Sabitlenmiş Tweet
రాష్ట్రంలో 30 ఇండస్ట్రియల్ క్లస్టర్లు పెడుతున్నారు…
కృష్ణా–గోదావరి డెల్టా ప్రాంతానికి మాత్రం కేవలం 2 మాత్రమే.
ఈ ప్రాంతం దాదాపు 40% నియోజకవర్గాలు ఉన్నా కూడా
ఇక్కడ పెట్టాల్సిన అవసరం కనిపించడంలేదు.
ఎందుకంటే…
ఈ ప్రాంతం వాళ్లు పట్టించుకోరనే ధైర్యం.
స్వతంత్రం వచ్చినప్పటి నుంచి ఉమ్మడి ఆంధ్రప్రదేశ్ అయినా, విభజిత ఆంధ్రప్రదేశ్ అయినా—ఒక విషయం మాత్రం స్పష్టంగా కనిపిస్తోంది. కృష్ణా–గోదావరి డెల్టా ప్రాంతాలను ఒక ప్లాన్ ప్రకారం పక్కన పెట్టే ధోరణి కొనసాగుతోంది.
డెల్టా అంటే మొత్తం మూడు పంటలు, నాలుగు పంటలు, అపార సస్యశ్యామలం అని చెప్పే కథలు వింటాం. కానీ నిజం ఏమిటంటే—ఈ జిల్లాల్లో భారీగా మెట్ట ప్రాంతాలు ఉన్నాయి. కాలువలు చివరికి నీళ్లు సరిగా చేరవు. వసతులు లేని భూములు ఉన్నాయి. రైతులు బోర్లు వేసుకుని అప్పుల్లో కూరుకుపోతున్నారు. అంటే మిగతా ప్రాంతాల్లాగే ఇక్కడ కూడా వెనుకబాటు pockets ఉన్నాయి అన్న విషయం ఎవరూ మాట్లాడటం లేదు.
ఇప్పుడు ఇండస్ట్రియల్ క్లస్టర్స్ పేరుతో మరోసారి ఇదే కథ. “డెల్టాకు ఇండస్ట్రీలు అవసరం లేదు” అన్నట్టుగా ప్లానింగ్ జరుగుతోంది. కారణం—ఇక్కడ భూమి రేట్లు ఎక్కువట. కానీ అది కూడా పూర్తి నిజం కాదు. మెట్ట ప్రాంతాల్లో ఇరవై, ఇరవై ఐదు లక్షలకే భూములు ఉన్నాయి. మంచి తోటలు కూడా యాభై లక్షల చుట్టుపక్కలే ఉన్నాయి. హైవే పక్కన ఉన్న కొద్దిమంది భూముల రేట్లను తీసుకుని మొత్తం జిల్లాకి అదే ధర చెప్పడం వాస్తవాన్ని వక్రీకరించడం.
అమరావతి పేరుతో ఈ ప్రాంతానికి భారీ అభివృద్ధి వస్తుందని ఒక భ్రమ సృష్టించారు. కానీ గ్రౌండ్లో పెద్దగా మార్పు లేదు. ఇతర ప్రాంతాల్లో వస్తున్న పోర్టులు, ఫ్యాక్టరీలు, మెగా ప్రాజెక్టులతో పోలిస్తే అమరావతి ప్రభావం చాలా పరిమితమే.
కానీ ఈ ప్రాంతానికి అసలు పెద్ద సమస్య ఏమిటంటే—బయటకు వచ్చి ప్రశ్నించే స్వభావం లేకపోవడం. “ఉంటే ఉంటుంది, లేకపోతే వేరే చోటుకెళ్లి బతుకుదాం” అనే మనస్తత్వం పెరిగింది. ఇంకో పెద్ద సమస్య—కులాధారిత ఆలోచన. మా ప్రాంతం అభివృద్ధి అయ్యిందా లేదా అన్నదానికంటే, మా వాడు అధికారంలో ఉన్నాడా లేదా అన్నదే ముఖ్యం అన్న దోరణి.
ఎవరైనా అధికారంలో ఉన్నా అదే పరిస్థితి—తప్పు జరిగితే ప్రశ్నించే ధైర్యం తగ్గిపోతుంది. ఫలితం ఏమిటంటే ఈ ప్రాంతానికి అన్యాయం జరిగినా గొంతెత్తే వారు ఉండరు. దాదాపు డెబ్బై ఏళ్లుగా మధ్య కోస్తా ప్రాంతం ఇలా సైలెంట్గా నెగ్లెక్ట్ అవుతోంది.
ఇక్కడ ఒక సత్యం మనమే అంగీకరించాలి—ప్రభుత్వాలు చేసి పెట్టింది కంటే మనమే చేసుకున్నది ఎక్కువ. ఈ ప్రాంతం నుంచి వెళ్లినవాళ్లు ప్రపంచం అంతా ఎదిగారు. యాక్వా రంగంలో దేశంలో నంబర్ వన్గా నిలిచాం అంటే అది మన కృషి వల్లే. పామ్ ఆయిల్, కోకో, వ్యవసాయ రంగాల్లో ముందుకు వెళ్లాం అంటే అది మనలో ఉన్న ఎంటర్ప్రెన్యూర్షిప్ వల్లే.
అదే స్పిరిట్కు సరైన ప్రభుత్వ మద్దతు, పరిశ్రమలు, ఇన్ఫ్రాస్ట్రక్చర్ కలిసివుంటే—ఈ ప్రాంతం ఆంధ్రప్రదేశ్ను ఒక పవర్ హౌస్గా మార్చేసేది.
కానీ అసలు సమస్య ఒక్కటే—మనమే అడగడం లేదు. ప్రశ్నించడం లేదు.
అడిగితే మార్పు వస్తుంది. అడగకపోతే ఇదే కొనసాగుతుంది.
@JanaSenaParty
తెలుగు
