காவியன்

The vote is cast. Respect the people. வாக்குகள் பதிவு செய்யப்பட்டுவிட்டன. மக்களை மதியுங்கள்.

If not ruthless fight back in SM, DMK won’t stand a chance in 2029..

வதந்திகள் வதந்திகளாகவே நீடிக்கிறது!!!

விஜய் எப்போது முதலமைச்சர் ஆவார் என்று எதிர்பார்ப்பு தற்போது இந்திய அளவில் எழுந்திருக்கிறது.

தவெக வின் முதல் மாநிலங்களவை உறுப்பினர் யார்?

தமிழ்நாடு சட்டமன்றத் தேர்தலில் தனித்து ஆட்சி அமைக்கும் அதிகாரத்தை மக்கள் எந்தக் கட்சிக்கும் வழங்கவில்லை. இந்த முடிவு தமிழ்நாட்டு வரலாற்றில் முன்னெப்போதும் நிகழாதது' திரு.கமல்ஹாசன் அவர்கள் அறிக்கை இப்படித் தொடங்குகிறது. ஆட்சியமைக்கும் அதிகாரத்தை மக்கள் எந்தக் கட்சிக்கும் வழங்கவில்லை என சொல்வதின் மூலம் த.வெ.க, திமுக, அதிமுக என இம்மூன்று கட்சிகள் பெற்ற அங்கீகாரத்தையும் ஒரே தராசில் வைக்கிறார் கமல். ஆனால் உண்மை என்னவென்றால், கூட்டணி இல்லாமல் தனித்த கட்சியாக போட்டியிட்டு 108 தொகுதிகளில் கடந்த அறுபதாண்டு கால தேர்தல் அரசியல் வரலாற்றில் வென்றது த.வெ.க மட்டுமே. திமுக இதுவரை தனித்து தேர்தலை சந்தித்ததில்லை. அதிமுக 2016 இல் பெரிய கட்சிகளின் துணையின்றி கூட்டணிக்குள் வந்தவர்களை இரட்டை இலை சின்னத்தில் போட்டியிடச் செய்தது. இரண்டாவதாக, அந்த அறிக்கையில் அமையப்போகும் ஆட்சி குறித்து ஸ்டாலினுக்கு எந்த பிரச்சனையும் இல்லை என்கிற பெருந்தன்மையை நிறுவி, விஜய் ஆட்சியமைக்க அழைக்கப்பட வேண்டும் என இறுதியில் கவர்னரை கண்டிப்பதில் முடிகிறது அறிக்கை. நேற்று மாலை வெளியான திமுக - அதிமுக கூட்டணி ஆட்சி செய்திக்கு பின் ஸ்டாலின் அளித்த விளக்கத்தின் ஊடாக திமுகவின் ஜனநாயகப் நிலைப்பாடு நிறுவப்பட்டுள்ளது. மறுபுறம் காங்கிரஸ் த.வெ.கவுக்கு அளித்த ஆதரவை துரோகச் செயல் என நிறுவி இருக்கிறது திமுக. தற்போதிருக்கும் சூழலில் காங்கிரஸ் நம்பிக்கைத் துரோகம் இழைத்து விட்டது என்று திமுக குறிப்பிடுவதில் ஏதாவது அர்த்தம் இருக்க முடியுமா? திமுகவுடன் கூட்டணி அமைத்து போட்டியிட்டு அக்கட்சி ஆட்சிக்கு வரும் சூழலில் காங்கிரஸ் த.வெ.க கூட்டணிக்கு தாவி இருந்தால் அதை துரோகம் என்று சொல்வதில் நியாயமிருக்கிறது. அப்படியொரு வாய்ப்பில்லாத போது இதை துரோகம் என எப்படி குறிப்பிட முடியும்? 2006 தேர்தலில் திமுக தனித்து பெற்ற தொகுதிகள் 96. பாமக, கம்யூனிஸ்டுகள் மற்றும் காங்கிரஸ் கட்சி வெளியிலிருந்து ஆதரவு வழங்கியது. பாமக 2009 இல் அதிமுக கூட்டணிக்குத் தாவிய பிறகும் திமுகவால் ஆட்சியில் இருக்க முடிந்ததற்கு காரணம் காங்கிரஸ். 2004 பாராளுமன்ற தேர்தலில் மத்தியில் ஆட்சி அமைக்க திமுக எம்பிக்கள் காங்கிரசிற்கு தேவைப்பட்டது,  2006 தமிழ்நாட்டில் ஆட்சி அமைக்க காங்கிரஸ் சட்டமன்ற உறுப்பினர்கள் திமுகவிற்கு தேவைப்பட்டார்கள். இந்த உடன்பாடோடு தான் ஐந்தாண்டுகள் ஆட்சியை நிறைவு செய்தது திமுக. நடந்து முடிந்த தேர்தலில் காங்கிரசுக்கு திமுக 28 + ராஜ்யசபா வழங்கியது. இதையும் நன்றிக்கணக்கில் சேர்த்துக் கொண்டிருக்கிறார்கள். த.வெ.க தற்போது பெற்றிருக்கும் வாக்கு சதவிகிதத்திற்கு காங்கிரசோடு இணைந்து தேர்தலை சந்திக்க முடிவு செய்திருந்தால், கூட்டணிக்குள் குழப்பம் வருவதற்கான வாய்ப்புகள் இருந்திருக்கும். அந்தச் சூழல் வந்து விடக்கூடாது என்பதற்கு திமுக கொடுத்த விலையே 28 + ராஜ்யசபா, அதிலும் தேர்தல் கணக்குகள் இல்லாமல் இல்லை. ஒருவேளை அவை உற்ற சகோதர கட்சிக்கு பெருந்தன்மையாக கொடுக்கப்பட்ட இடங்கள் என்றால், அந்த பெருந்தன்மை ஏன் விசிக, கம்யூனிஸ்டுகளிடம் வெளிப்படவில்லை? அரசியல் கூட்டு என்பது கட்சி மற்றும் மாநில நலன் கருதி மாறிக்கொண்டே இருப்பவை. ஆட்சியில் தொடர முடியாத போது திமுகவோடு கைகோர்க்க வேண்டிய தேவை காங்கிரசுக்கு மட்டுமல்ல, வேறு எந்த கட்சிக்கும் தேவையில்லாத நெருக்கடி. இந்த யதார்த்தம் புரியாத கட்சியில்லை திமுக. இன்றைய சூழலுக்கேற்ற காங்கிரசின் முடிவை தனிப்பட்ட முறையில் எடுத்துக் கொண்டு துரோகமாக சித்தரிப்பது அவர்களது அதீதங்களில் ஒன்று. பிற கூட்டணிக் கட்சியினருக்கும் இதன் மூலம் தமது விருப்பமின்மையை உணர்த்தியுள்ளது. த.வெ.கவுக்கு காங்கிரஸ் ஆதரவு அளித்த பின் நடப்பவை எல்லாமே வேறு கணக்குகளை கொண்டிருப்பதாகவே புரிந்துகொள்ள வேண்டி இருக்கிறது. தற்போது ஆட்சி அமைப்பதில் நிலவும் சிக்கல்களில் பாஜக தலையீடில்லாமல் இருக்காது என ஒப்புக்கொள்ளும் அதே வேளையில், ஆட்சி அமைப்பதை தடுத்து அரங்கேறும் மாற்று திட்டம் எதுவாயினும், அதையும் பாரதிய ஜனதா திட்டமிட்டு கொடுத்ததாகவே இருக்கும்.

