سَراچ

- المملكة هي قصة مجد بدأت من رؤية وقادة عظام، وبُنيت على العقيدة الصافية ووحدة القلوب، حتى أصبحت اليوم منارة قوة، ووجهة للعالمين . خمسة وتسعون عامًا من الأمن والأمان، والرخاء والعطاء، والإنجازات التي تُسطر في صفحات التاريخ بحروف من ذهب . #محمد_بن_سلمان #اليوم_الوطني_السعودي_95

عن منبع الزين الحقيقي والالهام خذتني ظروف الليالي ، وهمّي اللي تعافيني بضحكه ، وسلهام من عقبها دمعي على اطراف كمّي راحت وحال الحظ من دون الاحلام اوادع احلامي ب كفّي ، واومّي 👋🏾 ليت العمر معها يجي اعوام واعوام واسج عن غمّ الليالي ، وغمّي ما هو ثلاث ارقام الا اربع ارقام متعدّيٍ نوح وهوى الروح يمّي وادرى عليها من صواديف الايام حتى اتفدّاها بروحي ، ودمّي :) مانيب في حب العماهيج منلام طحت بهواها ما لقيت المسمّي حشيمةٍ من روس شيخان وحشام ماهيب بايّت بنت لا جيت اسمّي بنت الفخر بنت المطر بنت الانسام من بيت عزّ وشيخه ، وبنت عمّي :)

كل الغنادير في كفه و انتي على مرقبٍ عالي لو دونك القوم مصطفّه ماحركوا ميلة عقالي♥️

أنا فجرك وأنا صبحك وأنا عصرك وأنا ممساك وأنا اللي لا خذلك الوقت ، ما خليتك لحالك أنا كفك و أنا سيفك وأنا رمحك وأنا شلفاك وأنا اللي لا عدوك الناس أول شخص يطرا لك أنا وجدك وأنا شوقك وأنا قلبك وأنا مضناك وأنا اللي لا هزمك الشوق ، اجيك اوقف قبالك .

يا شيخة الابداع قولي على وين غير الطروق اللي ماهيب معسوفة لدي علي ب الواجد الراهي الزين انا لهوف وخابر انك لهوفة عندي قصيد اكثر من اللي تتشوفين ومحرمٍ في غيرك اكتب حروفه يسوقه الله سوق في طلتك لين اشوف فيك اللي تمنيت اشوفه من وين ما طالعة فيك الله يعين مغير الحق دمع عيني حسوفة اللي على وجهك ماهي عين سكين تفج قلبي فج وتفح جوفه خذيتي امن الغصن ما ياخذ اللين وانا ما اعرف اشوف لينك واطوفه اعرف اسويلك من البيت بيتين واعرف كيف ازيد انوفتك انوفه مسلمك قلبي مثل ما تحبين روفيه ولا علقييه بكفوفه على هواك وسوي اللي تسوين دام المساعي مع هواك مخلوفة

خلي البيوت العامره بالناس ولا تسكنين إلا قفص صدري ما شفت شيٍ يخطف الأنفاس كثر ابتسامة وجهك البدري العين خدرا كن فيك نعاس حتى لو إنك قايمه بدري والراحتين ، أحلى عقود الماس والشفتين ، أحلى عسل سدري الجانب العلوي يجيب الراس وشلون عاد الجانب الحدري؟ - جمال بن بندر

قصيدة مزعل في المشهد الأخير في #لسان_معقود خلاط+ اسبوع سافرت فيه يساوي الفين عام خضت المعاني.. سبحت بعمق غبَّاتها سافرت في الغيب بين الوعي والانسجام وذاقت خيول الخيال امر غزواتها ووصلت لابعاد مثل الحلم وسط المنام وشفت الحياة بتعبها وبملذاتها وعرفت الانسان ماهو باللحم والعظام الناس بارواحها وازكى رسالاتها أحررك يا رفيقة شعري ام اللثام وأحرر الجن من نفسي بجنَّاتها وكان ابن شلفا يجاريني علي الحرام إنه رفيقي على الاشعار وابياتها ألومه بكل ما أكتب وأنا ما أُلام نفسه ضعيفه ولا يقوى مجاراتها يستعبد الجن وانسام الفكر والهيام اربع من الجن دون الحق يقتاتها لكن عندي دواه اللي يزيل السقام واعلمه في فعوله وش مغبَّاتها ثم يابن شلفا من الليلة عليك السلام والملعبة من يدي تشرب مراراتها

