Sabitlenmiş Tweet
لوگ کیوں نہیں نکلتے؟
یہ مضمون مثبت تنقید کے طور پر پیش کیا جا رہا ہے، جس کا مقصد پارٹی کی بہتری اور اس کی تحریک کو مضبوط کرنے کے لیے رہنما اصول فراہم کرنا ہے۔ اس کا ہدف کوئی فرد یا گروہ نہیں، بلکہ ایک اہم مسئلے اور اس کی راہ میں حائل رکاوٹوں پر روشنی ڈالنا ہے تاکہ اجتماعی کوششوں سے پارٹی کے مقاصد کو حاصل کیا جا سکے۔ بنیادی سوال یہ ہے کہ “لوگ کیوں نہیں نکلتے؟”
رکاوٹ:
پارٹی امور پر وکلاء کا غلبہ اس وقت عمران خان کی رہائی، پی ٹی آئی کی سیاسی حیثیت، اور کارکنوں کی عملی سرگرمیوں کے فقدان میں سب سے بڑی رکاوٹ ہے۔ پی ٹی آئی کا بیانیہ نہ بننے، عوامی نمائندوں، نچلی سیاسی قیادت، اور پارٹی کارکنوں کے متحد نہ ہونے کی بنیادی وجہ پارٹی امور میں سیاسی افراد کی غیر موجودگی ہے۔
اگر سیاسی رہنما اور کارکن عملی تنظیم سازی میں شامل نہ ہوں گے یا ان کی رائے کو اہمیت نہ دی جائے گی، تو وہ کس طرح بیانیہ تشکیل دیں گے؟ اسمبلیوں میں بغیر بیانیے اور ایجنڈے کے وہ کیا بولیں گے؟
جب ہر سطح کی کور کمیٹی بغیر مشاورت کے غیر ہم آہنگ امور چلا رہی ہو، اور جن نمائندوں کو عوام نے ووٹ دیا انہیں ان کے حلقوں میں تنظیمی معاملات سے الگ کر دیا گیا ہو، تو عوام کے ساتھ سیاسی رابطہ کیسے قائم ہوگا، اور وہ سڑکوں پر نکلنے کے لیے کیسے متحرک ہوں گے؟
حالیہ مثال:
یہ صرف ایک حلقے کی نہیں، بلکہ پورے صوبے کی مثال ہے۔ عالیہ حمزہ کو پنجاب کور کمیٹی میں شامل نہ کرنے کی کوئی معقول وجہ سمجھ نہیں آتی۔ اس فیصلے کی وجہ جاننا اہم نہیں ، لیکن اہم بات یہ ہے کہ وکلاء کبھی بھی سیاسی حلقوں یا علاقائی سیاسی معاملات کو پوری طرح نہیں سمجھ سکتے۔ وکلاء جو لیوریج پارٹی پوزیشن کے ذریعے عدالتیں میں حاصل کرنا چاہتے تھے، وہ اب ممکن نہیں، کیونکہ عدالتیں تقریباً غیر فعال ہو چکی ہیں۔ عالیہ حمزہ کی مثال سب کے سامنے ہے، کوئی اس سے اختلاف نہیں کر سکتا کہ انہوں نے عملی طور پر کارکنوں میں جوش پیدا کیا جس سے کارکن سڑکوں پر نکلے۔ لیکن ہمیں یہ عمل ہر حلقے میں دہرانا ہوگا۔ جہاں سیاسی قیادت کا تنظمی رابطہ موجود نہیں، وہاں کارکنان آپس میں اختلافات اور ناراضیوں کی وجہ سے ایک دوسرے پر الزامات لگا کر وقت ضائع کر رہے ہیں۔ جو کہ اکثر سوشل میڈیا پر نظرا تا ہے جبکہ دوسری طرف، وکلاء نہ تو عدالتی معاملات پر توجہ دے پا رہے ہیں اور نہ ہی سیاسی رہنما و کارکن یوسی اور حلقے کی سطح پر متحد ہو پا رہے ہیں۔ نتیجتاً، صرف شور بڑھتا جا رہا ہے، جبکہ عمران خان جیل میں ہیں۔
وقت بہت کم ہے۔ پارٹی کو فعال کرنے کے لیے ذمہ داریاں تقسیم کی جائیں، تمام اختلافات بھلا کر سب کو متحد کیا جائے، اور ہر ایک کو اس کے مناسب کردار کے مطابق ذمہ داری سونپی جائے۔ اگر ایک ناکام ہوا، تو اس کے پیچھے دوسرا کھڑا ہوگا۔ پی ٹی آئی ایک عظیم اور جذبے سے بھرپور پارٹی ہے۔ عمران خان کے جذبے کو نچلی سطح تک فعال کرنے کے لیے پارٹی امور سیاسی رہنماؤں اور کارکنوں کے حوالے کیے جائیں۔
وقت گزر جائے گا، موقع دوبارہ نہیں ملے گا، اور شاید حالات اس سے بھی بدتر ہو جائیں، یہاں تک کہ شاید عمران خان سے ملاقات اور مقدمات کی پیروی کے لیے وکیل بھی نہ فراہم کیا جائے۔ روز بروز نظام تحریک کو مزید مفلوج کر رہا ہے۔ اگر سڑکیں گرم کرنی ہیں، تو کارکنوں کو جگہ دیں۔ اس سے نہ صرف راستہ ملے گا، بلکہ عوام کو بھی طاقت حاصل ہوگی۔ کون اچھا ہے یا برا، یہ اللہ اور پارٹی کارکن خود دیکھ لیں گے۔
اگلے ہفتے 9 مئی کے مقدمات میں سزائیں سنائی جائیں گی۔ بہت سے لوگ سلاخوں کے پیچھے جائیں گے۔ اگر راستہ نہ دیا گیا، تو عمران خان سمیت پارٹی کارکنوں پر پہاڑ ٹوٹ پڑے گا۔
یہ کوئی بحث نہیں ہے۔ اگر متفق ہیں، تو یہ پیغام تمام موجودہ لیڈر شپ اور سب تک پہنچا دیں۔ اگر نہیں، تو معذرت، شاید اپنی بات واضح نہ کر سکا۔ آخر میں سب کا شکریہ۔ اللہ تعالیٰ عمران خان، پاکستان، اور ہم سب کا حامی و ناصر ہو۔
#MinusKhanAbsolutelyNot #imrankhanPTI #ImranKhan #Pakistan
اردو
