي الناس تدري بـ نحوي صاير صدري جنوبي ونفسي نفس طير والضلوع تلج بالصوت والقلب يعوي لي سنه لاني بداله ولا حالي بخير كن في عيني سحابه وفي راسي دوي من يجرب ونة الفقد فالثلث الاخير والله ان يشرب من الضيم حتى يرتوي