Zahid Baloch

یہ لاہور کی مشہور زمانہ خلیفہ بیکری ہے جس کی روزانہ کی فروخت لاکھوں میں ہوگی ڈھٹائی دیکھیں کہ آن لائین یا کارڈ سے پے منٹ نہیں لیتے مجھے کہاں گیا کہ صرف کیش لیں گے جو کرنا ہے کرلو پنجاب ریونیو اتھارٹی کہاں ہے ؟

بہادری ، بزدلی یا سمجھداری ؟ کل ملتان سے میرے بھائی صفدر عباس زیدی کا فون تھا۔ ایران امریکہ پر بات ہونے لگی تو میں نے کہا بچپن میں ہر بچے کی طرح میں بھی گھر میں لاڈلا تھا۔ میں شاید کچھ ضرورت سے زیادہ ہی لاڈلا تھا تو زیادہ بگڑ جاتا تھا تو اماں مجھے لاڈ کرکے منا لیتی تھی۔ شروع میں ماننے میں بہت ضد کرتا تھا اور کافی دیر تک ناراض رہتا اور بے چاری اماں مسلسل کوشش کرتی رہتی۔ ایک دن اماں نے کہا بیٹا بات سنو۔ جب کوئی منانے آئے تو تھوڑی دیر بعد مان لینا چاہیے تاکہ آپ کی بھی حجت باقی رہے کہ کسی نے منا لیا اور منانے والے کی بھی شان برقرار رہے کہ میں نے منا لیا۔ اگر تم مسلسل ضد کرو گے اور ماننے سے انکار کروگے تو پھر منانے والا بھی تھک ہار کر کہے چلو ٹھیک ہے پڑے رہو منہ بنا کر۔۔ کون سا راستہ ٹھیک ہے کہ کوئی منانے آئے تو کچھ دیر بعد مان جائو یا پھر کوئی قریب نہ آئے اور خود ہی خود کو مناتے رہو اور سبکی محسوس کرتے ہو؟ مجھے یہ سبق ہمیشہ یاد رہا کہ اس طرح دونوں کی حجت رہ جاتی ہے۔ ایران بھی اس وقت مشکل بلکہ خطرناک صورت میں پھنس چکا ہے۔ وہ یقینا مظلوم ہے کہ اس پر حملہ ہوا ہے۔اس کا بہت بڑا نقصان ہوا ہے۔ اب اگر وہ اس ڈیڈ لائن ختم ہونے سے پہلے امریکی شرائط پر معاہدہ کرتا ہے تو ایرانیوں کو لگتا ہے کہ دنیا سمجھے گی ہزاروں سال پرانی تہذیب کے محافظ صدر ٹرمپ کی دھمکیوں سے ڈر گئے لہذا نتائج سے بے پرواہ وہ لڑنے مرنے کو تیار ہیں تاکہ دنیا ایرانیوں کو بزدل نہ سمجھے بلکہ بہادر سمجھے جو اپنی جان پر کھیل گئے لیکن وہ امریکی دھمکیوں کے آگے جھکے نہیں۔ لیکن اب اگر پاکستان، ترکی اور مصر مل کر ایران کو منانے کی کوشش کر رہے ہیں تو اسے بڑے نقصان سے بچنے کے لیے مان جانا چاہیے۔ ہرموز کو کھول کر بڑے نقصان سے بچنا چاہیے۔ ایران اپنی حجت بھی قائم رکھے اور منانے والوں کی بھی۔ وہ پاکستان مصر اور ترکی پر سارا ملبہ ڈال دے کہ تہران تو کبھی جنگ بندی نہ کرتا اور نہ ہی آبنائے ہرموز کھولتا چاہے جو نتائج نکلتے لیکن کیا کریں ہمارے تین مسلمان ممالک نے ہمیں مجبور کر دیا ہے ۔ ہم انہیں انکار نہیں کرسکتے اور اب ان کے کہنے پر ہرموز کھول رہے ہیں۔ اندازہ کریں صرف ایک لفظ سے جنگ رک سکتی ہے کہ ایران کہے وہ ہرموز جنگ سے پہلے والی صورت حال پر کھول رہا ہے اور امریکہ کہے میں جنگ ختم کررہا ہوں۔ لیکن دونوں ممالک یہ کام نہیں کرپارہے کہ اگر ہم نے ایسے کر دیا تو دنیا ہمیں بزدل سمجھے گی۔ ٹرمپ جنگ نہیں روک رہا کہ بغیر ہرموز کھلوائے جنگ روکی تو سمجھا جائے گا یہ ایران کی فتح ہے۔ ایران سمجھتا ہے اس نے اپنی شرائط پر معاہدہ کیے بغیر ہرموز کھول دی تو سمجھا جائے گا ایران ٹرمپ کی دھمکیوں سے ڈرگیا کہ ایران کو پتھرکے دور میں واپس لے جائوں گا۔ اس وقت ایرانی قیادت کے کندھوں پر اپنی ریاست اور شہریوں کی بھاری ذمہ داری عائد ہے۔ انہیں ذاتی انا سے بالاتر ہو کر لانگ ٹرم سوچنا ہوگا۔ لاکھوں انسانی جانیں، ریاست ، تہذیب انسانی کسی بھی انا یا ضد سے اہم ہوتی ہیں اور ہونی بھی چاہیے۔ یہ بھی ذہن میں رکھیں کہ پاکستان مصر اور ترکی کا زور ایران پر چل سکتا ہے امریکہ یا اسرائیل پر نہیں۔ یہ تینوں ممالک اگر بات کو ہرموز کھولنے تک لے آئے ہیں تو ایران موقع ضائع نہ کرے۔ یہ باریک نکتہ ایران کو سمجھنے کی ضرورت ہے۔ اس نے اب تک تمام اندازوں کو غلط ثابت کر کے 37 دن جنگ لڑی ہے جس کا کسی کو یقین نہ تھا۔ اب سفارتی سمجھ بوجھ اور سمجھداری کا موقع ہے۔ تین ہزار سال پہلے چینی جنگی فلاسفر نے بھی اپنی کتاب The Art Of war میں لکھا تھا بہادر جنرل وہ ہوتا ہے جو جنگ سے بچتا ہے۔ پاکستان بھی ڈیڈ لائن ختم ہونے سے چند گھنٹے پہلے ایران سے مایوس ہوتا جارہا ہے اور کورکمانڈر اجلاس کی پریس ریلیز میں سعودی عرب پر ایرانی حملوں پر تشویش بھی زیادہ تشویش ناک ہے خصوصا جب آج صبح کی خبروں کے مطابق پاکستان تو ڈیل کرانے کے تقریبا قریب پہنچ چکا تھا۔ اس میں شریک سب ممالک اس وقت تنے ہوئے رسے پر چل رہے ہیں خصوصا ایران اور امریکہ۔ دیکھنا یہ ہے پہلے کون گرتا ہے اور کون رسے کے آخری سرے پر پہنچتا ہے اور یہی ان ملکوں کے لیڈروں کی بہادری اور اس سے بڑھ کر سمجھداری کا امتحان ہے جس کی طرف چینی جنگی فلاسفر نے اشارہ کیا تھا کہ بہادر جنرل جنگ سے بچتا ہے۔ تحریر/رئوف کلاسرا

روف کلاسرا صاحب "ڈان اخبار" میں صحافت کرتے رہے، پھر "دی نیوز" میں آئے، وہاں سے "ایکسپریس ٹریبیون" میں گئے، جس کے بعد نیوز چینلز کی طرف آ گئے، "دنیا نیوز" پر پروگرام کرتے رہے، اس کے بعد "92 نیوز" میں گئے، پھر "آپ نیوز" میں جمپ کر گئے، اس کے بعد "پبلک نیوز" پر براجمان ہوئے، پھر ٹیلون نیوز میں چلے گئے، اس کے بعد "جی ٹی وی" سے ہوتے ہوئے آج کل "نیو نیوز" میں پروگرام کر رہے ہیں۔ لوگ آگے کی طرف ترقی کرتے ہیں، موصوف اپنی ذہانت و شاندار فیصلوں کی وجہ سے پیچھے کی طرف ترقی کر رہے ہیں۔ لیکن ان کا ماننا ہے محمود اچکزئی کو اپوزیشن لیڈر بنا کر اور قائمہ کمیٹیوں سے استعفے دلوا کر عمران خان نے درست فیصلہ نہیں کیا!!!