چوہدری عامر وڑائچ

آج پھر ایک ننھی کلی مسل دی گئی۔ صرف تین سال کی کلثوم جس کے ہاتھوں میں کھلونے ہونے چاہیئے تھے، آج اس کے وجود پر تشدد کے نشان تھے۔ جس کی زبان پر توتلی دعائیں ہونی چاہیئے تھیں، آج اس کے لیے دعائیں پڑھی جا رہی ہیں۔ سوچئے... ایک تین سال کی بچی سے کسی کی کیا دشمنی ہو سکتی ہے؟ وہ کس کا کیا بگاڑ سکتی تھی؟ اس کی چیخیں سن کر بھی اگر کسی کا دل نہ پسیجا، تو پھر وہ انسان نہیں، چلتی پھرتی درندگی ہے۔ ہم ہر ایسے واقعے پر چند دن غم مناتے ہیں، چند پوسٹس لکھتے ہیں، چند ہیش ٹیگز چلاتے ہیں... پھر خاموش ہو جاتے ہیں۔ اور اسی خاموشی کے سائے میں اگلی کلثوم، اگلی زینب، اگلا معصوم شکار بن جاتا ہے۔ اگر ایک معاشرہ اپنی بچیوں کو محفوظ نہیں رکھ سکتا تو اسے ترقی یافتہ کہلانے کا کوئی حق نہیں۔ کلثوم اب واپس نہیں آئے گی مگر یہ فیصلہ ہمیں کرنا ہے کہ ہم اس خبر کو بھی صرف ایک اور خبر بننے دیں گے، یا انصاف، احتساب اور بچوں کے تحفظ کے لیے واقعی آواز اٹھائیں گے۔ کلثوم کے قاتل کو ایسی سزا ملنی چاہیے کہ آئندہ کسی درندے کے ذہن میں بھی کسی معصوم بچے کی طرف میلی نظر ڈالنے کا خیال پیدا نہ ہو۔

🇬 🇴 🇴 🇩  🇦 🇫 🇹 🇪 🇷 🇳 🇴 🇴 🇳  سچ تو یہ ہے کہ سرائیکیوں کا ٹیکس سرائیکی وسیب پر لگانے کےبجائے تخت لاہور کی ترقی پر لگایاجاتا ہےیہی وجہ ہےکہ سرائیکی سماج کےنوجوان بےروزگاری کا شکار ہیں اسلئے سرائیکیوں کو وسیب کے اضلاع پر مشتمل علیحدہ #صوبہ_سرائیکستان چاہئے #قومی_زبان