ليا اختَلّ مفهوم البشر للنقى والعيب تشوف الحرامي يدخل البيت من بابه

حبيب الفواد إللي جعل فـ الفواد فتوق من المستحيل جروحه .. تخيّب ظنونه ماهو لازم يرّجع علي " قلبي المسروق " بـ آعيش الغرام الموجع .. إللي يقولونه طعون الزمان علاجها " طعنة الغرنوق " مثل ما النحل نستخلص الطب بطعونه أدين لـ جمال أوصافه و شخصه المرموق بعدهم عرفت إن فرصة العمر : مضمونه " سيادة سموّه " تشمل العقل و المعلوق ماغير الكرامه بس ؟.. ماهي بـ مرهونه من خيانة المحبوب ! .. و خيانة المنطوق على ذا الدلع .. و الزين من يقدر يخونه ؟ ما أسولف معاه إلا و أنا تحت ضغط الشوق ترا ( الكلمه ) إللي من ورا الشوق ؟ موزونه كثر ماني أسترسل معه " خارج الصندوق " أعرف الكلام إللي بـ صدره ؟.. من عيونه

المملكة دار الملوك المناعير اللي انثنت من دونها واحتمتها دار السعود مروضيين المعاسيير ما استعمرت ولا الأجانب خذتها فخر العرب رمز الفخر دون تحيير اللي من رمال الصحاري بنتها حتى الدول لجأ من الوقت تقصير لا ضاقت الدنيا عليهم نصتها حل المشاكل مايبي زود تفكير حلولها دايم وسط عاصمتها برواحنا نفديك ياديرة الخير وارواحنا بلحالها ماكفتها من دونها حد السيوف البواتير واللي طمع فيها بيدفن تحتها

- ما اقسى من الضيقه على وجه مسكين الا ( انقسامي ) بين غالي .. و غالي عقلي .. يقول الحب درب المجانين وقلبي .. يقول الموت لـ الحلو حالي قضيتي تشبه " قضية فلسطين " تحت .. تعدي جيشها الاحتلالي انا رهين البسمه .. و محجر العين اللي تهبلني وانا ( اعشق هبالي ) من حقها تفخر على " جيل الالفين " رعبوبه .. و مزيونه .. و ضغط عالي من حي غرناطه .. الى حي حطين هذي مداهلها من اول .. وتالي ! العمر قفى في ( انتظار المقفين ) و اسرفت في الوجه الخيالي خيالي الى متى ؟ بعدين .. طيب وبعدين مدري متى بـ القى اجابة سؤالي ؟ صرت اطلب الله في صفوف المصلين لا صدت اخر من بقى لي .. البقى لي الشوق طاغي .. و المزايين طاغين و الواقع اسود مثل ( سود الليالي ) صار الزعل عندي من الضيق روتين صدري مهوب اللي من أول شمالي من كثر ما اخاف المفارق من الحين ماودي .. انكم تدفنوني لحالي ! عمر المكابر ما يخدم المحبين يا فاتنه خلي التعالي ( تعالي ) :

ان روحنّ بنات الأفكار وان جنّ شيٍ .. ماهوب يقال لك ما نقوله اسما من التشكيك وأبعد من الظنّ وأصعب من اللي ماتجي بالسهوله وألطف من النسمة ومن ضحكة السن وأعذب من الصيّب على اول هطوله على الجمال الفذ شاكر وممتنّ تستاهلين .. اللي يتعّب ذلوله مشاعري يوميًا لـ قربك تعن يا مقربك مني .. لو انك جفوله مافيه ليلٍ .. مرني فيه ما حنّ نفس الشفاوي ما تعوّد ملوله مرّي جراهيدٍ لها البرق ما حنّ ويقوّم وردٍ كان يشكي .. ذبوله يا سيّدة بال القصيد وهل الفنّ يدين .. ما تدرك يديك مغلوله لو يدري الحنّا ، من انتي ؟ ومن منّ عيّا .. لا يطلع من يديك بسهوله

