Imran Inayat

سی ایس ایس کا رزلٹ آیا ہے۔ پہلے سنتے تھے کامیابی کے سو باپ ہوتے ہیں۔ اب معاملہ یہ ہے کہ کامیابی کی سو اکیڈمیز ہوتی ہیں۔ ٹوٹل 170 امیدوار منتخب ہوئے۔ ورلڈ ٹائم نے دعویٰ کیا ہے کہ 170 میں سے 105 لوگ ان کی اکیڈمی کے ہیں۔ نیشنل آفیسر اکیڈمی (NOA) والوں کا دعویٰ ہے کہ 89 طلبہ ان کی اکیڈمی کے ہیں۔ مرید جسرا صاحب کی اکیڈمی سی ایس پی نے دعویٰ کیا ہے 86 سٹوڈنٹس ان کی اکیڈمی کے تھے۔ لاہور سی ایس ایس اکیڈمی نے دعویٰ کیا ہے کہ 110 سٹوڈنٹس ان کے ہیں۔ ریڈ رائٹ اکیڈمی نے بھی کہا ہے کہ 80 ان کے سٹوڈنٹس ہیں۔ کپس نے بھی 100 کا دعویٰ کیا ہے۔ باقی لاہور میں وقار حسن اور معظم لودھی صاحب کا کہنا کہ 75 سٹوڈنٹس ایسے پاس ہوئے جو کھانا بھی باہر نہیں کھاتے تھے، آکسیجن بھی ان کی اکیڈمی سے لیتے تھے۔ باقی آگے پیچھے سے کل ملا کے 170 میں سے 1000 ایک بندہ بن جائے گا جس نے مختلف اکیڈمیوں سے پڑھا۔ اب حالت یہ ہے لاہور میں کاروبار کے حوالے سے داتا دربار دوسرے نمبر پر چلا گیا ہے۔

#محبت_مافیا کئی سالوں پہلے کی بات ہے مجھے معلوم ہوا میری یونیورسٹی کے کلاس فیلو دونوں بہن بھائی امریکہ شفٹ ہوگئے ہیں اور آج کل ان کے والد ایدھی اولڈ ایج ہوم میں ہیں یہ سن کر میں تڑپ سا گیا کہ ایک عظیم باپ ایدھی اولڈ ایج ہوم کیسے پہنچ گیا میں نے کسی طرح امریکہ رابطہ کیا اور ان کے بیٹے سے پوچھا یہ کیا کر دیا تو نے مجھے شدد دکھ اس لمحہ پر بھی ہو رہا ہے کہ آج اس موضوع پر ایک دوسرے سے بات ہو رہی ہے اس نے بتایا میں مجبور تھا میں نے یہاں ایک انگریز سے شادی کر لی ہے پوچھا بہن کہا ہے بتایا اس نے بھی کسی انگریز سے شادی کر لی ہے اور اسی کے ساتھ رہ رہی ہے میں نے جواب دیا تم دونوں نے اپنی دنیا تو تباہ کر ہی لی ہے لیکن اپنے ساتھ ساتھ اپنے باپ کو بھی کہیں کا نہیں چھوڑا اور فون بند کر دیا اور پھر میں نے اگلے دن ایدھی ہوم جانے کا فیصلہ کیا میں سہراب گوٹھ ایدھی ہوم پہنچا وہاں کا اندرونی ماحول خاصا پراسرار معلوم ہوا بہت انتظار اور برداشت کرتے کرتے دوست کے والد کی انفارمیشن مانگی شروع میں تو سب منع کر دیا لیکن جب میں نے کچھ شور مچاتے ہوئے فیصل ایدھی کا نام لیا تو رجسٹرڈ کھلنے لگے اور مجھے بتایا گیا وہ صاحب یہاں تھے لیکن چند دنوں پہلے انہیں سپر ہائی وے نوریہ آباد ایدھی ہوم شفٹ کر دیا گیا ہے میں نے گھڑی میں وقت دیکھا شام ہونے کو تھی خیال آیا اندھیرا ہونے کو ہے اور رات میں ہائی وے اس کام کیلیے نکلنا ٹھیک نہیں اگلے دن میں صبح آٹھ بجے گھر سے نکلا اور سپر ہائی وے سے نوریہ آباد ایدھی ہوم پہنچ گیا اب وہاں کا ماحول ایسا تھا کہ آفس میں موجود بندہ مجھے ایسے دیکھ رہا تھا کہ جیسے میں کوئی خلائی مخلوق ہوں اور سیدھا چاند سے نوریہ آباد اتر کر ڈریکٹ ایدھی ہوم آگیا ہوں میں نے اسے ہوش میں واپس لاتے ہوئے بولا تم بھی انسان ہو میں بھی انسان ہوں چلو اب آگے کچھ کرتے ہیں اپنے آنے کا مقصد بتایا اور مزید تمام ڈیٹیل جس کے بعد وہ بہت مشکل سے ہزار کا نوٹ لے کر انکل سے ملاقات کروانے پر رضا مند ہوا۔ اور اب میں انتظار میں ٹہلتا رہا اور دو گھنٹے گزر گئے ایسی نوبت آچکی تھی کہ اب میں منتیں کرتا جیسے کہ بھائی ملاقات کروا دو۔ انتظار میں پورے دو گھنٹے گزر جانے کے بعد میں نے دیکھا بہت دور سے وہیل چیئر پکڑے کوئی بندہ میری طرف آرہا ہے اور وہیل چیئر پر کوئی بندہ بھی بیٹھا ہے میں دیکھتا رہا وہ نزدیک آتے رہے حالانکہ میرے بالکل پاس آکر رک گئے اور لانے والے نے کہا یہ لیجئے لے آیا ہوں آپ یہاں آجائے اور بیٹھ جائیں میں نے وہیل چیئر تھامی اب یہ ایک پارک جیسی جگہ تھی میں نے درخت کے نیچے چھاؤں میں وہیل چیئر روکی اور خود زمین گھاس پر بیٹھ گیا اور انکل کو لانے والا ہم دونوں کی ملاقات کا جائزہ لینے کیلئے ہم سے ہٹ کر کچھ دور بیٹھ گیا اور مسلسل ہمیں دیکھتا رہا جسے میں اگنور کرتا رہا۔ شروع میں تو میں انکل کو بالکل پہچانا ہی نہیں گورا رنگ سڑ کر کالا ہو چکا تھا اور اچھا خاصا صحت مند جسم سوکھ کر لکڑی جیسا بن چکا تھا۔ کوئی بھی بات شروع کرنے سے پہلے میں نے حالات کا بغور جائزہ لیا جس سے مجھے معلوم ہوا انکل کا جسم تو خاصا گندہ ہے اور بدبو بھی آرہی ہے مگر انہیں ملاقات کروانے کاٹن کا نیا سوٹ پہنا کر لایا گیا ہے كلف لگا ہوا سوٹ جسے دیکھ کر میں تمام اندرونی معاملات جلد سمجھ گیا کہ اندر کا ماحول کیا ہوگا۔ اب انکل نے خاموشی توڑی اور پوچھا تم کون ہو میں نے عرض کیا میں عاطف ہوں آپ کے بیٹے کا دوست ہم یونیورسٹی میں ساتھ پڑھتے تھے اور میں اکثر آئے دن آپ کے گھر آیا کرتا تھا اور اکثر آپ سے بہت ملاقاتیں ہوئیں۔ انکل نے اپنے سر پر ہاتھ رکھا اور سر مسلتے ہوئے کہا ہاں کچھ کچھ یاد آرہا ہے ایسا ایسا اس سے مجھے یقین ہوگیا یہ جو بھی مڈیسن ڈرگ ٹائپ یہاں موجود بندے کو دیتے ہیں اس کے استعمال سے ویسے ہی بندے کی یاداشت فنا ہوجائے۔ میں مزید باتیں کرنے لگا تو انکل نے کہا تم کچھ مت بولو وہ سامنے بیٹھا ہمیں دیکھ رہا ہے تمہارے جانے کے بعد وہ مجھے مارے گا تم یہاں سے چلے جاؤ اور آیندہ یہاں کبھی مت آنا اتنی سی بات پر میں مزید بھی سب جان گیا کہ اندر کیا کیا ظلم ہوتا ہوگا اور جلد ہی میں نے انکل سے وعدہ لیا میں آپ کو لینے آؤں گا آپ میرے ساتھ میرے گھر چلے گے انکل نے کہا نہیں یہ لوگ نہیں جانے دینگے یہ لوگ اندر ہمیں زنجیروں سے باندھ کر رکھتے ہیں اور زنجیروں سے ہی ہمارے جسم کو کھینچتے ہیں میں نے نیچے پیروں کی طرف دیکھا تو پیروں میں زنجیروں کے کافی گہرے زخم تھے۔ میں نے اپنے تمام غصہ کو کافی کنٹرول کیا کیونکہ یہ معملہ غصہ دکھانے کا نہیں عقل مندی سے اپنے بندے کو اس قید سے باہر نکالنے کا تھا۔ میں نے انکل سے وعدہ لیا میں آؤں گا اور آپ کو میرے ساتھ چلنا ہوگا