S

أنا على شوفة اوصافك يجيني حماس لبيه يا عرضها اللي ما حقر دقّها شبّعتي السمع لكن باقي أربع حواس والاربع الباقية بعد تبي حقّها .

أنا مهما بلغت من المحبّة والشعور الصبّ أحس إني لين اليوم .. ما حبّيتك كفايه – نايف السراهيد

مريت الأحلام.. من بوابة المسَّتحيل ماكان عندي أمل فأحلامي الممكنة سحايب العمر لا جدباء ولاسلسّبيل والرُوح بدوٍ عطاشى والحنين ألسّنة تعال أعلمك عن قلب؛الشجاع ،الذليَّل والقلّب لا مات؛ يا يدّفنك، يا تدّفنه أيام بصَّدورنا ظلت تحط وتشيل وأيام في صفحة التاريخ متكفنة! خطيّة الدرَّب لا استوحى خطاوي الرَّحيل يترّتل الدمع في نوت الصّبا .. دندّنة سايرت حزني ولا لي غير حزني خليلّ يلعني الخوف من باب الملل وألعنه! هذا أنا .. وإنت في صَّدري مداين نخّيل صلى لك الشوق من كان الولّه مأذنة تعال لو طيّف، وأقطف من غصَّوني دليل..! إن اللقاء تاه في دواّمة الأزمنَّة تعال لو قطرة تغزي خفوقي وأسّيل لو يضمن الليل ترجع لي، أنا مـ أضمَّنه! تمر في البال وورّود المشاعر تميل ياللي معي وين ماهَّب الشعر سوسنة ركايب الدمع .. من هو قال عيني سبيّل؟ دفنت صوت الرجاء في برزخ المسَّكنة

- حزمي بن سعد : لا قام راسي يدّرج فيه .. موضوع مانيب جالس لـ الطواري رهينه عندي حديث الشكل والصنع والنوع اللي ماقد جا له مع الناس : عينه فـ المعرض حسابه له اسبوع مدفوع و أمس العصر نزّلته من السفينه ! كنه من اللولو و الألماس .. مصنوع على هواي و شفّي مصمّمينه رش المطر .. كنه على بديَه دموع غروٍ دموعه غرّقت ( وجنتينه ) ودك .. يغسل طيلة أيام الأسبوع و يمسّحونه من فلوس الخزينه لاحل وقت الفرض و الديره قطوع ودك تيمّم من ( غبار المكينه ) أنا على الطاره و الارسال مقطوع من بيني و بين الهدوّ و السكينه رد الثناء لـ أهل الثناء حق مشروع و اللي يقصر فيه ؟ ديني و دينه يا طيب عين اللي على الطيب مطبوع اللي تشوف العز .. يلمع بـ عينه ! يخضع له الكايد ويمشي معه طوع مثل خضوع البار في ( والدينه ) في كل شي تلقى نهايه و مجموع الا .. الهوى و الماء و مدة يمينه لو يستقر الماء على مفصل الكوع ما يستقر المال في ( راحتينه ) لا رحب بـ ضيفانه أفراد و جموع سمعو صدا ترحيبه أهل المدينه الطيب نابت له على ضلوعه ضلوع لاجل كذا صارت " ضلوعه متينه " من كثر ما راسه على العز مرفوع مافيه أحد يقدر يقبّل ( جبينه )

كل ما عانقت نجمه من نجوم امجادي مرّني طاري سموّك واسفهلّت فكره غايتي قبل ادخل قلوب الاوادم هادي بذكرك وانت الحبيب اللي ينومس ذكره جعلني ما ابكيك وشعور البشر منقادي وانت قدرك فوق وشعوري معك محتكره كل ما حسيت بك عادي تجي متمادي مثل موتي في هواك اللي بليّا سكره

أرفع حجاجك ونار المقبلات اشعمها ماتعودت أنحرف عن وقفتي وأقوالي والله أني لامسي الشطه معك واجهمها وجهك ولا في يدينك مابقى من مالي وقفة(ن) تنفع رفيقي وقفة(ن) ما اندمها لو ما أورث عقبها الا مسبحي وعقالي

في رجا الله ماترجيت « المجاند / والجنابي » كل جهد الآدمي من غير عون الله ؟ خساره جعل ربي ما يبدّي ذنبي .. و يترك ثوابي كثر ما أبدّي على نفسي ونفسي بالصداره « كم قضينا حاجة المحتاج واللي فالمخابي: ما يطفِّي لمبة البنزين —— و يولع زقاره »

أشوفك فالنسيم وفالشجر والغيّم والأطلال مع إنك غبت لا زال المكان فـ حضرتك آهل قديم الود وأيام الصبا والحلّ والترحال أعرفك مثل نظرات الوله في عين متجاهل تمهّل لا تغافلك الليالي والسنين طوال أنا للحين أغني في عيونك وأنت تستاهل

يا فاتنه كل شي ٍ في وصوفك بديع كل ما تمرّين الإستغراب لازم يمر أستغرب إن الضواحك ثلجةٍ ما تميع مع إنّها فالشفايف و الشفايف جمر إن قلتي أبغى الربيع الصيف يقلب ربيع و إن قلتي الصيف لازم يستمر .. يستمر العقل لو عاند وما طاع قلبي يطيع « الأمر لله تعالى ثم إليك الأمر »

" أنا ظلك و أنا كلّك و أنا مشوارك المعهود من أضغاث الحياة القاسيه لأحضان ضحكاتك"

«عن محبة غيره من الناس فضلت أنعزالي احترامً لـ المحبّه و الغلا و ايضاً .. شعوره» — مبارك حمود

خطوا أبلجٍ لا ظلّم الوقت نوّر والله ما عمره قال أنا عنْك معذور وقف معي وقفات ما تنتصوّر ولا بغى مني مجمل و مشكور عليه ردات الجمايل تدوّر و من فوق راسه بيرق النعم منشور ما يجعله دون الحقوق يتهوّر إلا هقاوي راسٍ يشب و يثور

عليك لا تلقى خصومك مداخيّل أحفظ مكانك مثل حفظ الأمانه من حط نفسه منشفة للرياجيل حطوه في وجه الردى والإهانه

سليم الصدر يغلب ذكا راعي التخطيط لو انه غرق .. يطلع وهو في فمه درّه ياحظ الموفّق .. بين الافراط والتفريط بكل الامور تشوف له بالوسط جرّه !

«الله يجمِّل بقاي ويغفر غيابي أن صار لي فالقلوب الطيِّبة مثوى تعمّد الوقت يطوي سيرة أحبابي أكَّد لي أنّ فيه يوم لْسيرتي تِطوى»

«أرهني بالوصل والقرب جعلك ما تهون لا تمادى في سما البعد يا عذب اللّما ما ورى طول المفارق سوى كثر الطعون والمواصل يدمل الجرح ويبل الضما جعل دارٍ ضمّت إخطاك تسقيها المزون جعلها من صادق الغيث شقٍ من سما»

أمي♥️ يمكن ستر ربي وكثر أرزاقي ماهو بـ مِمّا قدّمت يمناي من رفعة ايديها .. ولحّ دعاها وخصّها لي في دجى الظلماي أنا أبخص بروحي وغبرا داري وسريرتي يدري بها مولاي :((