أنتي أنقى من كَحل عين ولبس جنبية وأقرب من الناس لو بيني و بينك فرقا وأنتي العيد و طراة العيد و العيدية والعفيفة والشريفة والرقاق الطرقا عشرتك ماهيب منسيّة ولا مسليّة وين ما أحوّل تحوّل وين ما أرقى ترقى عاد صوتك فـ أذني و عاده ألذ أغنية وعادها طيوفك تخاطفني لا ناحت ورقا وعاد صورتك برموش الذاكرة محميّة وعاد في قدرك مقادير الأوادم غرقا وعاد لك في صدري شْعورٍ ماهوب شوية أكبر من الشعر و من القاف "إيّه و ارقا" الوكاد إن ضاقت الدنيا ، وروحي حيّة إدري إن لك على قلبي يا قلبي مرقّا "أنتي جاهيّة ما تحتاجين للجاهيّة وكل راسٍ عند راسك ينحني و يعرقا

في ليلة العيد ، غطيتي على القمرا يا طلةٍ : ما يضاهي حسنها فارع يوم استحيتي .. و شفت اوجانك الحمرا عرفت بـ ان الحصيل ، يعود للزارع تفداك شقراء الذوايب : و اختها السمرا واللي ورا السور .. و اللي من ورا الشارع

طلّتك فالعيد شي أجمل من العيد أنتي خطيره . . وأنا أحب الإثاره ! ورّيني " البسمه " اللي كلّها ، كيد واللّولو ، اللّولو .. اللي فالمحاره ياضيعتي ضيعة السلسال فالجيد يلف ، ويدور ، ما دقّ ( الإشاره ) ، مساحة الخصر ، تكفي قفلة الإيد خلّي حزامه ، وحطّي له سواره !

مزيونة العيد فلي لي شعرك وجداه وخلي القصايد تمشط غرتك بالغزل كل لبسٍ في صباحات الفرح ماشتراه وَأنتِ لبستِ غرورك والعقل والثقل اللي يلامس كفوفك ياسعده ورضاه واللي تشوفك عيونه ليه ماينذهل وفستانك اللي حوى خصرك تعدى مداه أبلعن أبوه دامه ثار حولك .. جدل :)

"ترفقي بالمترفات الغنادير معك جمال الناس بالحيل عادي سرقتي الأضواء عن زحمة السير مثل الهلال بليلة العيد بادي تفتحت لأجلك ورود ونواوير والجو عطرتيه عنبر وكادي مثلك ما تاتي به عطايا المقادير إلا بدعوة عود راضي وهادي"

منزالك الأهداب.. يا ناسع الجِيد إليَا تجوَّد كلّ خلٍّ — فـ خلَّه! أساوَم عيونك، وأداريك، وأزيد أمانتك سيف الزعل، لا تسلَّه.. مهما تثنَّت في هوَاك العناقيْد أنا أعْرِفك، وأعْرِف هوَاك، ومحلَّه وشلون أساوِي ضحكتك فأوَّل العيد؟ وضحكتك أرقّ من أوَّل العيد كلَّه!

عاد عيدك يا غزالٍ تعيّد من زمان في طرف ضلعٍ عليه السوافي بانيه لاتعرّض لـ الهبايب و عودك خيزران تسحبك نود المرابيع سحب السانيه كف سهم عيونك السود رحمه و أمتنان العرب مجني عليهم و عينك جانيه أنت باشة سحر الألباب غيّ و عنفوان لاتصدّ ولا تضدّ الحياه الهانيه - مطرب بن دحيم

انا عنيد وعاشق لي عنيده وعزي لمن يعشق بنات السلاطين هي من قبيله منزلتهم مجيده وانا من عتيبه صعوط المجانين