#ठाणे_पोलीस_दलाची_लक्तरे_वेशीवर! #कोणगावच्या_लेडीज_बार_मध्ये_अश्लील_नंगानाच; #डीसीपी_बोराटे_आणि_पीआय_म्हस्के_हप्त्यांच्या_गुंगीत? ठाणे (विशेष प्रतिनिधी): एकीकडे ठाण्याचे पोलीस आयुक्त आशुतोष डुंबरे हे गुन्हेगारीमुक्त ठाण्यासाठी कंबर कसून मैदानात उतरले असताना, दुसरीकडे त्यांच्याच नाकाखाली ठाणे पोलीस दलाची प्रतिमा मलीन करण्याचे काम काही 'खाकी' वर्दीतील पांढरपेशी अधिकारी करत असल्याचे धक्कादायक वास्तव समोर आले आहे. कोणगाव पोलीस ठाण्याच्या हद्दीतील लेडीज बारमध्ये सुरू असलेला अश्लील धिंगाणा आणि 'नंगानाच' पाहून आता सर्वसामान्य नागरिक संतप्त सवाल विचारत आहेत– "साहेब, सरकारचा पगार पुरत नाही की बारमालकांच्या तुकड्यावर पोलीस दल लाचार झाले आहे?" #तक्रार_देऊन_८_दिवस_उलटले_तरीही_खाकी_ढिम्मच! कोणगाव हद्दीतील 'लाईव्ह ऑर्केस्ट्रा'च्या नावाखाली सुरू असलेल्या या अवैध धंद्यांविरुद्ध लेखी तक्रार देऊन आज आठ दिवस उलटून गेले आहेत. मात्र, अद्याप एकही छापा पडलेला नाही की कोणतीही ठोस कारवाई झालेली नाही. याचे गौडबंगाल काय? तक्रार दिल्यावरही कारवाई होत नसेल, तर याचा अर्थ स्पष्ट आहे की– पोलीस प्रशासन गुन्हेगारांच्या खिशात आहे की काय? डीसीपी शशिकांत बोराटे आणि वरिष्ठ पोलीस निरीक्षक नेताराम म्हस्के हे नेमके कोणाचे हित जोपासत आहेत, असा थेट प्रश्न आता विचारला जात आहे. #हप्तेखोरीचे_रेट_कार्ड_आले_समोर! सूत्रांनी दिलेल्या माहितीनुसार, या परिसरात वसुलीचे एक मोठे जाळे विणले गेले आहे. बीट मार्शलपासून ते थेट वरिष्ठ कार्यालयापर्यंत दरमहा लाखांच्या घरात 'लक्ष्मी' दर्शन दिले जाते. - बीट मार्शल: दररोज २ ते ३ हजार रुपये. - वरिष्ठ पोलीस निरीक्षक (Sr. PI): १.५ ते २ लाख रुपये (प्रति महिना). - डीसीपी कार्यालय: ३० ते ३५ हजार रुपये. जेव्हा कायद्याच्या रक्षकांच्या हातात हप्त्यांची 'रंगीत' पाकिटे पडतात, तेव्हा वर्दीचा दरारा संपतो आणि बारमालकांची गुलामी सुरू होते, हेच आज कोणगावात पाहायला मिळत आहे. #डीसीपी_बोराटे_यांचे_अर्थपूर्ण_मौन_की_हतबलता? डीसीपी शशिकांत बोराटे यांच्या कार्यक्षेत्रात सिंगर बार, लैला बार, देवदास बार आणि किंग्स बार यांसारख्या अड्ड्यांवर दररोज रात्री कायद्याचे धिंडवडे निघत आहेत. तरीही डीसीपी साहेब 'अर्थपूर्ण' मौन का बाळगून आहेत? स्वतःच्या हद्दीत इतका मोठा भ्रष्टाचार आणि अश्लीलता सुरू असताना त्यांना ती दिसत नाही का? की या भ्रष्टाचारच्या साखळीत त्यांचेही हात गुंतलेले आहेत? तक्रारदारांच्या तक्रारींना केराची टोपली दाखवण्याचे धाडस कोणाच्या पाठबळावर केले जात आहे? #रक्षकच_बनले_भक्षक' – बारमालकांचा माज वाढला! "आम्ही डीसीपींपर्यंत सर्वांना विकत घेतले आहे," अशी दर्पोक्ती आता बारमालक उघडपणे करू लागले आहेत. पोलीस दलाची इतकी मोठी मानहानी आजवर कधीच झाली नव्हती. जर पोलीस प्रशासन बारमालकांच्या तालावर नाचत असेल, तर सामान्य जनतेने दाद कोणाकडे मागायची? पीआय नेताराम म्हस्के यांच्या 'नाकाखाली' हे सर्व सुरू असताना ते केवळ बघ्याची भूमिका का घेत आहेत? #डीजी_साहेब_आता_तुम्हीच_या_ठाण्याकडे_लक्ष_द्या! स्थानिक पोलीस आयुक्तांचे आदेश धाब्यावर बसवणाऱ्या या भ्रष्ट अधिकाऱ्यांवर आता खुद्द पोलीस महासंचालकांनी (DG) कारवाई करणे गरजेचे आहे. लेडीज बारवर केवळ छापे टाकून भागणार नाही, तर त्यांना अभय देणाऱ्या डीसीपी शशिकांत बोराटे आणि वरिष्ठ निरीक्षक नेताराम म्हस्के यांच्यावरही कठोर विभागीय चौकशीची टांगती तलवार असायला हवी. ठाणे पोलीस आयुक्तांना सवाल: आयुक्त आशुतोष डुंबरे साहेब, तुमच्या प्रामाणिक प्रयत्नांना तुमचेच अधिकारी सुरुंग लावत आहेत. हे 'हप्तेखोर' अधिकारी वर्दीची प्रतिष्ठा विकत असताना तुम्ही गप्प बसणार की या भ्रष्ट साखळीचा नायनाट करणार? आता प्रतीक्षा आहे ती कारवाईची... की ही बातमी प्रसिद्ध झाल्यानंतरही पोलीस प्रशासन 'हप्त्यांच्या' गुंगीतच राहणार? @ThaneCityPolice @CPMumbaiPolice @DGPMaharashtra @MahaChiefSec @MahaDGIPR @Dev_Fadnavis @CMOMaharashtra @rashtrapatibhvn @mieknathshinde @iYogeshRKadam @AjitPawarSpeaks @anjali_damania @iambadasdanve @advanilparab @iAditiTatkare @nitin_gadkari @AmitShah @PMOIndia @112Maharashtra @iAditiTatkare @RRPSpeaks @AUThackeray
