Syed Imran Shafqat

چائے والا کے نام سے ایک کیفے یہاں بڑا مقبول ہے۔ اصل میں وہ دودھ پتی بناتے ہیں۔ ایک انگریز دوست کو وہاں لے گیا کہ تمہارے بزرگ ہمیں چائے کا تحفہ دےگئے مگر اب اس کو ہم نے دیسی بنا دیا ہے، آو پلاتا ہوں۔ وہ ساتھ چلی آئی۔ کیفے والے اونچی آواز میں بھارتی اور پاکستانی گانے چلاتے ہیں۔ کہنے لگی مجھے سمجھ تو نہیں آتا پر انڈین گانے بہت پسند ہیں۔ اسے کہا ہمیں بھی، اردو میں ہیں اس لیے۔ حیرت سے پوچھا کہ انڈین گانے تو ہندی میں ہوتے ہیں، کہا بہت کم۔ کہتی ہے کیوں ؟ جواب دیا کہ ہندی اس قابل ہی نہیں کہ نفیس شاعری کا بوجھ اٹھائے۔ کہنے لگی اب تم میں پاکستانی بول رہا ہے۔ جواب دیا گوگل کر لو۔ یہ اردو ہے۔ اگر بھارتی اردو سنتے ہیں تو کافی دلیل ہے کہ اردو بہتر ہے۔ اتنی دیر میں اگلا گیت لگ گیا جو پاکستانی تھا۔کہنے لگی یہ گانا بھی بہت اچھا ہے۔ جواب دیا یہ پاکستانی ہے اور اردو بھی۔ پوچھا تم لوگ بھارتی گانے اس لیے سنتے ہو کہ وہ اردو میں ہوتے ہیں، جواب دیا کہ بھارتی ہمارے ڈرامے دیکھتے ہیں کیونکہ وہ بھی اردو میں ہوتے ہیں۔ کہنے لگی نیٹ فلکس ہو یا کچھ اور تمہارے ڈرامے یا میوزک اس طرح مشہور کیوں نہیں ؟ جواب دیا کہ ہمارے ملاؤں کے ہوتے جتنا ہو رہا ہے یہ بھی کافی ہے، ان کا بس چلے تو یہ سب بھی ختم کر ڈالیں۔ ہنس کر بولی تم لوگ ابھی تک ملاؤں پر قابو نہیں پا سکے ؟ کہا امریکہ بھی نہیں پا سکا ٹرمپ کی تصویریں دیکھو۔ بولی خدا کا شکر ہے ہم انگلینڈ میں رہتے ہیں، کہا کہ واقعی اس کا شکر ہے کہ درست وقت پر پیدا کر دیا ورنہ دو سوسال پہلے یہ انگلینڈ بھی مشکل تھا۔ خیر، چائے اسے بڑی انوکھی لگی کہنے لگی یہ سوپ جیسی چیز ہے اچھا ہوا تم لوگوں نے اس میں چکن نہیں ڈال دیا 🤠

لاہور میں سرکاری بس(سپیڈو بس) کے عملے کا بچی پر تشدد