விஜய்யின் இடத்தில் வேறொரு பக்குவமான இளம்தலைவர் இருந்திருந்தால் என்ன செய்திருப்பார்? - 1. தேர்தல் முடிவுகள் வந்த மறுநாள் கட்சி அலுவலகத்திலோ பொதுவிடத்திலோ ஒரு மேடை அமைத்து பேசி உணர்வுப்பூர்வமாக மக்களுக்கு நன்றி தெரிவித்து இருப்பார் 2. கூடவே "தேர்தல் முடிவு முழு மெஜாரிட்டி தராத நிலையில், மற்ற பல கட்சிகளோடும் கலந்து பேசி இணக்கமான ஒரு முடிவுக்கு வரவேண்டி இருக்கிறது. நம் வேறுபாடுகளைக் கடந்து மக்கள் நலனுக்காக ஒருங்கிணைந்து செயல்படுவோம்" என மற்ற கட்சிகளுக்கு சிக்னல் தரும் விதமாக பேசியிருப்பார் 3. பத்திரிக்கையாளர்களை சந்தித்து அடுத்தகட்ட நடவடிக்கைகள் குறித்து விளக்கம் தந்திருப்பார் 4. முதல் கட்டமாக - ஆதரவு கோரும் கடிதங்களை மற்ற கட்சிகளுக்கு தன் கட்சியின் மூத்த முக்கியஸ்தரை (செங்கோட்டையன் போன்ற ஒருவர்) அனுப்பி நேரில் தந்து ஆதரவு கேட்க சொல்லியிருப்பார் 5. கவர்னரிடம் ஆட்சி அமைக்க உரிமை கோரிய பிறகும் பத்திரிக்கையாளர்களை சந்தித்திருப்பார் 6. அடுத்த கட்டமாக - ஆதரவு கேட்ட கட்சிகளின் தலைவர்களை தானே நேரில் சென்று சந்தித்து பேசியிருப்பார். தேவையான ஆக்கப்பூர்வமான உறுதிமொழிகளைத் தந்து ஆதரவு கடிதத்தை பெற்றிருப்பார். 7. அந்த ஆதரவு கடிதங்களை கவர்னரிடம் தந்து பதவியேற்க நாள் குறித்திருப்பார் 8. ஒருவேளை யாரிடமும் (அல்லது தேவையான அளவு) ஆதரவு கிடைக்கவில்லை என்றால், கவர்னரிடம் சென்று "நான் ஆட்சி அமைக்கவில்லை. எதிர்க்கட்சியாக அமர தயார்" என சொல்லியிருப்பார் 13 வருடங்களுக்கு முன்பே தன் சினிமா படத்துக்கு "Time to Lead" என tagline வைத்த விஜய்க்கு மேலே சொன்னதுபோல் முதிர்ச்சியோடு அணுகும் தன்மை இருக்கிறதா?!