MUKASHEMA CLAUDINE

Tout le monde dit 20, mais c'est pas la bonne réponse. Si vous trouvez la solution, vous êtes parmi les 1 % les plus doués.

Ngo “ya nyito?” Ni akumiro! Ubwo Jenoside yakorewe abatutsi niyo unnyeze utyo? Ni ugukina bidakwiye ku bwicanyi ndengakamere bwabaye isi ireba izuba riva. Ni bene ibi bitekerezo nk’ibyawe byatumye: 1) tariki 10 Kamena 2006 Urukiko mpanabyaha mpuzamahanga rwashyiriweho u Rwanda (ICTR/TPIR) rufata icyemezo gihamya ko jenoside yakorewe abatutsi ari FAIT DE NOTORIÉTÉ PUBLIQUE bisobanuye ngo ni IHAME MPUZAMAHANGA RIDASHOBORA KUGIBWAHO IMPAKA. 2) Tariki 16/4/2014 Inama y’Umuryango w’Abibumbye ishinzwe amahoro ku isi irabishimangira mu cyemezo No 2150. Inemeza ko ubuhakanyi bwayo ari icyaha buri gihugu kigomba guhanira. 3) Tariki 26/1/2018 Inteko rusange y’Umuryango w’Abibumbye yatoye umwanzuro ko imvugo igomba gukoreshwa ari JENOSIDE YAKOREWE ABATUTSI MU RWANDA MURI 1994. Icyo cyemezo cyakosoraga inyito yakoreshwaga na bamwe bavugaga ko ari Jenoside yabaye mu Rwanda. 4) Kuva 2003 kandi tariki 7 mata Umuryango w’Abibumbye wemeje ko Tariki 7 mata ari UMUNSI MPUZAMAHANGA WO KUZIRIKANA JENOSIDE YAKOREWE ABATUTSI MU RWANDA. Bikorwa buri mwaka ndetse hari n’ibihugu byashyizeho ko uwo munsi ari uw’ikiruhuko ngo kuwuzirikana bihabwe umwanya ukwiye. 5) Tariki 1/5/1998: Kambanda Jean ubwe wayoboye Guverinoma yakoreye abatutsi jenoside yanditse inyandiko y’ibyaha yemera yakoze ubwe muri 1994 n’ibyakozwe na guverinoma yari ayoboye, icya 1 acyandika atya:”Jean Kambanda nemera ko muri 1994 habayeho umugambi wo gutsemba abatutsi b’abasivile mu Rwanda, Guverinoma nari nyoboye n’ingabo zayo na jandarumori zikaba zarawushyize mu bikorwa guhera kuwa 7 mata 1994.” Abashaka gukomeza bapfobya jenoside yakorewe abatutsi yabaye ku mugaragaro barata igihe. Ukuri ntigukurwaho n’ikinyoma kandi guca mu ziko ntigushya.